論盡家傭

收藏本版
發帖
返回列表
跳至頁

首頁
1

尾頁
   0
KiuShaBB


珍珠宮

積分: 31492


1#
發表於 09-2-5 11:10 |只看該作者
我位夫人越來越唔掂, 特別係放農曆年假後, 嘜q都唔記得晒, d態度就差咗好多. 之前都唔係好, 無記性, 會講大話, 借d意唔做家務, 好彩都係d小問題, 同佢講咗會好少少~~一陣咁多啦, 轉頭又係咁.

31/12晚發覺佢成晚坐喺房度發夢, 嘜都唔做, 同埋用唔足夠既水嚟蒸奶樽, 同佢傾咗, 佢話掛住佢老公. 佢老公喺菲國有女朋友, 唔理頭家, 所以佢至嚟香港打工, 但係仲好掛住佢喎. 咁都唔好害我d小朋友吖. 傾完後, 佢開心番, 應我承會集中注意力喺番工作度.

佢好大頭蝦好唔小心, 成日跌衫, 衫夾落街, 由佢嚟時入滿個衫夾藍仔, 而家得返一半. 唔通要佢買返俾我?

放完新年假後仲差咗:

- 平日做開既野, 好多都唔記得做, 唔叫唔做, 次序錯晒.

- 煮粥仔d菜唔熟, 唔係一次半次, d肉好大舊, 好明顯無心機刴.

- 做清潔, 而家係慢動作. 叫佢抺窗, 佢淨係抺玻璃, 唔包窗框, 其他基本清潔無做, 我問佢好忙咩? 佢話要抺窗所以唔得閒! 我屋企得6隻窗咋, 又唔係好多隻.

- 放假前一晚唔收衫, 唔摺衫, 唔知係咪諗住第日放假, 等我自己做呢?

- 以前2個b喊, 佢喺廚房做緊野都會出嚟睇吓, 而家由得佢地喊, 行過當睇唔到.

- 我地返晒工, 無大人喺屋企, 雖然我媽會嚟幫手睇住, 但中午都要返屋企煮飯. 以前夫人會喺廳同小朋友玩, 而家俾我發現佢自己喺房執手袋, 打電話, 由得小朋友玩--電視機.

- 佢上工時得一個細旅行匧, 我屋企細, 只可以俾一個較大既櫃統佢都放得晒佢d衫, 同俾佢放一對鞋喺鞋櫃下面. 而家, 個匧裝返滿晒, 個櫃統爆晒好辛苦至關到, 加一個旅行袋, 枕頭下放咗2件褸, 3件衫, 門後面又掛咗件褸. 又有個大手袋, 放喺櫃面. 仲有3對拖鞋, 1對高踭鞋, 1對平底鞋, 1對波鞋. 我屋企就嚟係佢貨倉. 叫佢唔好買野會唔會好小器?

- 每次放假都買好多野食, 我個廚櫃就嚟變佢既廚櫃. 麵包餅乾都算啦, 可樂, 薯片, 小食, 芝士蛋糕, 沙律, 炒飯, 就嚟連我個雪櫃都入侵埋.

- 唔止買野食, 首飾, 長耳環, 手鏈(好粗), 介子... 唔係要賺錢養仔咩? 佢有3個仔, 老公唔要佢地喎? 又未還晒錢, 仲要開工時都戴, 呀姐, 你仲要做家務架? 要同我2個b沖涼架? 你唔介意刮花d首飾, 我都驚你刮到我2個b啦.

- 唔俾佢喺我屋企內化妝, 搽香水, 佢d有味野好勁香, 攪到佢地"打乞痴", 叫咗唔好都係咁。

呀夫人好似掛住做夫人多ｄ喎，賺錢買花戴，掛住打扮，工作就越來越差. 琴晚同佢傾，佢唔係望電視就笑，連玻璃窗既倒影都唔放過, 埃喺枱度唔望我, 扮揭書, 中文喎，佢唔會識睇, 又摸吓d花, 個頭擰嚟擰去, 一d都唔尊重我. 叫佢企去第個位, 企好d, 都係埃住個櫃好不耐煩, 叫佢企出d, 佢隻腳係搭出一步, 個身仍然埃住個櫃對住我笑, 個款似好有型, 等仔溝咁, 我開始懷疑佢放假係咪有秘撈? 佢令我諗起"咀角含春"(唔好意思, 借嚟用吓), 係咪識咗男朋友?

問佢係咪工作有問題, 佢話無. 好多野做, 攪到成日唔記得, 佢話唔係. 係咪掛住老公, 佢話無. 我話佢工作越來越差, 佢笑下算數. 講咗幾樣佢至講sorry, 好細聲, 都係笑緊. 佢真係唔想撈?

好長氣, 唔好意思, 一次過將最近d野講晒.

[ 本帖最後由 KiuShaBB 於 09-2-5 11:35 編輯 ]
私人傳訊

Siuchoi


珍珠宮

積分: 32052


2#
發表於 09-2-5 11:16 |只看該作者
呢d冇[心]工人, 我唔會留, 費時貼$養人仲要害到自己同家人, 叫佢死返去佢老公到啦!
私人傳訊

KiuShaBB


珍珠宮

積分: 31492


3#
發表於 09-2-5 11:28 |只看該作者
原帖由 Siuchoi 於 09-2-5 11:16 發表
呢d冇[心]工人, 我唔會留, 費時貼$養人仲要害到自己同家人, 叫佢死返去佢老公到啦!


我都考慮緊, 但係我請咗幾個工人, 佢已經係最少黑面, 唔駁咀, 唔喺屋企講電話, 叫做肯同小朋友玩... 比起以前果d極品, 都想再睇耐d.

請下一個又唔知會整件咩怪獸, 唉.
私人傳訊

Siuchoi


珍珠宮

積分: 32052


4#
發表於 09-2-5 11:49 |只看該作者
原帖由 KiuShaBB 於 09-2-5 11:28 發表


我都考慮緊, 但係我請咗幾個工人, 佢已經係最少黑面, 唔駁咀, 唔喺屋企講電話, 叫做肯同小朋友玩... 比起以前果d極品, 都想再睇耐d.

請下一個又唔知會整件咩怪獸, 唉. ...


咁會唔會你太nice? 工人本身質數係差, 再遇上nice mom.....

私人傳訊

五月MaMa


大宅

積分: 2785


5#
發表於 09-2-5 12:00 |只看該作者
其實您有無想過請"印印"?

有個agent同我講, 佢地唔做"賓賓"啦!因為..........現在年輕一代的"賓賓"小姐,來港不是為錢養家(她們生活豐足, 真係要多謝前2-3代), 而是"香港豪華遊"。有人包來回機票,包衣食住行,包醫療, 包花紅 (博炒), 包假期所有物資, 包食住僱主, 包玩野, 包克面.......一個唔高興就迫您炒佢送錢佢走.....您話happy唔happy!!

"政苦"做0的野啦!!


原帖由 KiuShaBB 於 09-2-5 11:28 發表


我都考慮緊, 但係我請咗幾個工人, 佢已經係最少黑面, 唔駁咀, 唔喺屋企講電話, 叫做肯同小朋友玩... 比起以前果d極品, 都想再睇耐d.

請下一個又唔知會整件咩怪獸, 唉. ...
私人傳訊

KiuShaBB


珍珠宮

積分: 31492


6#
發表於 09-2-5 12:24 |只看該作者
原帖由 Siuchoi 於 09-2-5 11:49 發表


咁會唔會你太nice? 工人本身質數係差, 再遇上nice mom.....


可能係我太惡都未定... 唔好誤會, 我唔係成日鬧佢, 多數同佢講道理同解釋, 講咗幾次都係咁, 就會忍唔住鬧, 但係鬧完又真係會好d喎, 你話佢地係咪攞嚟衰吖? 我對湊b方面係嚴d, 要佢湊2個b喎? 嘜都唔識, 梗係唔放心啦. 其他野, 唔太過份就算啦.

佢做咗4個月就咁樣, 都唔知捱唔捱到2年.
私人傳訊

KiuShaBB


珍珠宮

積分: 31492


7#
發表於 09-2-5 12:30 |只看該作者
原帖由 五月MaMa 於 09-2-5 12:00 發表
其實您有無想過請"印印"?

有個agent同我講, 佢地唔做"賓賓"啦!因為..........現在年輕一代的"賓賓"小姐,來港不是為錢養家(她們生活豐足, 真係要多謝前2-3代), 而是"香港豪華遊"。有人包來回機票,包衣食住行,包醫療 ...


真係豪華遊, 我夫人主要目的係shopping...

我最初係請印印架, 而且我好好彩, 用咗3個, 每個都有唔同既好野教我, 令我每日都激心同嘔血. 加上有個又走路, 又要告我(好彩無事, 個妹仲坐監添), 語言又唔係好掂, 所以至轉用以為會醒d既賓囉, 其實都係一樣.
私人傳訊

KiuShaBB


珍珠宮

積分: 31492


8#
發表於 09-2-5 13:54 |只看該作者
請問有無人可以教下我點做呀, 除咗炒佢, 仲有咩方法呀?
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見