[size=14.6667px]啱啱炒左個陪月，個名叫XX云（化名云姨或者云姐，個云字係簡寫嘅），炒佢仲要賠7日比佢勁蝕，大家要小心，唔好中招。
首先，我屋企個個人（包括工人姐姐）幫阿b餵奶，都唔會點嘔奶，陪月餵完奶，阿b就嘔一大pat,佢話係正常，我知嘔奶係正常，但當一向都無事，到佢手就嘔，咁就有問題啦！之後我睇佢換片，佢好心急想快啲搞掂，仲好大力咁幫bb抹，見到都痛，之後抹完張屎片連污槽棉花掉落地下，棉花跌左啲出黎，我O咗咀，我屋企無垃圾筒咩？佢睇住我工人啱啱拖完塊地，之後叫我工人再抹多一次，我工人太好比佢任舞。
另外，佢煮嘢食唔好食都算啦，仲唔識因份量，我屋企得我，工人同佢，有乜理由一餐食梅菜蒸肉餅買成$38碎肉，蒸出黎勁大碟，點食得晒，搞到啲餸成日要隔夜。之後我老公放假，我問佢有咩餸，佢話煲湯果條魚尾加豆角，我聽完嚇親，我未有b之前都唔洗食到咁清，我話唔夠喎！叫佢加啲，之同佢斤斤計較咁講，其實我主要煮比你食架渣，唔包其他人，我話煮比我都唔係食哩啲呀嘛！因為我屋企有工人姐姐，切嘢洗嘢全部都係我工人做，佢剩係煮，勁簡單仲咁鬼懶！
其他時間坐係度睇住阿b瞓覺，玩電話。糖水佢除左煲過蕃薯糖水同木瓜雪耳之外，佢叫我食日清美味寶，用熱水座熱就得。
燉湯方面就剩係識燉雞湯同肉湯，又係勁簡單，放晒啲雞或肉落去燉鐘，開制搞掂。我過左12朝叫佢燉下其他嘢，佢話燉湯係哩兩樣，佢話我唔可以補其他，因為惡露未清晒，等清晒要一個月，我頂佢，一個月佢都走啦，咁即係又唔洗做！我話可以開始溫補，佢話唔識，叫我諗比佢。煮餸又係日日果幾味，院魚食左幾日，魚膠今日食完聽日又係，同佢講不如煮下第二味，佢又叫我諗比佢。下下我自己諗，洗乜搵佢呀！我叫工人做都得啦！
仲未完，佢幫bb沖涼，沖唔夠30秒，又反唔到身洗背脊同pat pat，佢話都唔係好污槽，唔洗洗都得，我同工人都O晒咀，因為之前一日奶奶黎左幫阿b沖涼，洗得又細心又乾淨，又反到身洗，唔係專業都好過佢。
仲有，佢用我屋企嘅廚房紙同盒裝紙巾，用得勁快，連我工人都話又用完，我見佢洗完手都蚊我3張紙巾抹手，其實我廚房同廁所明明都有抹手巾，係唔用，當我屋企係公廁用紙唔洗本，勁唔環保，好討厭哩啲咁自私嘅人。
總括而言，做陪月佢完全唔合格，希望大家小心，如果唔係好似我咁貼錢買難受，好彩我工人ok幫到手，如果唔係我都唔知點算，分分比佢搞到抑鬱。
發表於 
返回列表
