吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 妳地會點做???

心聲留言今日: 0|主題: 17502

收藏本版

發帖

返回列表

跳至頁

查看: 1943 | 回覆: 16

妳地會點做??? [複製鏈接]

patpat234

水晶宮

積分: 64016

好媽媽勳章

1^#

發表於 04-10-8 22:53 |只看該作者

妳地會點做???

我有個幾年冇見冇聯絡但又識左十幾年o既朋友(a),
最近佢透過我另一個朋友(b)通知我同(b)佢要結婚,仲send左貼比(b).
其實我同(b)都唔係咁想去(人情問題$$$$)......但又好似好衰咁.
如果係妳,妳會點做????
比d意見我,thx!!!!

「知足者，常樂也；不知足者，富亦憂。」

私人傳訊

已刪除用戶

已刪除用户

積分: 846

2^#

發表於 04-10-8 23:05 |只看該作者

Re: 妳地會點做???

提示: 作者被禁止或刪除內容自動屏蔽

私人傳訊

Teresa

珍珠宮

積分: 35965

畀面勳章

3^#

發表於 04-10-8 23:18 |只看該作者

Re: 妳地會點做???

佢都唔係直接比帖你, 又冇直接同你講, 睇怕佢都係想要人情. 佢既然"冇誠意", 你亦唔需要有誠意, 而且咁耐冇contact, 交情都唔係真係深. 我係你就是但送份禮物加賀卡就算喇.

私人傳訊

carolliu

大宅

積分: 1705

4^#

發表於 04-10-8 23:25 |只看該作者

Re: 妳地會點做???

好似我咁衰, 扮唔記得咗- 禮都冇做, 咭都冇張, 橫掂咁少來往, 第日係街撞到記得o既咪提下 sorry law

anyway, 佢都係預你做人情, 但人唔到咁啫, 冇d誠意, 電話都唔打個俾你(@@我係咪好衰呀, hehe)

私人傳訊

ho0918

複式洋房

積分: 144

5^#

發表於 04-10-8 23:30 |只看該作者

Re: 妳地會點做???

禮物加賀卡就ok啦!

私人傳訊

幾米

複式洋房

積分: 364

6^#

發表於 04-10-8 23:32 |只看該作者

Re: 妳地會點做???

ho0918 寫道:
禮物加賀卡就ok啦!

兩人夾份買一分約$300禮物加賀卡! :-P

我遇到貓在潛水, 卻沒遇到你。我遇到狗在攀岩, 卻沒遇到你。我遇到夏天飄雪, 卻沒遇到你。我遇到冬天刮颱風, 卻沒遇到你。我遇到的豬都在結網了, 卻還是沒有沒遇到你。我遇到所有的不平凡,卻一直遇不到平凡的你

私人傳訊

康仔媽咪

大宅

積分: 1823

7^#

發表於 04-10-9 10:00 |只看該作者

Re: 妳地會點做???

[quote]
carolliu 寫道:
好似我咁衰, 扮唔記得

希望相信 "快樂不是因為擁有的多，而是因為計較的少。"

私人傳訊

carol_kk

男爵府

積分: 7386

8^#

發表於 04-10-9 10:32 |只看該作者

Re: 妳地會點做???

patpat234,

我就覺得你咩都唔駛做囉~~~一來佢無直接通知你, 二來佢無比帖你, 咁你又駛乜咁有誠意喎!!!!

我有個朋友, 在我結婚時, 對我的婚禮彈三彈四, 攪到我唔開心左一排 (我本來去完honeymoon回來已經忘記左婚禮中的遺憾, 但佢竟然打電話黎, 彈我做乜揀埋D咁既歌, 又彈我地玩D咁既遊戲, 似annual dinner囉) ~~~[其實當時我無乜心情, 因我祖母在我婚前5日因病去逝, 但我奶奶話佢都90幾歲, 係笑喪, 百無禁忌, 婚禮如期舉行, 當我知道祖母去逝時, 個心真係好煩, 因要同酒店傾減酒席, 當日立即要搬去新居, 我婆婆話怕相沖, 我唔可以係屋企出門, 又要book多一晚酒店for出門], 我當時真係好嬲架~~~但我已經無嬲佢, 不過就無主動搵佢, 咁佢上個月註冊, 佢只係e-mail我身邊既朋友 (因佢無我其他朋友既電話), 但無mail比我, 咁我咪當唔知囉~~~跟住佢有send 一次sms比我, 我同老公及其他朋友分析過, 我係唔應該去囉....佢send得sms比我 (內容 : 很久沒聯絡, 9月xx日註冊, 有空來嗎? 我想要xx個電話, 可否告之?), 都唔打電話黎, 即係佢無誠意啦~~~因為我身邊有幾個朋友係我介紹佢地識既, 如果我唔去, 我其他3個朋友都唔會去....佢仲同我其他朋友講話得罪左我, 佢打過幾次電話比我, 但我無睬佢....其實我地幾個朋友一直都有為呢件事聯絡消息, 所以佢地知道果位人兄係無打過電話比我既....

最攪笑就係~~~~佢e-mail比我既朋友, 但個個都唔想去, 全部扮唔知, 跟住佢勁e-mail比人, 都無人睬佢, 最後佢出埋icq黎留message比人....我都唔明佢咁大個人, 仲要係男人, 講句sorry有幾難呢??

而且佢攪婚禮既野, 我有咩平靚正野都話比佢知 (當時我仲要攪自己個婚禮), 等佢可以慳得黎, 個婚禮又隆重, 估唔到D人會咁衰囉~~~~

私人傳訊

carolliu

大宅

積分: 1705

9^#

發表於 04-10-9 14:46 |只看該作者

Re: 妳地會點做???

carol_kk,
你個朋友咁 "XO" 嘅!! 重要係男人tim, 其實你有冇諗過當日佢勁彈你個婚禮係咪.....暗戀你, 但得唔到咪樣樣唔順超 law :mrgreen: :mrgreen:
今次佢註冊, 咪當唔知law, 收唔到 sms 唔得o架?收唔到 email 唔得o架??你估高科技實冇甩拖咩, 又冇正接對話, 最憎咪係呢D"好朋友" law,........hahaha, 我其實真係一個衰人 law

私人傳訊

Caveman

民房

積分: 12

10^#

發表於 04-10-9 18:06 |只看該作者

Re: 妳地會點做???

我以前公司有好幾個同事都係咁：

收到帖，冇到兼冇做人情。大家在同一組開工，好似當無事發生咁。

個新娘亦都勁，好似當冇通知過呢D人擺酒咁，大家若無其視(不過就蝕左$20回禮each，因為入左落個帖度)；放完假後返工同番呢班人一齊做埋，完全無 "面阻阻"。

以上金枝玉孽真人版希望能俾到一個啟示你啦。

8-)

私人傳訊

康仔媽咪

大宅

積分: 1823

11^#

發表於 04-10-10 09:42 |只看該作者

Re: 妳地會點做???

唔止蝕$20....仲有張餅咭....

Caveman 寫道:
我以前公司有好幾個同事都係咁：

收到帖，冇到兼冇做人情。大家在同一組開工，好似當無事發生咁。

個新娘亦都勁，好似當冇通知過呢D人擺酒咁，大家若無其視(不過就蝕左$20回禮each，因為入左落個帖度)；放完假後返工同番呢班人一齊做埋，完全無 "面阻阻"。

以上金枝玉孽真人版希望能俾到一個啟示你啦。

希望相信 "快樂不是因為擁有的多，而是因為計較的少。"

私人傳訊

my_tabo

侯爵府

積分: 20300

12^#

發表於 04-10-10 12:40 |只看該作者

Re: 妳地會點做???

patpat234,
你一係同朋友(b)夾錢買份禮物比朋友(a), 又或者淨寄賀卡都得啦!

carol_kk,
我覺得你o地做得好o岩, 係你o個個男性朋友唔o岩o者!

私人傳訊

Caveman

民房

積分: 12

13^#

發表於 04-10-10 14:11 |只看該作者

Re: 妳地會點做???

康仔媽咪寫道:
唔止蝕$20....仲有張餅咭....

關於餅咭 ... 有個故仔 ... ( 唔知叫唔叫做蝕，因為未能向新娘引證 ... )：

有一日 D 同事叫下午茶，某人 suggest 大家夾埋 D 餅咭出來去換 fruit tart，嘿 ... 跟住發現大家從此位同事請帖裡面收到的餅咭並非全部 from 同一個餅店的 ... 我舊時做個組只有廿幾人喳。( 另外，當時重未出 "花蟹"，如果唔係可能只需蝕 $10 而已 )

8-)

私人傳訊

小路

琥珀宮

積分: 161936

好媽媽勳章醒目開學勳章畀面勳章環保接龍勳章大廚勳章

14^#

發表於 04-10-10 14:19 |只看該作者

Re: 妳地會點做???

無直接請你、又唔多見面、又無乜交情、錢銀又唔鬆動.....照呢幾點睇，你應該.....當收唔到睇唔到聽唔到囉﹗

私人傳訊

babyhowie

水晶宮

積分: 65675

HiPP勳章(2) HiPP勳章(1) 2018復活節勳章育兒性格勳章好媽媽勳章畀面勳章 BK Milk勳章

15^#

發表於 04-10-10 14:55 |只看該作者

Re: 妳地會點做???

講到呢個問題，令我諗番起我佗細B既時候，
撞岩有3個小學同學結婚（唔係時時聯絡，約一年一次gathering）。
睇書話孕婦唔適宜去飲宴（會相沖），
老公一來唔想大出血，二來寧可信其有，咁米冇去囉！
其中兩個有打電話通知我，通話中我話唔方便去，
其中一個話寄張餅卡俾我（最後都冇收過）。
結果，我生左細B之後，呢3位新婚同學只有一位仲有聯絡，
唔知係米因為佢有左（所有同學我係最早婚兼最早做媽咪），所以佢有好多懷孕o既問題問我。
後來呢個同學生左BB之後，
成班同學去探佢（我生左d人最多email恭賀下），
咁佢約埋我上去，一心諗住帶亞細B見下面，
點知佢地係我上去之前一個二個滾水綠腳咁走，
咁o者係咩意思先？當時我真係好唔開心，
依家睇到呢個topic，諗下，
或者佢地男女男我冇出席兼人情、禮物嘜都冇！
唉，當時佗住亞B，又就生，邊諗得咁detail呀！
咁就冇左班朋友？人情真係紙咁薄！ :-(

私人傳訊

patpat234

水晶宮

積分: 64016

好媽媽勳章

16^#

發表於 04-10-10 18:24 |只看該作者

Re: 妳地會點做???

多謝咁多位意見,我同朋友(b)商量過後,決定乜都唔做.e-mail收唔到有乜咁奇.有錢都番比bb換季.

「知足者，常樂也；不知足者，富亦憂。」

私人傳訊

carol_kk

男爵府

積分: 7386

17^#

發表於 04-10-10 23:37 |只看該作者

Re: 妳地會點做???

carolliu,

我相信佢唔係因為暗戀我而勁彈我個婚禮, 因為佢當時都已開始籌備佢既婚禮~~~我自己做左個婚禮統籌file, 佢有叫我mail比佢架....因我影婚紗相好抵, 佢又問我book婚紗相點唔會比人呃, 我搵到假日勁平花車, 又比資料佢, 有朋友幫我用員工價買美心餅卡 (@$31.5), 我又話比佢知....因我知佢女朋友無錢, 佢要一個人出哂婚禮既錢....咪諗住有咩著數野都同佢分享, 點知佢會咁囉~~~~

婚禮中的遺憾, 我亦已放開懷抱, 我老公及一些好朋友都開解我, 有遺憾先係難忘, 我而家既婚姻生活好幸福, 就已心滿意足了~~~

我今個月同下個月都有朋友結婚, 今日去買結婚禮物時, 想順便買張結婚卡寄比果位男性朋友架~~不過我老公唔比呀!! 佢話呢D咁既人, 駛乜對佢咁好喎~~~