自由講場 今日: 297 | 主題: 1355527

積分: 372

1^#

發表於 09-2-2 23:17 |只看該作者 |倒序瀏覽 |打印

我家樓下新搬來一對夫妻，我唸佢哋住唔夠
一個月己經投訴了我們五次嘈，請大家讓我舒發一下：２０／１第一次按門：我不在家，我先生告訴我當時小朋友在玩彈彈波不夠十分鐘，已經被投訴，其實真的有點嘈，所以我先生說了唔好意思，便叫小朋友唔好玩，隔了五天２５／１我給小朋友看Ｈi-5 ,唱到love 首歌,我個(6yrs)女
約40lbs 跟著跳都未唱完又按鐘，今次我真的很差異，小朋友活動不夠十分鐘，而且是下午６時左右，咁都唔得
我只好答佢儘量啦．．．．大年初三２８／１我個仔（３ｙｒｓ）３０Ｉｂｓ在梳化跑去電視機前執ＴＨＯＭＡＳ火車，再跑了一次去厠所we we,又被報警投訴,警察
來到,說了一大堆,又說他們已經在樓下單位坐了一會
發現我們真的很嘈,我解釋我哋樓層簿，其實小朋友唔係好嘈!我也聽到樓上行路聲，日光白白小朋友要郩架,要玩架個阿siｒ居然叫我帶佢哋落街玩,不要留在家玩,我火都滚
用咗一輪咀英文回佢，結果佢又問我哋是否在外地回來
嘈了一輪，我也和樓下夫妻解釋一輪，大家樓上樓下冇需咁，我樓上也有聲音，日頭比人玩下都得呱，唔駛吓吓投訴，佢居然同我講你都可以去投訴架，佢唔投之咩
咁我都沒有辦法，我只好請他不要再按我家門鐘，因為把我女兒嚇壞了，我要用好多日做輔導．我叫佢有事就致電管理處，管理處會用電話通知我．事情未完．．初四初五
初六我們避走，初七我也帶埋兩個小朋友去我阿媽屋企到十時半回家洗澡睡覺，唔到十一時管理處又致電說樓下投訴我們，我同管理處交涉，小朋友只是回家洗澡現在已上床睡覺了，咁都要投訴，佢哋係唔係有問題，管理處也很冇奈．到今天約八時半我又收到電話．我同管理處講只有我屋企有人佢哋就投訴，長期下去，點拌？我真的唔知點拌
大家都叫我唔好理佢哋，但我真的好有困擾，甚至精神緊張，我們才剛剛裝修完，冇可能搬走，我今天下午也主動致電警局，個女警好好，佢好明白我的處境，但係佢幫唔到我，佢話又唔可以投訴佢哋ｄ？所以我冇辦法之下上來，請教！請教！
有冇人可以求吓我哋，我見個囡三日唔埋問我點解佢ｄ
同學都可以在家裡跳繩，玩，點解我唔可以，我只好同佢講，你照玩啦．．．細聲ｄ，但佢又擔心我被人投訴
請高人指教．．指教．．．

[ 本帖最後由 Tippi 於 09-2-3 00:02 編輯 ]

0 0 0

私人傳訊

常在坤

大宅

積分: 3217

2^#

發表於 09-2-3 00:34 |只看該作者

咪理佢地,我覺得你己經做左你要做既野,下次佢走上黎,你就直接同佢講:「有人住既地方就有聲,想冇聲就搬入山洞,己經對你家人客客氣氣La,再係咁我諗你家人買定D耳塞!!」

私人傳訊

christiewong

男爵府

積分: 6847

好媽媽勳章醒目開學勳章畀面勳章環保接龍勳章大廚勳章陪月勳章

3^#

發表於 09-2-3 00:40 |只看該作者

呢D人心理有問題...

私人傳訊

四眼雞丁

子爵府

積分: 11191

4^#

發表於 09-2-3 00:45 |只看該作者

原帖由 Tippi 於 09-2-2 23:17 發表
我家樓下新搬來一對夫妻，我唸佢哋住唔夠
一個月己經投訴了我們五次嘈，請大家讓我舒發一下：２０／１第一次按門：我不在家，我先生告訴我當時小朋友在玩彈彈波不夠十分鐘，已經被投訴，其實真的有點嘈，所以我先生說了唔好意思，便叫小朋友唔 ...

你情況同我個時搬入來頭一個月都俾人勁投訴...無理個隻
後來打去管理處講..我好怕人敲我門...講自己經過咁折磨(無理投訴)又訓唔到.驚呢樣驚個樣.之後管理處都無搵我囉.而我知道我住緊屋企d鄰居咁(敏感)話...我都會叫我小朋友唔好係屋企地板玩...上床玩...唔好玩跑跑跳跳....過左十一時就細聲d(不過都訓晒啦)....公眾假期就細聲d囉...費時又俾人投訴..現時我兩個仔都知我話細聲d就好識做..一係上床玩.一係去睇電視....我又買左d膠地(abc)間唔中都要鋪地.等佢地可係地板玩..我唔知你嘈情況係點.但我覺得有小朋友ga屋企,嘈就一定有,但我真係唔會教我兩個仔係屋企跳繩,打波...玩波子等等.樓下一定會勁投訴...教個小朋友...如果你係住係樓下.我係樓上打波.跳繩.你會有咩反應呢?睇下個小朋友點答....

私人傳訊

Elefant老婆

積分: 37317

好媽媽勳章醒目開學勳章畀面勳章

5^#

發表於 09-2-3 00:47 |只看該作者

我都有類似你咁嘅鄰居住响我樓下，
但就無你果個咁巔。

查實係咪你幢樓結構上問題易傳聲，
無可能警察都話你地嘈。
基本上過咗十二點先嘈就話啫，
又未過十二點日常生活點都有D聲㗎喇。

佢地對聲音咁敏感不如住天台啦。

私人傳訊

jo2901chan

子爵府

積分: 13967

2025中秋節勳章好媽媽勳章醒目開學勳章畀面勳章環保接龍勳章

6^#

發表於 09-2-3 00:55 |只看該作者

不如設個遊戲區,鋪地膠,睇下好唔好d~~~

一家人,最緊要開心,快樂~~~老公,收入大增~~~

私人傳訊

sukishan1217

禁止訪問

積分: 3752

7^#

發表於 09-2-3 01:41 |只看該作者

提示: 作者被禁止或刪除內容自動屏蔽

私人傳訊

積分: 372

8^#

發表於 09-2-3 01:44 |只看該作者

其實我哋都明係樓宇結構的問題，但對方唔明，不是設遊戲區的問題，係連小朋友行步路都宥問題，星期六下午我家樓上我相信他們也是在玩hide and seek ,我哋都聽到一清二楚,但心唸大家都係想開開心心,何必斤斤計較,我都同樓下講你哋裝修三個月,個裝修師傅日日開大部收音機,星期六下午又話要趕工
我個仔日日下午冇得瞓,咁又點,佢居然講
我攞正裝修,咁我唔係攞正牌生仔咩!

私人傳訊

patpat234

水晶宮

積分: 64078

好媽媽勳章

9^#

發表於 09-2-3 01:53 |只看該作者

如果佢地係2公婆,你不如叫佢地搵日其中一個上你到,一個係樓下,而你地2公婆又其中一個落樓下,小朋友就如常咁玩,比佢地睇下你地平時係點.睇下係咪一樣咁嘈.

雖然咁做好似唔係咁方便同好似怪怪地咁,但除左咁暫時未諗到其他方法.

鋪地墊係可以隔到d聲.

「知足者，常樂也；不知足者，富亦憂。」

私人傳訊

常在坤

大宅

積分: 3217

10^#

發表於 09-2-3 02:06 |只看該作者

真係野盲,講真裝修點都嘈過细路D聲La佢地下下都投訴,佢地唔覺得人地會以為佢地係有問題先咩?咪鬼理佢地La

原帖由 Tippi 於 09-2-3 01:44 發表
其實我哋都明係樓宇結構的問題，但對方唔明，不是設遊戲區的問題，係連小朋友行步路都宥問題，星期六下午我家樓上我相信他們也是在玩hide and seek ,我哋都聽到一清二楚,但心唸大家都係想開開心心,何必斤斤計較,我都同樓下講 ...

私人傳訊

sasa@uk

積分: 45296

11^#

發表於 09-2-3 02:07 |只看該作者

不如同樓下對調住. (講笑咋)

你裝修時地板下面有無鋪 underlay ? 隔聲的綿

私人傳訊

lestat

侯爵府

積分: 24981

育兒性格勳章好媽媽勳章醒目開學勳章畀面勳章 BK Milk勳章

12^#

發表於 09-2-3 10:29 |只看該作者

如果係打波, 跳繩呢類就唔好晌屋企玩喇, 再如其他mami所講, 舖膠地毯作遊戲區減低聲晌, 我覺得可以做既然都做左, 自己理直氣壯唔使理會佢投訴.

私人傳訊

dincat

積分: 31039

畀面勳章

13^#

發表於 09-2-3 10:42 |只看該作者

如果係樓宇結構易傳聲, 都要自己做下工作, 唔可以一句話無辦法就算, 盞大家結怨

果時我樓上又係有2個小朋友, 新搬入黎時成日跳又奔跑, 成日拖凳, 由朝嘈到晚, 頭都痛埋, 我地都向管理員投訴多次, 前後無一年都至少半年,
last一次我地向管理處鄭重聲明, 如果樓上再唔改善, 我地會報警, 投訴埋管理處辦事不力, 到時盞搵黎攪, 叫管理員教樓上(一定要由管理處出面, 交左管理費喎)

室內避免穿硬底鞋, 會好應聲
叫小朋友在特定地區玩, 舖遊戲墊
所有椅凳套上腳套, 拖曳時聲响會較小, 又可以保護地板

好彩佢地都改左, 而家只係無食藥先會嘈下, 我地都算lu

如果樓主已做左改善措施, 樓下都未滿意先叫無辦法

[ 本帖最後由 dincat 於 09-2-3 10:48 編輯 ]

私人傳訊

LokB

子爵府

積分: 11688

14^#

發表於 09-2-3 10:52 |只看該作者

真係人都顛.

你同你小朋友都無唔岩, 你地只係玩日常既生活遊戲啫, 係自己屋跑吓都唔得? 果個亞 sir 都 short short 地, 叫你地落街玩!

至於你樓下對夫婦, 雖然佢地都有權投訴噪音, 但基於係樓宇結構問題多於真正噪音, 唔理佢地係租定買, 呢個都係佢地要自己成擔返.

如果你自問真係無制造噪音既, 咁佢投訴你一次你未又報警一次 law, 反投訴返佢無理騷擾.

私人傳訊

BBTWIN

大宅

積分: 4226

15^#

發表於 09-2-3 11:23 |只看該作者

我對孖女都好活潑，成日o係屋企四維走．我地屋企樓層都好簿．但係o甘耐都未比人投訴過．所以真係睇你好唔好彩遇到咩鄰居．衰果D真係３日唔埋兩日就投訴，呢D人通常有精神緊張問題，小小聲音都接受唔到．下次佢地黎投訴你，你咪叫佢地搬去住獨立屋．成座自己咪唔會比人嘈到羅．:;pppp: :;pppp: :;pppp:

私人傳訊

積分: 372

16^#

發表於 09-2-3 11:25 |只看該作者

其實我又唔係一句樓宇結構問題，就唔理對方，我己經避開，是回家洗澡咁短短半個鐘，佢哋都去投訴，我才覺得困擾，至於你哋話叫樓下上來坐坐看看我小朋友如何活動
，我初三已經同佢建議過，不過佢哋冇反應喎！我樓上的小朋友也在家跳繩，我哋也曾投訴過，因為佢哋係零晨一時跳繩
對方解釋小朋友在外國回來，有時差，我哋也很尊重人哋的自由，請他們能否早一點跳
在九時半前，其實我ｄ小朋友不是頑童，真係嘈極有個譜，我也叫佢哋唔信落自己樓下問問，其實洗澡聲都聽，佢哋一句講晒，（人哋唔投訴，唔代表我唔投訴），我不是想同佢交惡，所以我先會唔開心，如果我真係唔理人感受，我唔駛上來．多謝大家！
我儘人事啦．．．．

[ 本帖最後由 Tippi 於 09-2-3 11:28 編輯 ]

私人傳訊

J1345

別墅

積分: 986

17^#

發表於 09-2-3 11:44 |只看該作者

以下係講笑, 係我就整蠱佢, 自己全家出哂街, 仲要比管理員知, 然後搵野set定時拷響地板, 睇佢投唔投訴, 之後施施然全家返屋企, 到時管理員實話你...你就話佢撞鬼呀, 間屋都冇人, 到時你人覺得佢傻, 或者佢自己覺得撞野搬走

私人傳訊

juicypig

積分: 30278

環保接龍勳章 hashtag影視迷勳章

18^#

發表於 09-2-3 11:47 |只看該作者

比我會唔再理佢囉, 返到屋企要relax, 而家反而仲大壓力, 總之夜晚11:00後唔嘈就算, 平時咪照常生活囉

一個人之所以快樂,不是因為她擁有得多, 而是因為她計較得少

私人傳訊

00adafan

禁止訪問

積分: 3246

19^#

發表於 09-2-3 11:51 |只看該作者

提示: 作者被禁止或刪除內容自動屏蔽

私人傳訊