吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 好後悔全埋身。好唔開心

母乳餵哺今日: 0|主題: 85706

收藏本版

回覆發帖

返回列表

跳至頁

查看: 12466 | 回覆: 13

好後悔全埋身。好唔開心 [複製鏈接]

Me_lala

大宅

積分: 1297

1^#

發表於 17-8-28 01:42 |只看該作者 |倒序瀏覽 |打印

求請教
由於全職湊，所以我一直全埋身。bb一直重得好好，4個月時條線係響75%，但點知6個月時，可能因為厭奶，條線跌左去50，個時健康院姑娘話睇住先。
點知前幾日八個月，磅佢，得番8kg,仲要連埋衫，即係跌到25，
我真係好沮喪，諗緊係咪自己有咩做得唔好，點解會重得咁慢咁少，
一直諗係咩問題，
Bb一路加固都加得唔好，要好餓先肯食粥，書話下餐奶提早少少比，我仔完全唔得。反而係要隔耐，就肯食到成碗。
今日老公竟然話叫我唔好埋身餵了。要改做奶粉，我個下即刻喊左出黎。

究竟我應該點做？
朋友都有叫我改做泵出黎，咁就可以計番究竟佢食得係咪太少
但我仔又完全唔肯飲樽。。

0 0 0

私人傳訊回覆引用

NYC55699

複式洋房

積分: 445

2^#

發表於 17-8-28 01:45 |只看該作者

Me_lala 發表於 17-8-28 01:42
求請教
由於全職湊，所以我一直全埋身。bb一直重得好好，4個月時條線係響75%，但點知6個月時，可能因為厭奶 ...

一日埋幾多次？每次幾耐？

私人傳訊回覆引用

bosch

瑪瑙宮

積分: 128559

馬年勳章 2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

3^#

發表於 17-8-28 10:05 |只看該作者

本帖最後由 bosch 於 17-8-28 10:08 編輯

Me_lala 發表於 17-8-28 01:42
求請教
由於全職湊，所以我一直全埋身。bb一直重得好好，4個月時條線係響75%，但點知6個月時，可能因為厭奶 ...

最緊要係自己睇開d, 同埋醫生冇話有問題, 你唔好庸人自擾.

你可以全埋身, 已經好了不起. 轉奶粉同埋轉泵只會增加你既壓力, 我覺得冇必要咁做.

我三個仔女到咁上下都係輕左. 我個女由出世9磅幾跌到體重過輕. 大二仔出世7磅半, 都係大大會會輕, 二仔而家 7 歲都係體重過輕. 最緊要係bb 夠精神.

餵奶粉唔係一定增加體重, 我二仔三女約4個月要補奶粉, 一樣輕左. 兩次我都有期望奶粉可以增重, 但兩次都係失望, 所以你可以選擇補奶粉, 但亦要知道奶粉唔係增重既保證, 小心希望越大失望越大.

另外你個b 都8個月大, 本身增重速度會減慢, 同時活動能力高左, 增重冇咁快係正常.

我覺得冇必要泵出黎係因為到呢個時侯睇到佢食左幾多係冇用. 佢飲少左人奶, 之後咪俾番多d 粥仔. 如果一定要餵奶粉, 唔駛一刀切停埋身, 母乳幾時都係有幾多咪俾幾多, 你唔想戒咪續餵. 我認為"補奶粉" 好過 "完全轉飲奶粉", 我係先響日頭俾bb 飲奶粉, 肯定佢地冇敏感後至慢慢響睡前奶補奶粉, 當要仔女戒啜住訓, 同埋夜晚飽d 會訓耐d. 泵出黎都有好處, 我d 仔女係飲泵奶多過埋身餵咁啜, 佢地係要2個禮拜不停試至肯用奶樽. 講開提提你, bb 要全日得到足夠卡路里, 夜晚可以一覺訓天光既機會會高d.

我唔知你指bb 一路加固都加得唔好係咩意思... bb 負責食量, 你俾最好既食物就夠. 你想佢食多d 固體的話, 一係將兩餐时間拉長, 一係減奶. 而家佢學食固體, 唔駛心急減奶, 等佢慢慢增加食量先.

bb 身高有冇跌? 我d 仔女係身高跌少少, 體重跌多多. 醫生(外國) 話冇問題, bb 都有自己既體型, 如果真係食唔夠, 連身高都會跌, 精神又會差. 佢見我好擔心咁, 叫我俾粥仔時加d 油, 同埋餵麵包時可以搽牛油, d 外國人餵bb 係唔會走油, 因為油都係營養既一種, 唔係俾過多就得. 港媽通常要走油走鹽糖, 咁你問下醫生點做至決定.

我響另個post 見你話bb 夜晚成日要埋身, 如果佢係肚餓唔係口痕要啜的話, 著手諗法俾佢食多d 食好d (和食不同種類)固體食物好過你去戒埋身餵人奶.

你唔好俾bb 體重控制你思緒, 最緊要係bb 夠精神夠活力. 如果佢太輕, 醫生姑娘一定會出聲同你研究改善方法.

點評

Glad

發表於 17-8-28 18:12

私人傳訊回覆引用

Me_lala

大宅

積分: 1297

4^#

發表於 17-8-28 15:20 |只看該作者

bosch 發表於 17-8-28 10:05
最緊要係自己睇開d, 同埋醫生冇話有問題, 你唔好庸人自擾.

你可以全埋身, 已經好了不起. 轉奶粉同埋轉泵 ...

多謝你呀！荅得好詳細。

我b加固食得唔好，食野好睇心情，好㨂飲擇食，粥一定要番薯南瓜呢d甜既，菜粥佢真係食左一啖就唔食。

我個大約時間係咁
0700 埋身20 min訓番
0800 wake up
0900 埋身10min
1000 sleep
11 wake up
12 congee 60ml
1500 埋身10min sleep
1800 congee 60ml
2000 埋身
2200 埋身 sleep
半夜起1:00， 3 點， 5點，每次拍番佢訓

我其實係咪應該隔番遠dd 時間，等佢可以唔使食咁多餐，食多d粥呢

私人傳訊回覆引用

Me_lala

大宅

積分: 1297

5^#

發表於 17-8-28 15:21 |只看該作者

Me_lala 發表於 17-8-28 15:20
多謝你呀！荅得好詳細。

我b加固食得唔好，食野好睇心情，好㨂飲擇食，粥一定要番薯南瓜呢d甜既，菜粥佢 ...

想轉泵係因為。我諗緊其實係咪佢飲奶唔夠，所以輕左。如果用泵就可以計下佢飲幾多。。
唉
唔該哂你呀！好勁呀！有3個小朋友

私人傳訊回覆引用

teeteetunhk

別墅

積分: 772

6^#

發表於 17-8-28 15:36 |只看該作者

8個月黎講食得太密，仲要食埋夜奶，佢可能唔夠休息。BB除咗食仲要夠休息先長肉架。

你試下每餐比佢食多啲，夜晚食飽啲睇下可唔可以介夜奶？可以一覺睏天光第二朝精神好啲又會好胃口啲，因果循環。

私人傳訊回覆引用

Glad

版主

積分: 16396

好媽媽勳章醒目開學勳章

7^#

發表於 17-8-28 17:38 |只看該作者

Me_lala 發表於 17-8-28 15:20
多謝你呀！荅得好詳細。

我b加固食得唔好，食野好睇心情，好㨂飲擇食，粥一定要番薯南瓜呢d甜既，菜粥佢 ...

看你的時間表, 日間兩次餵哺母乳的時間是10分鐘, 是你決定, 還是他自己停呢?

願 【母乳餵哺資料庫】 保守著大家的母乳路 ! 無論順逆 , 願大家都以喜樂和盼望的心迎接喜與憂 ! 加油啊 ! 因為我們在這裡耕耘的路上 , 有的是扶持和關顧啊 ! 願 【母乳餵哺區】 是母乳家庭的加油站 !

私人傳訊回覆引用

Glad

版主

積分: 16396

好媽媽勳章醒目開學勳章

8^#

發表於 17-8-28 18:12 |只看該作者

回覆 Me_lala 的帖子

BB在6個月大開始, 給他添加固體食物 (台灣稱為副食品, 依世衛英文翻譯), 目的不是靠這些食物吸取營養的, 而是重於訓練他的咀嚼能力和逐漸開始吃母乳以外的食物, 所以是不用心急。

母乳是甜的, 他愛吃番薯和南瓜甜味是正常的, 暫時不吃菜也不成問題。

8個月的BB在這階段, 母乳仍是主糧, 其他食物是補充, 吃多一餐副食品, 就少一餐吸收母乳的營養。
以下有不同階段的母乳營養成分可供參考:

http://taichung.tzuchi.com.tw/archive/file/files/1030711-8.pdf

加油!

私人傳訊回覆引用

rachel_tim

伯爵府

積分: 17369

9^#

發表於 17-8-29 14:08 |只看該作者

慢慢比佢試固，今日一啖，第二日2啖咁練啦
你要知好在你埋身餵，如果食樽，可能仲奀（唔食奶）
我都係全人奶媽（餵緊第二胎），而家細佬就6個月大，我會泵啲出黎加米粉做糊比佢食固

我大仔食固都好差，更唔肯食粉同樽，佢一歲出牙厭食固足足一個月，好在埋身令佢舒服啲咁捱過
之後我先再慢慢由米水開始再比返固佢食

但作為人奶媽，為左仔好我都會考慮唔同方法令佢可以食多啲，你可以試吓泵/ 買罐細粉返黎試，如果佢真係食多左咪泵吓囉，冇咩大問題的

私人傳訊回覆引用

ravian

大宅

積分: 3480

10^#

發表於 17-9-12 15:54 |只看該作者

回覆樓主:

其實體重同飲食無關，我大仔好大食但瘦，出世3.3kg，6個月先得6.77kg，1歲都未夠9kg，不過佢健健康康食得瞓得又好動，6個月大就可以食到大人碗滿晒嘅一碗粥，每日4餐每餐都7-8奶，所以我無擔心呀

私人傳訊回覆引用

aquaQ

大宅

積分: 1248

11^#

發表於 17-9-20 11:50 |只看該作者

Me_lala 發表於 17-8-28 15:21
想轉泵係因為。我諗緊其實係咪佢飲奶唔夠，所以輕左。如果用泵就可以計下佢飲幾多。。
唉
唔該哂你呀！好 ...

本帖最後由 aquaQ 於 17-9-20 11:54 編輯

6個月後的體重增長主要是靠固物食物，而不是奶。母乳係6個月後的作用主要是提供抗體，及當飲品。所以，想增重得快，要由固物食物入手，不用理母乳定奶粉，也不用理埋身定泵。

我個 b 一直都不夠重，但每次健康院見醫生（因為輕，通常都被姑娘帶去見見醫生），見過不同的醫生，都說只要身心發展正常，精神健康，不是發展遲緩（例如9個月應該可以坐得穩，骨骼的發展情況，對聲音有反應之類的評估標準），就可以不用擔心，連營養師都不用我們見。醫生話，需要的是，每日畀多D各種顏色（代表各種營養成分）的固物食物佢。