懷孕前後今日: 8|主題: 330444

收藏本版

發帖

返回列表

跳至頁

查看: 1258 | 回覆: 3

新手媽媽不幸遇上黑陪月「韓姨姨 - 林x儀」 [複製鏈接]

lilyho518

民房

積分: 23

1^#

發表於 18-4-29 03:23 |只看該作者 |倒序瀏覽 |打印

呢名陪月係朋友介紹的。當時我的朋友亦是剛成為新手媽媽，喺佢BB重未出世既時候，我大膽搵左佢referral落訂，點知後來我朋友早產後佢竟然不聞不問，完全冇理過佢。當時朋友已經叫我襯重有時間撻訂搵過個，最衰都係自己怕麻煩瀨晒野！

罪狀如下：

1）陪月完全不能獨立工作，無論煮飯、同BB沖涼等都一定要有我工人姐姐或媽咪幫手先搞得掂

E.g. 時常忘記put on pat pat cream 及洗肚臍.

2）無記性，成日唔記得D野擺邊，2-3個鐘換一次片居然唔記得擺邊，又死都唔肯用張紙寫低。最離譜係BB飲幾多安奶都唔記得，要每隔幾個鐘repeat又repeat，搞到我訓都訓唔好

3）返工前買漏野唔肯自己去補飛，話好重喎，重夠膽死點我亞媽或工人姐姐去幫佢買。離晒譜，要個老人家及工人姐姐做佢亞四

4）廚房每日煮完飯好似打仗咁，之後又唔肯洗返乾淨，最係又係點我工人姐姐同亞媽執手尾，佢就拍拍蘿友放工或坐喺度睇手機

5）不能multi-tasking。如果我地餵奶或掃風時問佢野，佢一定要「暫停mode」先可以答我地。坦白講，如果佢係新手都勉強可接受，但對一個自稱「做過好多年照顧過過百個BB」的所謂資深陪月完全不能接受

忍左佢三日後終於頂唔順炒左佢，但當時佢重要夠膽死追返我地千幾蚊人工，話我地之前俾佢成萬蚊既訂金唔可以當人工喎，要另外再出。當時因為BB喺屋企訓緊覺，而佢又大炒大鬧威脅要搞大件事，我為左息事寧人終於屈服貼錢送走呢個瘟神！

坦白講，成件事我自問實在唔夠強硬，衰心軟所以俾佢食住。只不過一個只係識計較金錢，連BB訓緊覺都要威脅要嘈醒佢搞大件事既所謂「陪月」，又係咪要諗下自己係咪真係識合繼續做呢行呢？