吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 點可以令小朋友覺得充滿愛？

自由講場今日: 2894|主題: 1346320

收藏本版

發帖

返回列表

跳至頁

查看: 1898 | 回覆: 14

點可以令小朋友覺得充滿愛？ [複製鏈接]

tzelam2014

用戶要求終止服務

積分: 5479

1^#

發表於 17-8-23 02:35 |只看該作者 |倒序瀏覽 |打印

小朋友非常缺乏安全感，我得自己湊，管教當中一定有負面情緒俾到佢，點樣可以平衡一點，點做可以令小朋友感覺充滿愛但又不是溺愛？

0 0 0

私人傳訊

emily_money

子爵府

積分: 14373

2^#

發表於 17-8-23 03:03 |只看該作者

回覆樓主:

多啲擁抱多啲傾計同埋比多啲鼓勵，我覺得已經比到好大既愛，利申我仔得3歲幾

私人傳訊

PS123

子爵府

積分: 14488

2024年龍年勳章 hashtag旅遊勳章 DHA勳章

3^#

發表於 17-8-23 03:07 |只看該作者

tzelam2014 發表於 17-8-23 02:35
小朋友非常缺乏安全感，我得自己湊，管教當中一定有負面情緒俾到佢，點樣可以平衡一點，點做可以令小朋友感 ...

我成曰鼓勵阿女試啲佢未嘗試過嘅野，佢唔敢我咪同佢一齊試，再唔係，我試比佢睇！完成後就好有成功感，我同佢都會好開心，然後就會鼓勵佢分享下佢感受！每次小朋友克服到困難，就放大咁讚佢叻！小朋友有信心就唔會怕冇安全感！

另外我唔開心嘅時候我會叫屋企所有人同我保持距離！情緖過後就冇會事。

私人傳訊

tzelam2014

用戶要求終止服務

積分: 5479

4^#

發表於 17-8-23 03:18 |只看該作者

emily_money 發表於 17-8-23 03:03
多啲擁抱多啲傾計同埋比多啲鼓勵，我覺得已經比到好大既愛，利申我仔得3歲幾
...

我小朋友都係3歲半，總有好多事情佢唔明白點解no，太多事情佢唔明白我為佢好，放任同管束我唔知點平衡，例如我話佢要佢罰企咁，佢喊晒話我衰人，話唔要我唔鐘意我，我覺得好傷心。有時我罰完佢，佢半夜會發惡夢醒，忍左好耐先肯講話唔鐘意我鬧佢。
我都會成日擁抱佢，都有讚佢，亦有同佢傾計，但佢唔太願意表達内心，我有鼓勵佢講，有嘗試引導佢，但我都覺得我俾唔到安全感佢，佢唔係唔識表達，係唔想表達。例如佢整親受傷佢自己坐埋一邊都唔揾我，唔開心想喊都呑返落肚話無事，好多li d小事，好似好生性但我覺得佢始終係小朋友，唔應該咩都自己面對

私人傳訊

tzelam2014

用戶要求終止服務

積分: 5479

5^#

發表於 17-8-23 03:26 |只看該作者

PS123 發表於 17-8-23 03:07
我成曰鼓勵阿女試啲佢未嘗試過嘅野，佢唔敢我咪同佢一齊試，再唔係，我試比佢睇！完成後就好有成功感，我同 ...

我女好固執好硬頸，佢唔鐘意我幫佢，好多野佢覺得自己識，而且佢好大脾氣好炆憎，小小野就發脾氣什至會打人打自己，係鼓勵佢嘅過程我自己都覺得好挫敗，當佢打人打自己，我會要佢冷靜，之後佢又會嬲我唔鐘意我，但我其實只係想佢好

私人傳訊

PS123

子爵府

積分: 14488

2024年龍年勳章 hashtag旅遊勳章 DHA勳章

6^#

發表於 17-8-23 04:03 |只看該作者

tzelam2014 發表於 17-8-23 03:26
我女好固執好硬頸，佢唔鐘意我幫佢，好多野佢覺得自己識，而且佢好大脾氣好炆憎，小小野就發脾氣什至會打 ...

我細女都好硬頸㗎！受軟唔唔受硬！
同小朋友講野時要彎低身，你同佢嘅眼水平線一致，咁樣會增加親切感+小朋友唔會覺得妳似大蝦細!

你講野時要求佢要望住你，佢會容易好多明白你想同佢表達啲乜野！

小朋友情緒失控時就抱著佢比佢喊個夠，咁樣唔代表妳認同佢，只係想另佢冷靜落黎!

冷靜落黎就開始講返之前發生乜事，比機會你去了解佢唸法，你肯聽佢講佢嘅野，佢自然樂意接受你嘅教導同改正！

私人傳訊

Csonmi

大宅

積分: 2441

7^#

發表於 17-8-23 04:29 |只看該作者

回覆樓主：

本帖最後由 Csonmi 於 17-8-23 04:46 編輯

我小朋友都係咁大，我習慣say no嘅同時都解釋番背後嘅原因，如果佢都係唔太明白，試下用你小朋友識得嘅野嚟舉例佢聽

我明白見到小朋友因爲被鬧而發惡夢，甚至整親都唔想痴你，媽媽有幾心傷！佢性格較收埋自己嗎？還是對某d人佢會較多說話？

試下同佢做多點佢好鐘意嘅事？畀佢諗下想同媽媽做咩，約定佢幾時一齊做，都會係好開心嘅溝通。又可試下平時同佢講野時都蹲下望住佢拖住佢，小朋友友會覺得被尊重

如果好勞氣時，我會忍住行開一邊冷靜下先，但一定會同佢講媽媽做完咩咩咩就返嚟，等佢安心！又或叫佢冷靜好自己就嚟搵媽媽

私人傳訊

PS123

子爵府

積分: 14488

2024年龍年勳章 hashtag旅遊勳章 DHA勳章

8^#

發表於 17-8-23 04:31 |只看該作者

tzelam2014 發表於 17-8-23 03:18
我小朋友都係3歲半，總有好多事情佢唔明白點解no，太多事情佢唔明白我為佢好，放任同管束我唔知點平衡，例 ...

注意小朋友邊個時候會講多啲內心野，我女s通常臨瞓前傾到唔肯瞓！但我又有聽過有人啲係食晚飯嘅時候，你知道小朋友幾時講得再多咪係嗰段時間傾多啲計囉！

私人傳訊

Csonmi

大宅

積分: 2441

9^#

發表於 17-8-23 04:44 |只看該作者

tzelam2014 發表於 17-8-23 03:26
我女好固執好硬頸，佢唔鐘意我幫佢，好多野佢覺得自己識，而且佢好大脾氣好炆憎，小小野就發脾氣什至會打 ...

本帖最後由 Csonmi 於 17-8-23 04:47 編輯

如果佢唔想我幫，我會畀佢自己試到為止，只提佢如果要幫手時可以叫媽媽幫！佢地自己做到會有好大滿足感，不況讚佢大個女自己做到！

如果有打人情況，可以假設角色對調，問佢媽咪咁打你，你有咩感受之類. 有時可以借用佢好鐘意嘅玩具，你扮番佢嘅行為出嚟，再好誇張咁扮埋個受傷嘅玩具嗌痛！小朋友通常都好受落