心聲留言 今日: 9 | 主題: 17501

積分: 2209

1^#

發表於 04-9-28 02:38 |只看該作者

一個小小的心底話.. 為母親不易....(完結篇)

這個9月, 對我同我心愛既女兒來講, 都似乎有太多壓力了

我心愛既女兒, 只有2歲8個月, 一直以來, 佢都係一個好有自信, 好獨立既小bb, 可能係因為佢1歲, 便開始返playgroup, 所以佢唔怕羞, 亦好主動, even佢只有2歲多, 但佢真的比同齡既小朋友明白事理, 我重未為過佢既行為而憂心過.

只可惜我這個媽媽, 真的不懂得, 真的不明白, 原來佢只有2歲半而已, 這個9月, 我相信, 對我女兒來講, 佢要面對太多了….

9月6日, 我把佢送往幼兒園, 這一天係佢出生以來, 第一次獨個兒在學校生活, 沒有爸媽陪伴。我實在太差, 為何我會選一所幼兒園, 係沒有安排讓家長陪3至5天先, 才讓小朋友自己再一個人上課, 對於我小小既女兒, 要佢一個人獨個兒在一個陌生既地方哭3小時, 我真的不知所謂……

9月7. 8. 9…… 如是者往下的日子, 我的小女兒… 仍然每天上學前哭半小時, 回到學校, 我都不知她是否真的開心, 因為佢可能已經知道, 佢無選擇如地, 唯有….. 安然接受媽媽既安排, 上學去, 不過每天下課鐘一嚮, 她必定即大哭, 因為這樣, 老師會即時比佢第一個離開學校, 老師會急急地把她交給我或工人…..

如是者… 佢要開始佢人生上學既第一步… 還有…很遠…很…遠的路….

她還未適應如何面對校園生活, 佢已經因病入了醫院, 要面對既比起校園生活, 更不愉快…. 姑娘告訴我, 要為我小小既女兒吊水, 我那一剎那, 真的很心痛… 但亦幫不上她… 姑娘說, 怕父母心痛, 沒有在病房中為她插針, 把我既小女兒送往特別室, 我只可在門口等, 這30分鐘, 我跟我先生, 同樣覺得好慢長… 好無助, 因為佢嚎哭既聲音, 不停地叫媽媽, 但我真的幫不上, 佢不停地叫媽媽help, 我就越難過, 我心裡不停地想著, 佢第一天.. 第二天… 第三天.. 她是在學校如何哭呢, 她是否很失望, 因為佢既媽媽沒有去救她….

今天… 我站在特別室門口, 我亦沒有去幫她… 縱然我心中十分明白, 針佢係一定要打, 亦是為她好, 返學仍是必須返…

但是… 我很心痛…. 亦覺得… 我必須要學習放手… 她必須要成長… 去走她的路…

不過.. 我唔捨得, 我越來越唔捨得… 讓佢獨個兒走佢既路.. 我唔怕佢跌低, 亦唔怕佢遇上難題… 只是不想佢有獨個兒走的感覺.. 我唔想佢有無助感.. 唔想佢以為媽媽離棄她.. 我真的愛她…

作為一個母親, 真的無時無刻站在她身旁, 她明白嗎…??

KaKa & Trevor 之大世界

私人傳訊

eyan

積分: 6987

畀面勳章

2^#

發表於 04-9-28 03:58 |只看該作者

Re: 一個小小的心底話.. 為母親不易....

erikalo :
比d時間你同你個女,慢慢就會適應,當初我比個女反n1,佢頭一個月都無咩喊,但第二個月,可能放左幾日假,一返到學校就係0廿喊,我果時都好心痛,但從無想過後悔比佢兩歲返學,因為校長既一句說話:(個個小朋友開初返學都一定會喊,而家你比佢係兩歲喊左,到上幼稚園就吾會喊,重之做家長既一定要放手比d老師,遲d就吾喊,重會好開心0廿叫你同佢返學!)0廿我個月過左無內,真係吾喊,重日日同我講byebye,跟手就去左玩玩具/同同學玩/同老師玩,有時都吾記得同我講bb.而佢今年上左幼稚園,成兩個月無返學都無問題,返到學校好適應,只係個老師吾同左,佢又無咩野,但反學既第二日,佢又要面對一樣新野,就係要自己搭校車返學,開頭果幾日,日日喊住叫我同佢返學,一見佢上車就喊,放學一落車見到我又喊,而保母同我講佢上左車都吾同同學傾計,我當時都好心痛,又怕校車會有咩野意外,日日同我老公講,比番我送佢返學,但我老公吾肯,佢話我大住個肚吾好周圍行,如此過左一個月,而家個女無再喊,而且重好開心0廿,上左車重同我講byebye,連daddy話車佢返學都吾肯,佢話:(我自己坐車車返學啦,吾駛你送啦),我聽到之後都好安心,因為佢已經適應左,重日日講我知係車上發生既事,真係好得意0家!
而我係sars初期爆發既時候,因大家都未知有sars&新年,所以就同個女一齊返左大陸玩幾日,點知返到落黎,我個女病左成個星期都吾好,唯有同佢入院留醫,之後証實左佢係肺炎(不是sars)佢入到去,個醫生問我地個女有無食野,我地話佢食得好小,0廿醫生就要佢吊炎水,我打死狗同個醫生講價,吾得佢0廿細個,要佢種豆會好慘,之後個醫生比我攪掂左,話佢肯飲水就吾駛吊炎水,我即刻問佢有咩野會好過飲水,我問寶礦力得吾得,佢話得,但都要抽血,而即時比個姑娘同醫生拎左入房,要我地係出面等,我直程驚到吾0廿等,我去左買野,番到黎我問我老公,佢有無喊到,出奇地,我個女無喊到,我知道佢無喊我先安落d,0廿果晚開始,我就好比心機0廿比個女飲寶礦力,而我個女都肯飲,佢先可以好番出院.
所以我好明白你既心情,但雨過一定天晴,你個女會知媽咪有幾錫佢,有幾愛佢,放鬆d,你比佢返學吾係錯黎0家,比d時間佢適應下,好快就無事0家啦!

私人傳訊

kcpak

水晶宮

積分: 55902

3^#

發表於 04-9-28 06:19 |只看該作者

Re: 一個小小的心底話.. 為母親不易....

erikalo:作為一個媽媽,我地當然明白你呢一刻既感受~不過人生就是這樣,今日她未遇到困難未必他日遇不到!但其實作為一個母親,你已經做得好好!因為你已經無時無刻站在她身旁,要知道我們不能代替她去行這條路,做的就只有站在她身旁!!

有人話,人一生要找到四個人1) 自己2) 深愛你的人3) 你最深愛的人4) 共你過一生的人在你出世一刻,我一次過找到這四個人

私人傳訊

angelmak

積分: 2974

4^#

發表於 04-9-28 09:20 |只看該作者

Re: 一個小小的心底話.. 為母親不易....

我個女都係今年9月開學!
佢平時都係唔怕生o家, 我諗住佢返學一定冇問題啦!
點知喊到不知幾勁呀! 我啱啱至送佢上校車,
佢宜家一見架車就知又要返學, 又勁喊啦!
放學落車又係 ~
我試過一次同佢返埋學校, 佢喊得仲勁!
我日日都見佢咁, 我都好心痛...
不過D老師都講得啱嘅, Le係小朋友都會係咁,
只要記得同佢分享多啲學校嘅趣事,
應該都會好快適應到嘅! :cry:

2個寶貝~雅詠&灝泯

私人傳訊

fanny_wong

積分: 3301

5^#

發表於 04-9-28 10:25 |只看該作者

Re: 一個小小的心底話.. 為母親不易....

erikalo :

睇到你咁我都好唔開心, 要成長就要比佢自已面對不同視物同不同既野, 重有好長好長既路要行, 你要多d同小朋友講學校既, 等佢唔好咁驚慢慢就會習慣, 祝你囡囡健康快樂! :-P

私人傳訊

winoma

積分: 5875

6^#

發表於 04-9-28 13:24 |只看該作者

Re: 一個小小的心底話.. 為母親不易....

erikalo:

我BB(2歲7個月)8月頭返幼兒園(全日),頭2日有我陪, 跟著的3星期都係佢既適應期, 到現在佢好鍾意返學, 適應期每個BB都唔同, 回想初頭我都好心痛, 我是否不應比佢咁早返學, 遲一年吧, 但現在我完全放心了, 比多d 時間BB和你(因大家都要適應), 明天會更好.

私人傳訊

yuenwa

積分: 5774

7^#

發表於 04-9-28 14:40 |只看該作者

Re: 一個小小的心底話.. 為母親不易....

erikalo,

你囡囡在醫院的遭遇, 令我想起我囡囡剛出生的遭遇。由於我囡囡在我穿了水後過了24小時才出生, 怕細菌感染, 所以要在手仔種一粒豆打抗生素。每一天打針時, 囡囡都會哭過死去活來, 直到第四天, 醫生以為囡囡沒有菌, 所以還未等報告出已叫護士把豆拆掉。但當天下午, 報告出來是囡囡還有菌, 要打多一次, 結果要在手仔上再種豆。囡囡馬上便給幾位十分年輕的醫生送到特別室種豆, 我在門外聽見她的嚎哭, 我的心痛死了, 現在回想我還會哭, 但那幾位醫生還喜皮笑面說我囡囡爭扎得太利害, 所以要多幾個醫生來"對付"。所以之後, 每次囡囡要受皮肉之苦時, 我都會選擇勇敢地培伴在囡囡左右, 和她一起哭。我絕不容許我囡囡單獨面對這些困難。

所以日後touch wood講句, 若你的囡囡要受皮肉之苦, 你和你的老公可以試一下, 勇敢地和囡囡一起面對困難, 不是在門外等, 培在她左右, 就算要和囡囡一起嚎哭也不要怕。囡囡將來面對困難的信心就是這樣培養出來的。

私人傳訊

erikalo

積分: 2209

8^#

發表於 04-9-28 15:39 |只看該作者

Re: 一個小小的心底話.. 為母親不易....(完結篇)

好多謝各位既關心, 我十分之明白, 我要學習放手, 亦明白我既小女兒, 始終係一個獨立個體, 我不可能每天也在她身旁, 她總要面對問題.

我知道她是明白我既心意及我既愛, 只係我一時感觸而已...

真的很開心, 有你地既開解.

KaKa & Trevor 之大世界

私人傳訊

翹BB

積分: 363

9^#

發表於 04-9-28 16:21 |只看該作者

Re: 一個小小的心底話.. 為母親不易....

erikalo :

作為一個母親我絕對明白你的感受,如果可以的話我相信你情原代你的女兒受這痛苦,是嗎?但從另一方面看她始終要成長,要離開我們給她的保護罩,慢慢地開始接受這個殘酷的世界,人是必須要成長,而為人父母的亦必須要學懂如何放手,時間長了你的女兒會明白你的苦心,母親所做的一切都是為她好的。erikalo不要過份自責, 今日我們所種的因就是日後我們所享的果,如果你希望你的女兒日後能獨立地成長,做個開心快活人就要繼續堅持下去吧!

[size=x-large]祝願你的女兒早日康復

私人傳訊

GIGI

禁止訪問

積分: 803

10^#

發表於 04-9-28 17:10 |只看該作者

Re: 一個小小的心底話.. 為母親不易....

提示: 作者被禁止或刪除內容自動屏蔽

私人傳訊

Ms.ChanChan

積分: 5482

11^#

發表於 04-9-28 18:28 |只看該作者

Re: 一個小小的心底話.. 為母親不易....

erika，

知道kaka已出院，但回看你之前的留言，回想之前剛開學你在chatroom的憂心忡忡，我可以感受到你的心痛和內疚。
請不要太自責，我們每一個chatroom友都知道，你很愛錫kaka，你絕對是一個好母親。

今晚同kaka玩燈籠讓她開心一下，祝你一家人中秋節快樂。

私人傳訊

Mrs.Fong

別墅

積分: 841

12^#

發表於 04-9-28 23:34 |只看該作者

Re: 一個小小的心底話.. 為母親不易....

非常非常明白你的感受, 因為我都有同感...由於我現在剛剛有了bb, 而且不太穩定, 因此在這個中秋佳節, 我也只能把囝囝(2歲10個月)留在我媽媽家睡, 我真的覺得很對不住他, 亦怕他會寂寞, 當然我亦很掛住他...

而上學的問題...嗯, 我想這是我們大家遲早也要面對的, 而且這是為他好的, 大家只有忍心一點...也許, 這就是成長吧! 有沒有聽過? 成長是要代價的, 過程總是痛苦的...

私人傳訊

mamabb

積分: 417

13^#

發表於 04-9-29 00:01 |只看該作者

Re: 一個小小的心底話.. 為母親不易....

hi, 各位媽咪,

我都係喺9月27日第一日俾個bb返學, 佢開頭都好好奇, 但一到我走嘅時候, 簡直好似我唔要佢咁, 喊到我個心都痛埋. 今早返學, 連衫都唔肯換, 唉, 希望快d適應就好啦

請入嚟跟進囡囡生活點滴啦http://www.babyhome.com.tw/bb/193501

私人傳訊

nnfonder

積分: 2950

14^#

發表於 04-9-29 00:30 |只看該作者

Re: 一個小小的心底話.. 為母親不易....

erika:

記得多年前有一個tv commercial (好似係恆生銀行o既), 一開始時, 係一位daddy同佢個囡囡一齊在公園玩, 跟住有一群男孩子在踩roller, 營光幕上出了一行字 - 今日妳是她的全世界, 接著小女孩好奇地跟著那群男孩子, 營光幕上出了另一行字 - 明日妳走不進她的世界, 下一個鏡頭 - 那位daddy學習踩roller...

相信箇中道理, 為人父母者當然明白, 只不過知易行難而已, 小兒跟令千金年紀相約, 還記得他上學的第二天, 班房門關上的同時, 我聽到小朋友大叫"媽咪呀", 接著是那呼天搶地的哭聲, 瞪時我便哭起來了, 身旁的一位家長跟我說 : 今日你已經哭?! 待你的孩子開心地跟你說: 媽咪, 我大個仔喇, 自己返學喇, 那才是你要落淚的時候呢.

祝令千金早日康復,你亦都要振作一點, 堅強一點, 待"真正時機"才流下開心的眼淚呢.

居天下之廣居，立天下之正位，行天下之大道；得志與民由之，不得志獨行其道；富貴不能淫，貧賤不能移，威武不能屈：此之謂大丈夫。

私人傳訊

Elly

8-) my store: 書.奶泵.手推車.畫版.bb衫.掛床音樂旋轉.防電磁波腰封;-)recent favourite: 香港人民廣播電台 radio 45

積分: 1429

15^#

發表於 04-9-29 02:17 |只看該作者

Re: 一個小小的心底話.. 為母親不易....

Hi erika,

Long time no chat! I dont know what else I can say because all the message from here are also my 心底話 to you.

I just start crying when I read these message here. I totally agree "我要學習放手, 亦明白我既小女兒, 始終係一個獨立個體, 我不可能每天也在她身旁, 她總要面對問題."

I dont know how can I deal with that when my 18 months old girl start to go school.

Anyway, you take care and hope she get well soon.

私人傳訊

Gigeebee

洋房

積分: 237

16^#

發表於 04-9-29 09:17 |只看該作者

Re: 一個小小的心底話.. 為母親不易....

Hi erikalo,

thanks for your sharing.. it's beautiful ..
小朋友咁傷心 .. 咁唔想離開你 ..
証明你地母女關係建立得好好 ..
好快佢會適應返學等等各樣新生活 ..

不過你對佢既愛會一生一世
伴隨著佢 .. 影響著佢 ..
she will be a loving person ..

thanks for your beautiful sharing ..

私人傳訊

GRCFAMILY

積分: 431

17^#

發表於 04-9-30 16:56 |只看該作者

Re: 一個小小的心底話.. 為母親不易....

hi erikalo,

我喂我個女食藥既時候都有同樣既感受﹐西藥對我個女療效不大﹐所以每逢佢傷風感冒﹐我都要比苦茶佢飲﹐佢又喊又話唔好﹐又話好苦又要找PAPA﹐攪到我又要鬧又要打先肯飲﹐每次喂佢飲完藥﹐我都驚佢唔知會唔會嬲左我﹐有時真係好無奈﹐明明為佢好但又怕佢唔鍾意我。
好似琴晚敢﹐通常都會同佢講故事﹐就係講之前問佢會唔會嬲我﹐佢竟然話嬲﹐敢我唯有解釋比佢聽個原因﹐只係佢會明白我既用心﹐之後好似無野又一樣同我玩﹐但我真係唔知佢究竟係唔係真係明呢﹖
P。S。最慘係得我一個先喂倒佢食藥﹐所以咪做曬衰人囉﹗

私人傳訊

mother904

翡翠宮

積分: 80330

畀面勳章

18^#

發表於 04-9-30 17:05 |只看該作者

Re: 一個小小的心底話.. 為母親不易....

睇完我都有好大的感觸，我個女仲未返學，但我可以想像到時的情況...
小朋友有好多事情要獨自去面對，父母未必一定可以幫到佢，始終這是長大的過程，做父母的只能在她身邊默默的支持。但是我有一樣堅持，就是逢睇醫生我一定親自帶她去，打針也不會將她交給護士，我一定要係她身邊。一來我可以知道她發生了甚麼事，二來我唔想在她感到無助和惶恐的時候離開佢。見到佢喊，我都會唔捨得，但我寧願同她一齊喊，都不想離開佢。

日日是好日

私人傳訊

tingyanmom

積分: 404

19^#

發表於 04-10-2 09:29 |只看該作者

Re: 一個小小的心底話.. 為母親不易....

我越來越覺得bk的媽媽是多麼有愛心的,個個媽媽都有她的故事和困難,但只要提出就有很多回應,而且是非常有心的安慰和開解,我相信上得bk的媽媽也是愛護自己的小朋友的好媽媽,小朋友要會走路就要先會跌,再站起來,不要小看你的小朋友,你是否愛他們,他們是用心去感覺的,在家裏,打,駡,要他們做功課,要息電腦這些討厭工作的一定是我做的,但你問我的仔仔,他們最愛誰,答案是媽媽!我2 個仔仔幼時跌倒,我不會在他們面前驚,只會對他們笑笑,伸出手,他們想哭,我會快他們一步讚他們好厲害,跌倒也不哭,不過手弄髒了,要拍拍手,再去洗手才可,再問他們痛嗎?他們大多數說不痛,小事來的,男孩子嘛!

私人傳訊

erikalo