Hello levanalam ，痰係呼吸道嘅分泌物，當有刺激物(冷空氣/塵蟎)入侵/生病後，分泌物就會增加造成呼吸道不適，媽媽俾囝囝多飲暖水/滋潤湯水，充足水份能夠滋潤呼吸道，痰會比較容易咳出。囝囝唔食奶明白會令媽媽擔心，10個月BB可以食到2餐固體，囝囝食粥仔胃口好嗎? 有無試過粉、麵? 濕濕地會比較易入口，唔同嘅食材都可以增加BB食慾架。
Hello Piggy926，9個幾月BB食材可以更多元化，唔油膩、無調味大人湯水都可以飲，魚/雞/廋肉湯都飲得架，或者媽媽煲D天然味道滋潤湯水，例如雪梨水﹑蘋果水﹑竹庶水﹑紅蘿白栗米水等，好適合秋天比較乾燥天氣飲架，仲要培養BB飲清水習慣，多飲水、多食纖維，BB腸胃和便便都好D，佢喜歡飲水嗎?
Hello Fishma007，佢胃口和精神點呀? 鼻粘膜上的細小血管和分泌物(鼻涕)可以粘附塵埃、病毒、細菌，保護呼吸道，鼻涕乾左會形成鼻塞，小朋友鼻孔比大人狹小、敏感，鼻涕/鼻屎會比大人多架，如果鼻涕係小小黃，唔係綠色或者有臭味都可以觀察下先。媽媽可以係沖涼後，比較潮濕環境下按下小朋友鼻仔清除鼻涕，可以預防大鼻屎塞住鼻仔而鼻塞架。另一方面可以留意下床仔係咪近窗口或者比較大塵嘅位置，因為大塵都會令BB鼻腔分泌多左架。佢胃口和精神點呀?
發表於 
返回列表
