少年成長今日: 2|主題: 16017

收藏本版

發帖

返回列表

跳至頁

查看: 2577 | 回覆: 0

無底線遷就 [複製鏈接]

csir3290

子爵府

積分: 12042

1^#

發表於 17-10-8 20:26 |只看該作者 |倒序瀏覽 |打印

本帖最後由 csir3290 於 17-10-8 20:26 編輯

喺朋友圈子中我對仔女算係比較細嘅一對，所以好多時同朋友傾計都會講到佢哋啲仔女嘅問題。好多時都會覺得啲仔女去到十歲以上啲問題都已經成為咗習慣要改起上嚟真係比較難搞。我好多時都會諗仔女嘅壞習慣就好似生病咁，當佢顯現出嚟嘅時候都已經係變成病狀，但係做家長嘅好多時係啲病徵好細微咁顯現出嚟嘅時候唔留意甚至輕視，直至到出現咗病狀先至發覺大問題，到時要去改要去醫都係比較麻煩同用時間。有時同朋友傾開發覺做家長其中一個最大嘅問題就係唔識得定底線，乜嘢係底線呢？簡單啲講就係一啲規矩，而呢啲底線係要自細就要灌輸畀小朋友，等佢哋自細就習慣要守呢啲規矩，由於自細習慣所以到佢將來長大嘅時候出軌嘅機會就會減低。好似好多家長都會覺得當小朋友大咗會好多問題，例如唔會自動自覺做功課同温習，食飯食得慢，容易發脾氣，經常玩電話唔會自己睇書等等。好多時呢啲都係同家長喺小朋友細個嘅時候有冇定出一啲嘅底線同埋規矩嘅問題有關，當小朋友細嘅時候會比較容易教因為佢仲係白紙一張，所有嘅規矩同壞習慣喺小朋友仲係白紙時最易寫上去，究竟會成為好嘅習慣定係壞習慣就其實好睇家長點樣喺呢張白紙上記低一啲底線同埋規矩。好多時出問題就係出於大人喺佢哋小朋友細個時都唔在意呢啲底線，以為遷就小朋友佢哋就會乖，但偏偏好多時就會慢慢形成為習慣令到啲小朋友冇曬規矩。試諗下你平時畀電話佢玩突然間唔畀會有乜嘢後果發生？正所謂病向淺中醫，當小朋友細個嘅時候我哋唔嘥時間唔用心機去定呢啲規矩都去記長大嘅時候就會自食惡果。當一個家長喺小朋友細個時候冇底線咁遷就小朋友，到個小朋友大個咗嘅時候仲邊有底線可言呢？點解家長會覺得小朋友越大會叫極都唔聽呢？如果唔想頭痛醫頭腳痛醫腳的話，咁就要好好襯小朋友仲細過嘅時候幫佢好好定下要守嘅規矩同底線，唔好等到問題已經出現曬變成病狀嘅時候先至諗方法點樣去改善到時只會係困難重重，人哋亦都好難幫手，因為第二個人好難知道成因。我總覺得世界嘅嘢喺唔會無端端發生嘅，小朋友嘅壞習慣亦然，只係我哋有冇注意到咁解。唔知點解有時同朋友傾開都發覺越年輕嘅父母，就越唔識得幫小朋友定下規矩同底線，就算有定都係會比較容易退讓。要小朋友守規矩同不超越底線，堅持同不退讓係最緊要，當然都係要有耐心啦！