懷孕前後今日: 2|主題: 330608

收藏本版

發帖

返回列表

跳至頁

查看: 2818 | 回覆: 6

我的QM生產記 [複製鏈接]

Maycheng0809

洋房

積分: 52

1^#

發表於 17-9-3 01:53 |只看該作者 |倒序瀏覽 |打印

我想趁我仲記得嘅時候，紀念同分享一下我嘅生產過程。5月30號端午節係我預產期，38週係私家產檢時，e生檢查話預計BB已經有8磅幾，叫我下次贊育覆診時要同政府e生講，睇下政府個面會唔會提早同我催生，因為驚我好難生（因為頭圍同腳長已經over哂40週size)，嚇到我最後2個星期都唔敢食太多野，到39週番贊育檢查時，幫我檢查嘅姑娘已經發現到我個肚比較大，主動提出叫我留低，安排下午要見e生，見到e生嘅時侯，佢申隻手入去check下子宮軟未，有D唔舒服，未至於好痛，檢查後e生話未軟，可能真係要預產期後BB先肯出黎，仲安排左我6月1號入院塞藥，6月之2號催生，其實未生之前已經好驚好緊張，經常上網爬文睇人地D生產過程，已經知道催生比正常生會痛D，e生都有提及過，不過BB唔出黎都無辨法，唯有頂硬上啦，到左6月1號上午，老公同我拎住個走佬袋係樓下慢慢嘆番個早餐，準時10點上到瑪麗，做哂所有文件，老公係門口等，e生要同我檢查睇下我個子宮軟未，未軟就要留院塞藥，心諗緊要塞藥啦，e生又再一次申隻手入去檢查，嘩，呢下比上次痛D，唔通因為呢個e生隻手大D，出奇地e生竟然同我講已經軟哂啦仲開得好靚，唔洗塞藥，今日可以home Live,但明天早上7點要準時番黎催生，勁開心，可以番屋企唔洗訓e院，到左夜晚食埋飯，冲埋涼，已經差不多10點，又係時候做運動，由懷孕中期開始我夜晚都會做深蹲，因為我盤骨比較細，驚難生，所以成日都會做深蹲，心理上覺得應該都D幫助呱，平時一般做20下，去到39週每晚30下，諗住最後一晩加碼50下，點知有D野就係咁橋，做到第49下時卜一聲，穿左羊水，我即刻9秒9衝入廁所，成條底褲濕哂，平時爬文時，D人明明話羊水無色無味，但我D羊水係帶有好多血絲，好驚，立刻戴塊孕婦衞生巾拖埋老公直飛瑪麗，上到去同姑娘講哂情況後，姑娘帶我入去一間房，我要除哂底褲比e生檢查係咪真係穿羊水，

0 0 0

私人傳訊

Maycheng0809

洋房

積分: 52

2^#

發表於 17-9-3 01:58 |只看該作者

回覆樓主

e生都未開始檢查，見到我D羊水已經湧出黎，就直接同姑娘講唔洗檢查，幫我換衫直入產房吊催生，因為我已經穿羊水而且又有血絲，換完衫後姑娘快速地推我去對面產房，而我老公係出面等緊，仲未知道發生咩，姑娘就同佢講，先生你10分鐘之後換衫入黎啦，入到產房，瑪麗醫院個產房好大好舒服，姑娘set up哂，吊哂藥，老公就入左黎，助産士都好專業，一路check住我同BB嘅心跳，當時已經差不多夜晩12點，吊左一陣催生藥，已經開始黎料，開始有那住那住嘅感覺，而我就keep住向左側身咁訓左一段時間，助產士問我需唔需要向右訓下，轉下身，我當然話好啦，唔洗咁痺，正當我向右側身時,突然隔離部機就響啦，護士非常緊張，突然又衝左2個護士入黎，完來我向右轉身時，BB心跳突然跌到落50，嚇死我，姑娘立刻停左催生藥，又叫我轉番身向左，BB心跳又突然回復番正常，e生入黎檢查後又繼續吊番催生藥，不過份量要小D，過程亦會慢D，搞到我勁驚，一路keep住向左唔敢郁，同埋keep住陣痛，到左差唔多凌晨4點半，我真係好痛好痛，姑娘之前教左我點吸笑氣，但我覺得冇咩料到，可能只係吸嘅時候分散左注意力，所以感覺冇咁痛，但我真係頂唔順陣痛嘅時候仲要我大大力吸氣，我覺得仲痛上加痛，而我老公就睇住我又咩都幫唔到之下幫我按下D手手腳腳，最終我忍唔住同助產士講我要打無通，因為之前爬文嘅時候，好多媽咪都講過唔會咁順利就可以打，一係就話麻醉師未得閒，等到你開到4，5度又話太遲唔打得，點知我一開口，助產士即刻話好，

私人傳訊

Maycheng0809

洋房

積分: 52

3^#

發表於 17-9-3 01:59 |只看該作者

回覆樓主

即刻call麻醉師過黎，簽好哂所有文件同意書之後，麻醉師就叫我要屈成一個C字咁，唔可以郁，係背脊同我打左之針，要插住嘅，打個下其實都feel唔到痛，我個人即刻由地獄升番去天堂，仲同我老公齊齊訓覺，到早上10點到有e生入黎檢查，話我已經開到3度，我心諗，頂，過左咁耐先得3度，仲有排捱，雖然我係打左無痛，但由於我要kerp住向左訓，所以D藥只會跌哂落左面，而我右面係會feel到有小小陣痛㗎，e生話下午2點會再黎檢查，咁我唯有繼續訓啦，而我老公就去食早餐，而係呢段時間，助產士每個鐘都會拎舊冰黎同我檢查，首先佢地會將舊冰放去我塊面到比我感覺下，然後再放去我隻腳到問我feel唔feel到有感覺，完來打左無痛隻腳係冇哂感覺同埋抬唔起隻腳㗎，而我係半訓半醒，半邊身通半邊身唔痛下又捱到2點，e生又再一次檢查，已經開到7度，預計5點可以開哂10度，係呢個時候e生仲檢查到我有發燒同個身不停打冷震，就開左D退燒藥比我食，真係好辛苦，講嘅辛苦唔係痛，而係又發燒打冷震又唔可以郁又有排等又攰嘅情況下等我BB出世，而我就諗住再訓多陣，陣間生嘅時候有多D力氣，終於等到5點左右e生又黎檢查，佢話已經開哂10度啦，我即刻勁開心諗住開始生啦，但佢竟然同我講要先停無痛藥，等我有番感覺先可以生，要再等多2個鐘，我即刻O哂嘴，唔係呀麻又等，仲要停藥等2個鐘，一停左藥之後，好快就feel到陣痛，仲要一黎就10度嘅痛，好直情癲左，不斷咁同助產士講我有番感覺啦，可以生啦，但助產士都重覆咁同我講要等到7點，我到最尾痛到要我老公幫我大力按住笑氣個口罩，我2隻手扯住2邊扶手咁吸笑氣，到左7點鐘開始拆床尾，諗住最辛苦嘅時刻已經過去，但完來而家先正式開始。

私人傳訊

Maycheng0809

洋房

積分: 52

4^#

發表於 17-9-3 01:59 |只看該作者

回覆樓主

開始生啦，老公都有係我側邊打氣，2個助產士幫我接生，教我陣痛時要閉氣屙出黎，係咁叫我屙，但我完全冇屙嘅感覺，又話會好似屙屎咁嘅，我完全冇呀，我不斷用力咁谷出力，但谷唔到呀，過左半個鐘，我成身已經冇哂力，條腰同隻腳真係一D力都冇啦，我問助產士見唔見到BB個頭，佢答我見到，不過仲係好入，我聽到之後好灰，但繼續努力啦，去到差唔多8點，我已經屙左成個鐘啦，都仲未得，可能我打左無痛嘅關係，我真係一D屙嘅感覺都冇，助產士話我已經屙左1個鐘，太耐啦，再係咁BB會有危險，要立刻call e生黎幫我夾出黎，突然間我間房由2個助產士變成2個助產士，1個接生e生，2個兒科e生（因為BB出世後2個兒科e生要同BB清潔磅重後，立刻帶BB去兒科檢查，因為胎水濁左，驚佢吸左入去）仲有多左1個助產士負責遞工具，我同老公都緊張起黎，首先接生e生係我冇陣痛嘅情況下同我剪會陰，我係feel到㗎，然後係差唔多陣痛嘅時候2個助產士突然每人一邊咁抬高我隻腳呈一個V字，e生發號師令，要我屙，而佢就一個拑插入黎夾，第一下佢就夾左BB個頭出黎，而我都feel到好大舊野出左黎，然後佢叫我繼續屙，好快BB個身都出埋黎，大功告成，我望左一眼後，兒科e生即刻抱左佢埋一邊清潔，我就屙埋個胎盤縫埋針就搞掂左，BB最終8點幾出左世，歷時22個鐘，生嘅時間非常辛苦，但到見到我寶貝囡之後，我覺得值得，到今日佢3個月啦，見到佢成日對住我笑，咩辛苦都唔記得哂，只希望佢身體健康，快樂成長