吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› （長!）在職媽媽有長老肯幫都唔制，係咪好豬? ...

自由講場今日: 538|主題: 1344086

收藏本版

發帖

返回列表

跳至頁

查看: 3353 | 回覆: 26

（長!）在職媽媽有長老肯幫都唔制，係咪好豬? [複製鏈接]

大眼的Dog

子爵府

積分: 11812

1^#

發表於 17-9-28 21:17 |只看該作者 |倒序瀏覽 |打印

本帖最後由大眼的Dog 於 17-9-29 21:31 編輯

（更新在25樓）

本身6299同我地揍小朋友前後已經五年。同佢地相處ok的，一至五住我到周末6299返自己屋企休息，我地一家四口private time。今年年頭99發現cancer，就停左，但都換我父母來幫我。

今個月開始，我拒絕父母幫忙，化療完既奶奶想回歸我也拒絕埋。原意想100%擁有番自己間屋，個廚房，同仔女管教方法。反正小朋友返全日，要全方位照顧既必要性少左。

坦白講，有長老照顧真係好疏肝。朝早可以最後一刻先起床，小朋友有佢地打點揍返學。放工唔駛趕頭趕命，返屋企已有湯水有飯煮好食。星期日可以同老公拍拖食飯睇電影。

而家我既生活係早上六點半起身就準備午餐盒，半小時後要搞佢地起身食早餐跟住趕頭趕命揍兩間學校返學。之後返工，中午返屋企食同洗切晚上材料。放工又要一個個接放學，一入門口打仗咁叫大既自己做功課，細既自己玩，我就搞埋晚餐，同時遙距教個女，應付細仔lur我玩同讀故事。辛苦搞完餐飯，又要趕佢地食/執碗/搞佢地沖涼，跟返大女功課，同佢地讀故事訓覺。十一點左右自己先settle down，訓五六個鐘又再來過。周末要買送，又要搵下長老，跟本想同小朋友去下公園去下玩都冇時間冇精力。公司忙返工好累，返到屋企佢地有時唔聽話真係失去耐性。老公好遠返工，所以返學前後都做唔到好多野。最多晚飯後有時幫手收碗同陪讀。

只係一個月，我覺得自己殘晒，手粗晒，脾氣差左，夫妻關係差左。係同小朋友時間多左。我不禁問自己值得嗎?100%擁有間屋但有享受到嗎?冇。 100%擁有廚房，我enjoy煮食嗎?唔係。我有好好教育小朋友嗎? 都冇! 因唔夠時間。四點半放工，揍完放學返到屋企六點，想小朋友九點訓，三個鐘內要食飯執野做功課讀故事，大人小朋友都好辛苦。

在職媽媽冇工人長老，咁係咪正常只係我未習慣?定係真係冇人幫真係會搞唔掂? 我成日話生得小朋友出就應該要搞得佢地掂。但而家，我都開始質疑自己。。。

0 0 0

私人傳訊

杜小姐

大宅

積分: 1870

2^#

發表於 17-9-28 21:51 |只看該作者

回覆樓主：

本帖最後由杜小姐於 17-9-29 22:14 編輯

私人傳訊

rayrayus

翡翠宮

積分: 84122

2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 2018復活節勳章育兒性格勳章趣教勳章叻叻勳章 BK Milk勳章 hashtag影視迷勳章 15週年勳章親子王國15週年勳章

3^#

發表於 17-9-28 21:59 |只看該作者

我覺得樓主你方向係岩的，小朋友大左，自己接手返都正常亦係負責任既表現，只不過你要返工咁時間仲更加趕更加累。我係你我會堅持，不過有1-2日可以叫長老來幫手，另外飯亦唔駛迫自己日日煮，一星期有一兩餐買熟餸或叫外賣都可以，唔駛迫得自己咁緊，唔駛樣樣野做到perfect，有時可以偷下懶，no big deal。

加油呀樓主!

私人傳訊

happy_yuanyuan

大宅

積分: 1505

4^#

發表於 17-9-28 22:03 |只看該作者

回覆樓主:

樓主所講嘅生活同我有9成相近，日子只能說真係好辛苦，日日都趕頭趕命，呢啲生活已3年，習慣了，有時真係好辛苦好辛苦，真心覺得自己係超人甘，好彩我都算樂觀，鬼叫自己做左人號媽又鬼叫自己無本事咩，日子都要過，開心啲正面啲會好啲，小孩都感覺到。加油

私人傳訊

1mocha

伯爵府

積分: 19941

5^#

發表於 17-9-28 22:09 |只看該作者

大眼的Dog 發表於 17-9-28 21:17
本身6299同我地揍小朋友前後已經五年。同佢地相處ok的，一至五住我到周末6299返自己屋企休息，我地一家四口 ...

我唔洗返工，唔洗睇課，湊二個都玩到我抑鬱。。好明顯你要的是工人。

私人傳訊

旦旦媽

別墅

積分: 876

6^#

發表於 17-9-28 22:38 |只看該作者

你放4點半還好。但其他同你差不多。只可以每個星期最期待就係星期五夜晚了。

私人傳訊

emimi

公爵府

積分: 28399

7^#

發表於 17-9-28 22:45 |只看該作者

回覆樓主:

唔知你小朋友幾歲，不過跟開長老嘅小朋友自理能力一般差d，岩岩開始你同小朋友都特別辛苦，大家都要時間適應
如果要跟功課，我係你就食完飯唔執，等佢地訓哂先洗碗

私人傳訊

katherine.k

公爵府

積分: 28219

8^#

發表於 17-9-28 23:00 |只看該作者

大眼的Dog 發表於 17-9-28 21:17
本身6299同我地揍小朋友前後已經五年。同佢地相處ok的，一至五住我到周末6299返自己屋企休息，我地一家四口 ...

題外話你奶奶做完化療千祈唔好操勞因為好容易復發

私人傳訊

姸媽

珍珠宮

積分: 32239

9^#

發表於 17-9-28 23:05 |只看該作者

其實睇功課可以唔做晚晚睇，妳應該係要訓練小朋友自己攪掂晒！呢個係佢既責任，做錯左既等老師批改！如果學校係有時間比佢做功課，都應該叫小朋友在校盡量做多啲！咁佢返來又可以抽多小小時間溫習，咁默書考試時大家都可以輕鬆點！呢個訓練要從小開始，默小三之前都可以比佢地撞下板！到小四以上就要博殺準備呈分試！唔可以再撞咁多板架咁！

加油呀！

私人傳訊

bearbb5

子爵府

積分: 10211

10^#

發表於 17-9-28 23:10 |只看該作者

大眼的Dog 發表於 17-9-28 21:17
本身6299同我地揍小朋友前後已經五年。同佢地相處ok的，一至五住我到周末6299返自己屋企休息，我地一家四口 ...

一開始實辛苦
但做做下會有條理啲
辛苦咪部洗碗碟機囉
而家係睇你有幾大決心去做

私人傳訊

homei888

大宅

積分: 4473

11^#

發表於 17-9-28 23:10 |只看該作者

回覆樓主

我係你會暫時叫自己父母湊住先，
湊到大個少少再算，
起碼唔洗顧咁多個。

私人傳訊

babyangie

大宅

積分: 4257

12^#

發表於 17-9-28 23:12 |只看該作者

回覆樓主

我睇得出你好疲倦好辛苦
但你講果d全部都係做落手落腳照顧既野
野食，做功課，幫手沖涼...
但其實一家人相處維持心靈連繫同quality of time 好重要
你都講老公你都冇咩點理，去公園玩又冇精力，又冇左family day, 咁更加冇心思放嚮關心對方，心靈交流、連繫等
我會寧願唔做手板眼見野，等有多dquality of time 做心靈溝通

私人傳訊

bosch

瑪瑙宮

積分: 128510

母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

13^#

發表於 17-9-28 23:16 |只看該作者

大眼的Dog 發表於 17-9-28 21:17
本身6299同我地揍小朋友前後已經五年。同佢地相處ok的，一至五住我到周末6299返自己屋企休息，我地一家四口 ...

自己搞掂係值, 自己話事咪仲好. 或者你需要工人多d.

要做功課真係花好多時間.... 冇功課的話, 生活質素會高好多, 小朋友可以訓多2個鐘.

d 煮飯家務化繁為簡, 禮拜六日或幾日至準備一次餸, 唔好整埋d 要切片切粒既餸. 整好d 餸放響雪櫃, 或分好d 肉放響冰格, 可以keep 耐d. 簡中懶d 咪買外賣, 或煮簡單餸囉.

我朝早食簡單早餐, 仔女響我起身前自己搞掂, 我只係夠鐘叫佢地自己去換衫. 一定要仔女夠訓至得, 佢唔夠訓的話真係世界大戰.

午餐盒係我臨訓前準備好放入雪櫃. 朝早做少樣野真係天下太平得多.

我一向少同大二仔睡前陪讀, 飯前或平時陪讀就有, 而家唔駛讀. 而家個女既睡前故仔係1-2分鐘開完, 因為佢遲左訓, 要追番d 時間.

私人傳訊

brindlewin

珍珠宮

積分: 38404

14^#

發表於 17-9-28 23:26 |只看該作者

大眼的Dog 發表於 17-9-28 21:17
本身6299同我地揍小朋友前後已經五年。同佢地相處ok的，一至五住我到周末6299返自己屋企休息，我地一家四口 ...

errrrrr.....咁情況，我情願揾外傭。
我唔喜歡長老湊，世代唔同，矛盾又難出聲，佢地玩下孫我完全O K。
姐姐不用“事多主”，執行我指示，情況易控制好多。
孩子已長大識講野，唔使擔心被蝦都懵盛盛，要花精神訓練佢地自理更重要，我討厭日日廚房家務之餘又想做好結果弄崩潰自己好無謂，姐姐係呢點幫到我好多瑣事跑腿。