少年成長

跳至

首頁
1

尾頁
   0


大宅

積分: 3713


1#
發表於 04-10-7 15:43 |只看該作者

歲半未夠就講大話,點算?

小女今個月尾才足歲半,但最近時常講大話...

話說佢之前好鍾意掟野(唔係發脾氣,係順手,例如飲晒支奶奶就即刻掟奶樽落地,玩完玩具就掉...),我話過佢好多次,之後如果佢再犯,我就會罰佢(當然唔係體罰,只係罰:例如今日冇得去公園,或者罰今日冇得食佢鍾意食既野...),之後佢掟野既情況亦改善了很多,只是間中忘記了才犯.

前日,佢瞓醒覺就將奶咀掟落地,當時我同工人都在場,佢就望住我,然後不假思索地說:姐姐(即工人)掟的!

昨晚,佢又將佢隻毛毛布熊仔由床上好大力咁掟落地,(當時工人不在場)我望住佢,但仲未開口話佢,佢就即刻眼都唔眨,指住隻熊仔,同我講:“Bear Bear跌倒喎!”我話:“係咩,乜唔係你掟佢落地架咩?”然後佢就答:“唔係,(係Bear Bear)自己跌倒呀!,跌倒痛痛呀!” 跟住仲執起隻熊仔,錫咗隻熊仔一啖,然後同隻熊仔講:“冇事!”

請問各位媽咪,你地既小朋友有冇咁情況呢?我應該點教佢?
[img align=left]http://onfinite.com/libraries/487250/185.jpg[/img]我愛小端宜 :-D


子爵府

積分: 11761


2#
發表於 04-10-7 16:12 |只看該作者

Re: 歲半未夠就講大話,點算?

題外話,你個女都好叻喎,未足歲半就識講咁多嘢,我個女都是歲半,只識叫人和講單字.


大宅

積分: 1241


3#
發表於 04-10-7 16:43 |只看該作者

Re: 歲半未夠就講大話,點算?

我個女都係咁,佢而家2歲半,又係做錯野唔認,明明睇住佢做,但佢都唔肯認,仲要話係爸爸做既.你話興唔興..就算打佢,叫佢認錯,佢都死口唔認,我都冇哂辨法.


公爵府

積分: 27156

大廚勳章 好媽媽勳章 醒目開學勳章 畀面勳章


4#
發表於 04-10-7 16:51 |只看該作者

Re: 歲半未夠就講大話,點算?

我個囝都係歲半, 只係識講daddy, 姐, 無呀等, 數埋都唔夠10組, 佢時不時大叫, 我個囝咪仲"炸豆".

Almaz 寫道:
題外話,你個女都好叻喎,未足歲半就識講咁多嘢,我個女都是歲半,只識叫人和講單字.


大宅

積分: 3713


5#
發表於 04-10-7 16:52 |只看該作者

Re: 歲半未夠就講大話,點算?

Almaz:

係,佢係好快識講野(6個月就叫dad同mami)!依家有時我講一句佢就跟住講一句,重覆我講既野,日頭係bun bun湊佢,我個bun bun都算係咁,教識咗佢好多英文(例如:形狀 - square, triangle, circle, star; 生果 - banana; 顏色 - red, black; 用具 - umbrella; 動作: open/close the door; 名詞: water, orange; 形容詞: wet, dirty, danger, hot; 其他: yes, no, windy, raining; 連大草A-Z都認得晒同識讀; ),有時我放工番到屋企,會發現原來佢識講好多英文,都係多得個工人.

但佢有時d行為/動靜真係好古惑,又講大話,都唔知o係邊度學番o黎,真係有d擔心,再大d唔知變成點.
[img align=left]http://onfinite.com/libraries/487250/185.jpg[/img]我愛小端宜 :-D


子爵府

積分: 12241


6#
發表於 04-10-7 18:00 |只看該作者

Re: 歲半未夠就講大話,點算?

會不會你太認真啦......
我個仔都係咁, 仲成日騙我地...... 例如說:有飛機呀" 我地都去看, 看不到就問佢 "邊有呀?" 佢就好開心大笑說 "騙媽咪.....".... 我地都當佢是找到一種用文字來同我們玩的方式, 佢現在咁細(21個月), 並不是怕我罵而講謊話, 而且也不算是...... 佢都好似你個女, 成日賴我地, 例如:邊個痾臭臭, 佢會笑 "係mami" 然後等我做式打佢patpat,佢就好開心的話自已 "bb衰豬豬."
所以, 並不是為了利益而說的話, 只不過是玩笑, 不用太認真, 何不同佢一起玩? 等佢大個d, 再教佢分辦什麼是玩, 什麼會變成謊言.

以上只是我的看法, 歡迎不同意見
我係天天豬, 爸爸媽媽好愛我呀!


珍珠宮

積分: 34166

好媽媽勳章


7#
發表於 04-10-7 19:18 |只看該作者

Re: 歲半未夠就講大話,點算?

個個細路都係咁的,佢四歲前你都咪對講既野咁認真,佢地有時係練習,有時佢地係識得咁多字架啦,有時佢地會有思覺失條的,即佢地諗到就以為係真實


子爵府

積分: 11973

好媽媽勳章


8#
發表於 04-10-7 22:50 |只看該作者

Re: 歲半未夠就講大話,點算?

d小朋友個腦仔好多o野諗, 有時佢o地自己都分唔清邊句係真, 邊句係幻覺, 平日好多有新事物新o野學, 一時間未必消化唔哂, 所以再大d佢o地會開始玩角色扮演(例如:煮飯仔, 老師學生)令佢o地好好發揮一o下思想o既空間.
如果係我, 我會問多幾次(通常我會比三次機會), 叫佢諗清楚, 如果佢仲係"講大話", 我就會嚴正同佢講我同"工人"都親眼見到, 下次再亂講就真係會"罰". 相反, 如果佢肯承認錯失, 我會接納及讚賞佢勇於承認. 因為如果第一次佢肯承認錯失而你又責罵, 佢只會有錯覺-->承認錯失=罰/不承認=罰-->係唔係都罰, 慢慢佢就會養成不斷講大話... 用第二個大話去成立第一個大話, 用第三個大話去成立第二個大話......
我想要9999呀...


大宅

積分: 3713


9#
發表於 04-10-8 09:37 |只看該作者

Re: 歲半未夠就講大話,點算?

To All Moms:

Thank you for your sharings & that's why I want to seek more opinion here. 有時佢係冇企圖地講大話,我都明白同體會到可能係佢地o既幽默感或想像力,或者想同大人玩;但另一方面,佢有時俾我好明顯地睇到佢係知道自己做錯咗野,就即刻"賴"工人或其他人/物,佢試過好多次,好順口咁就話:"姐姐做既!" "姐姐整既!" "姐姐掟既!". 我只係唔想佢養成個咁既壞習慣. 其實每一次我都有同佢講唔可以講大話,但佢都仲係咁.
[img align=left]http://onfinite.com/libraries/487250/185.jpg[/img]我愛小端宜 :-D


複式洋房

積分: 310


10#
發表於 04-10-8 13:38 |只看該作者

Re: 歲半未夠就講大話,點算?

Hi all,

可能真係每個細路都係咁.....我個女都唔例外, 得嗰20個月大,但係就成日講反話. 我哋估佢係特登,因為佢覺得好好玩......比如話我問佢有冇掛住媽媽(因為我經常要出差),佢就專登話"冇",問十次答十次都係"冇",但係當我辨嬲佢就會古古惑惑,笑笑口, 大大聲咁話"有"............同佢玩完"佢個game"之後,我就同佢講,"如果你係掛住媽咪嘅,就一定唔準呃媽咪,要即刻答"有", 如果唔係媽咪會好唔開心ga............之後佢都冇再整古我..每次都大大聲答"有".. :mrgreen:

但係仲有一樣嘢佢到而家都改唔到..........就係因為佢太鍾意玩水,佢就成日呃我話要去"EE PEE”,其實只係為咗去洗手......呢樣嘢我唔咁同佢搏,怕佢真係要痾,所以到而家都未惗到辦法點去處理.....

唔知你哋有冇好提議呢??? ?-( ?-( ?-(


子爵府

積分: 12241


11#
發表於 04-10-8 14:00 |只看該作者

Re: 歲半未夠就講大話,點算?

哈哈bird bird, 我個仔又係好似你個女咁, 在家去廁所只是為了玩水, 在酒樓不停話佢廁所是為了去看魚魚........現在的小朋友好古惑
我係天天豬, 爸爸媽媽好愛我呀!


複式洋房

積分: 310


12#
發表於 04-10-10 00:13 |只看該作者

Re: 歲半未夠就講大話,點算?

Hi Joy,

有冇辨法對付彤彤同天天豬呢


子爵府

積分: 12241


13#
發表於 04-10-11 10:13 |只看該作者

Re: 歲半未夠就講大話,點算?

birdbird,
我近排用了一個方法令佢小心d玩水, 但就不能完全不玩水lor

我同佢穿了佢最鐘意的tommy車車衫, 然後佢又玩水, 件衫衫濕左, 於是我話 "你睇, 車車衫濕左, 車車喊啦, 好唔開心呀, 車車問你做麼整濕佢...... 車車話濕左要去洗衣機沖涼, 唔可以同bb玩lor..." 之後他就小心左啦, 又成日同我講 "衫衫濕左會好唔開心....."

你又試下呀, 看看work 唔work......

不過近期我都好煩, 佢突然又不肯去馬桶開大大啦
?-(
我係天天豬, 爸爸媽媽好愛我呀!


複式洋房

積分: 310


14#
發表於 04-10-11 17:52 |只看該作者

Re: 歲半未夠就講大話,點算?

Hi Joy,

等我都試吓用呢個方法,不過我担心未必會WORK,我個女連嘔污"租"件衫都若無其事,可況只係整濕少少...... ?-( ?-( ?-(

不過我之前就真係冇試過話比佢知件衫衫會唔開心,希望行得通啦 :mrgreen: :mrgreen:

唔去馬桶開大大,咁喺邊道攪掂呀???? ?-( ?-( ?-(


大宅

積分: 1481


15#
發表於 04-10-12 16:34 |只看該作者

Re: 歲半未夠就講大話,點算?

我個仔而家14個月, 佢都係由上個月開始唔去馬桶大大, 佢之前無問題ga, 不過突然之間唔比人抱去, 我都好煩呀, 都唔知點解, 仲諗全好快就唔洗用尿片添~~~~
我個仔都好牛黃頭ga, 成日同人爭野玩, 都唔知點教~~~
講大話就未有, 有都唔知點算~~~~~

首頁
1

尾頁

跳至
Presslogic Logo
Baby Kingdom Logo