吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› BB一定咬人既咩 ?

婆媳關係今日: 0|主題: 27759

收藏本版

發帖

返回列表

跳至頁

查看: 3073 | 回覆: 25

BB一定咬人既咩 ? [複製鏈接]

cwhtcybb

大宅

積分: 2500

1^#

發表於 09-2-16 11:13 |只看該作者 |倒序瀏覽 |打印

我個女而家2歲半, 佢有一個細佢一年既堂妹, 都係比奶奶湊. 話說星期六我返去我奶奶度接呀女走, 但係返到去呀女訓左, 於是我叫呀女起身, 佢轉身果陣時, 已經見到佢塊瘀痕, 起初以為係燈光問題, 點知望清楚真係瘀左, 我問老爺點解會甘, 佢話比妹妹咬, 跟住仲同我個女講, 下次呀妹咬妳, 妳要被開呀, 知唔知呀 ? 起果一刻, 我壓抑住我既怒火 (因為我驚我醒爆我老爺)” 落到樓, 我即刻打比我老公, 同佢講呀女又比呀妹咬, 已經唔係第次架喇, 佢地想點, 佢個女自己整到就起度EE MU MU, 我個女三番四次甘比佢個女咬又唔出聲. 平時佢(妹妹既呀爸呀媽)自私都算喇. 又唔教下個女. (起果一刻我已經去到瘋癲既狀態唔知自己做緊咩). 我老公無出聲, 因為佢知佢一講野, 我更加一發不可收拾.

我已經同我奶奶講左好多次妹妹已經將咬人當係武器, 奶奶唔信, 仲話佢出牙仔發牙痕者, 同埋細佬哥玩下實碰撞架喇. 我已經好好聲氣甘同奶奶講, 佢頭一次兩次可能真係發牙痕 (所以我都無出聲), 但係妹妹而家跟本將咬人當左係武器架喇, 妳地要教下妹妹先得. 平日妹妹都會咬我個女, 不過好多時我地睇到渴得佢住先無事. 佢呀媽只係用個好惡既樣甘望住佢個女, 同埋用手輕輕甘起佢個女個咀度”HI” 兩下. 叫佢唔好咬人, 果次我睇住佢呀媽”HI”緊呀妹既時候. 呀妹反抗想咬返呀媽轉頭, 好彩佢呀媽縮得快.

試問”吊”反轉, 咬人既係我個女, 妳地會點呀 ?

奶奶呀~~ 奶奶~~ 唔該妳醒下喇, 妳甘樣縱容妳D孫, 第日受苦既係妳個仔呀………

0 0 0

私人傳訊

littlecarey

男爵府

積分: 8097

育兒性格勳章畀面勳章

2^#

發表於 09-2-16 14:32 |只看該作者

妳同奶奶講都無用啦
妳一係唔好比99揍, 一係親自去教訓妹妹或向妹妹的爸媽投訴

私人傳訊

060905

男爵府

積分: 6052

3^#

發表於 09-2-16 14:38 |只看該作者

係bb多數會咬人, 但唔代表你可以俾佢咬人羅, 小朋友無論幾細個, 都係要教！

同99講係哂氣, 我個女每逢星期六都會見到佢兩個好頑皮既表哥同表姐, 佢地都係成日蝦我個女, 我通常都唔會同c6/ 62/99/姑9, 我多數好貼身咁保護自己個女, 有咩事咪直接出聲話佢兩兄妹, 咁就算好嬲都要禁住把火, 語氣重d咁話佢, 始終係人地仔女, 唔可以鬧得咁”金”！

私人傳訊

cwhtcybb

大宅

積分: 2500

4^#

發表於 09-2-17 16:24 |只看該作者

回覆 # 的文章

尋晚放工返上去, 我個女又比妹妹咬左, 今次係起肩膀位對落. 我一開門, 我個女已經同我講佢比妹妹咬, 我睇到佢既傷勢, 已經去到癲左既階段 (點解可以甘架.), 我奶奶由廚房走出黎, 話係佢地兩個掙野玩, 仲話妳個女都醒架喇, 用個背脊頂住左佢. 我問我奶奶, 妳話左妹妹未呀 ? 妳有無打佢呀 ? (其實我都用左D幼稚園老師教既方法同佢講唔好同妹妹掙, 如果妹妹要既妳就比妹妹, 但係要同妹妹講數10聲就到我架喇. 如果妹妹唔比妳既, 妳唔好去搶, 去話比麻麻聽)“我話左呀妹架喇” 我老爺仲要加左句, 細路仔玩下實有碰撞架喇. 係甘架喇, 無野既 (我頂, 試問如果我個女係返學果陣時比同學咬, 而唔係比妹妹咬, 甘妳地會點丫. 佢就會罵人地無家教, D先生唔睇住既咩, 有無攪錯呀……… ). 我真係癲左, 我叫左妹妹入房, 跟住問佢係唔係咬家姐(妹妹答”係”), 知唔知咬人係唔岩 (妹妹答”知”), 我問佢甘妳仲咬人 (妹妹唔出聲). 跟住我就開始打佢咀同手, 其實我都知甘樣係唔岩, 但係我真係控制唔到我自己. (點解妳地個個都要做好人, 我已經同妳地講左妳地一個二個做好人, 甘我做衰人喇.) 同埋次真係打得大力左D, 事後我都有打返電話比妹妹呀媽, 同佢道歉, 同埋話聲佢地, 我今次重手左. 隔左一陣, 我好心平氣靜甘同我奶奶講, 如果妹妹再係甘樣咬家姐既, 不如請個工人丫. “我想講埋甘可以幫輕下妳, 唔駛妳甘辛苦”. LEE 兩句都未講, 我奶奶已經發爛話, 妳請喇, 妳請左唔好帶個女返黎丫. 我即刻火都黎答"好", 奶奶又話妳唔好旨意我會落去幫妳睇(即係我屋企), 我即答”好”, 跟住我即刻叫呀女換衫走. 走既時候我係喊住甘走, 我個女問我”媽咪妹妹咬妳呀?”

我走果陣時我老爺走出電梯口, 仲係果句 “細路仔玩下真有碰撞架喇”, 佢地兩老根本唔明而家係個小朋友既行為有問題, 佢地仲成日覺得大左唔會. 當然我沖動都有問題喇. 今朝, 我老公返我奶奶度羅野. 因為尋日趕住走唔記得羅呀女返學D野. 我奶奶同我老公講話我好打到妹妹口腫手腫. 我老公聽完之後, 打電話比妹妹媽咪問佢妹妹既情況, 佢呀媽咪話之前都唔覺既有咩腫, 到同佢抹面既時候見到個口有小小血羅. 我老公都有同佢講對唔住, 佢都話我都知妹妹頑皮架喇. 唔好意思.

LUNCH後, 我老公打比我話同佢未結婚果兩個細老妹講左叫佢地睇緊D喎.(我老公係最大, 而家有問題既係對落既細老, 另外仲有兩個未結婚既細老妹, 佢最細既細老VERY好人, 好人到人地話果兩個小朋友係佢都有信. 真係好人果種, 唔係反話), 我老公仲叫我唔好上去湊女住, 費事又有咩嘈. 我話唔上去湊返個女落黎唔通要佢日日比隻狗咬呀. 佢話我好用狗黎形容妹妹, 話妹妹仲係細, 我問我老公, 同佢未結婚果兩個細老妹講有咩用, 而家有問題果個係妳呀爸呀媽,同埋佢兩公婆呀, 佢話二嫂都知妹妹頑皮仲話細細老會睇住. 係呀, 佢地知道妹妹呀爸唔理, 呀媽無能力教, 咪叫兩個未結婚果兩個細老妹睇羅, 佢又唔知佢呀妹每晚幾點返, 一返黎就訓, 訓醒就走. 當然叫佢做野, 佢都OK既, 細細老一向都好好人, 但人地都要返工同有朋友架麻…

我打得LEE 編野出黎預左一定會有好多人話我唔岩, 小朋友都打, 仲要係打人地既小朋友. 因為我以前抱住個心態係, 我個小朋友唔好, 都想人地果個好. 小朋友細個唔教大左都唔駛指意會聽妳. 但係以後都唔會再甘樣諗喇. 因為心已碎.

[ 本帖最後由 cwhtcybb 於 09-2-17 16:29 編輯 ]

私人傳訊

mother904

翡翠宮

積分: 80582

畀面勳章

5^#

發表於 09-2-17 16:30 |只看該作者

坦白講，你打妹妹真係唔係幾岩，始終係人地個女。不過我都明白你，自己個女一而再，再而三咁俾人咬，俾我都會嬲到顛。你62 99由得妹妹咬人，真係唔岩，掉轉係你個囡咬妹妹又點呢？

既然而家都決定唔俾99揍，都冇乜需要再講。最驚係妹妹媽咪嬲左你，你唔知者。

私人傳訊

cwhtcybb

大宅

積分: 2500

6^#

發表於 09-2-17 16:49 |只看該作者

回覆 # 的文章

我而家仲同我老公傾緊係唔係真係請工人, 因為我地始終都係岩岩夠駛, 我都有問過我屋企果邊d人, 佢地都有佢地既難處幫唔到我. 我叫左我老公去再同佢呀媽傾下.

我奶奶係好傳統果種, 呀仔放工返黎就即刻開飯, 差在未"担"埋對拖鞋比佢. 我地d新抱同d仔講埋同一番說話, 同一種語氣, 返黎既反應都唔一樣架. 呀仔講一句好過我地講10句.

有時間既, 再話埋比妳地知. 佢個第二仔對佢呀媽幾孝順 (當然係反話喇)

私人傳訊

juicypig

珍珠宮

積分: 30278

環保接龍勳章 hashtag影視迷勳章

7^#

發表於 09-2-17 16:55 |只看該作者

分開湊啦, 請工人無咁嬲, 其實比著我見到自己個小朋友成日都受傷都會好激動既, 不過妹妹咁細個都唔係關晒佢事既, 係班大人唔教同唔阻止啫,,,,,,,咁妹妹個口流血係唔係真係樓主你打成咁架???

一個人之所以快樂,不是因為她擁有得多, 而是因為她計較得少

私人傳訊

yy25

子爵府

積分: 13211

好媽媽勳章醒目開學勳章

8^#

發表於 09-2-17 17:05 |只看該作者

可以嘅話真係請人湊好啲

私人傳訊

mother904

翡翠宮

積分: 80582

畀面勳章

9^#

發表於 09-2-17 17:24 |只看該作者

如果可以既話分開揍會好d。

其實唔止妹妹咬人既問題，既然佢無人教，遲d大左仲會有好多問題，到時呀囡可能俾佢蝦得仲慘，又或者驚俾佢教壞，你同62 99都會因為咁而多好多爭拗。

私人傳訊

kellyly

侯爵府

積分: 24623

好媽媽勳章畀面勳章

10^#

發表於 09-2-17 17:39 |只看該作者

係la請工人好過日日都唔開心
仲有你幾點番工放工呀
你女女而家2歲半可番bb班,睇下有無d可長時間既比佢番la
又可學到野又唔洗日日都咁

私人傳訊

cwhtcybb

大宅

積分: 2500

11^#

發表於 09-2-17 21:56 |只看該作者

回覆 # 的文章

其實呀女而家都返緊n班, 但係因為我放工時間唔穩定, 就算學校有托管我都用唔著. 爸爸而家星期一至五都要返夜學, 想幫都幫唔到. 但係我老公都有同佢奶奶傾過lee 樣野. 佢同奶奶講, 妳諗下, 呀女起同妹妹一樣既年紀時, 有無甘樣咬人 ? 點解成日話妹妹學家姐, 點解呀女又唔咬人又唔打, 呀妹就家姐就唔一樣丫. 而我老公都知佢細老有問題, 但係我唔知佢有無同佢傾過. 但係佢有打比二嫂同佢了解傾返. 其實我都無信心可以教到個女好好. 我只係想佢大左好似細細老就安慰喇. 所以我想起我能力之內都幫下手.
講下佢細老對呀媽幾好丫. 佢係做sales既, 所以通常收得比較夜同埋無得休星期六 & 日. 所以會起閒日休息. 就係因為佢甘既作息時間比較夜, 放左工返到奶奶到都十點幾喇. 叫左佢好多次唔好甘夜上會攪到小朋友唔訓. (我個女起我屋企 9:00-9:30一定訓左), 而起我奶奶度就會9:30度訓 (都叫正常時間), 但係佢個女無12:00 - 2:00 都唔訓. 仲要我奶奶幾廿歲人"咩"住就先訓. 晚晚如是. 係人都無精神喇. 平時放假又唔帶個女返去, 仲要話自己無得訓唔夠精神 (自私). 就算之前一晚帶左返去自己屋企, 第二朝訓醒就即刻帶返個女比佢呀媽湊, 自己走左去街 or 返屋企大覺訓. 而佢老婆有時見到奶奶甘辛苦, 都想帶返個女返屋企, 等奶奶有得休息下. 但係居然比佢個孝順仔罵佢好帶個女返屋企攪到佢無得訓. 仲要用d好無聊既直口唔帶個女返屋企, 就係話妹妹周圍"扒"屋企無"昌"花驚睇佢唔住. 所以唔湊女, 我老公即刻同佢整好個"昌"花去, 整完咪又係唔湊女. 有時我奶奶都忍唔住同我申, 佢好辛苦, (其實起我可以既時間我都會帶自己個女返屋企, 等奶奶可以早d訓同埋, 同埋所有家頭細務都係我奶奶做哂, 有陣時返到去想幫下佢做野, 佢就唔比, 叫我地自己睇返個b), 有時我都會同二嫂講, 既然妳老公閒日放假, 甘我地起之前果晚帶走兩個b, 甘比奶奶休息下都好丫都係一晚者. 開始時其實二嫂都同意, 但係唔夠一個月就當然就回復正常喇. 有時奶奶聽到我問二嫂帶唔帶妹妹返去既時候, 奶奶同我講, 妳唔好令二嫂難做喇. 有幾次我同奶奶講, 佢生左個女出黎又唔湊, 又唔理, 淨係識得夜麻麻返黎, 睇完個女就走, 攪到佢個都同佢一樣係夜鬼. 甘生黎仲咩呀 ? 不如唔好生喇. 我奶奶話見到人地果d得意所以生喎 (無聊, 唔湊又唔教生黎仲咩). 唔通佢諗住見到我個女幾好又唔係好頑皮, 所以跟住生呀? 我地都有付出過黎教佢架, 唔係佢一生出黎就識. 佢知唔知呀.

最最低死既都係上個星期. 話說佢星期四放假, 星期三晚我上到去奶奶同我講妹妹個頭有d熱叫我幫佢探下. 探完都有99.4-5左右, 我同奶奶講都有少少燒我即刻問奶奶有無退燒水, 奶奶話有起雪櫃於是我同細細老去睇下喇. 有好多支, 但係都over半年既, 我地唔敢比妹妹食, 我地又無佢既出生紙copy, 無得帶佢去睇24小時醫生, 跟住只好打比二嫂, 詳情如下.
我 : 二嫂呀, 妹妹個頭有d熱呀, 妳屋企有無退燒水呀?
二 : 下~~甘我叫老公起屋企羅支退燒水返奶奶度喇
我 : 下~~ 佢聽日唔係放假咩?
二 : 係呀~~ 但係佢(佢老公)聽日好似去剪頭髮定係唔知有咩做喎. 一係我打比佢問下先喇. (掛線)

頂~~ 妳剪頭髮緊要d定係個女緊要d呀. 因為我同佢地係住起同一個屋苑, 但唔同坐, 如果佢地真係有心既, 叫我幫佢帶返去都得喇, 明知我起奶奶度, 同埋我點會唔應允者. 小朋友燒起想黎可以好嚴重架麻, 佢知唔知呀. 最後佢地都係羅支藥水上奶奶度羅, 果陣都十點幾. 我奶奶擔心到咩甘. 同埋我諗如果佢帶左佢返既, 第二朝睇埋醫生先帶個女返去奶奶度都得者 (超級自私). 結果, 果晚妹妹起奶奶度"樓"到天光點五幾先訓. 第二朝佢個孝順仔一早走上去奶奶到帶個女睇醫生, 睇完返上黎"喂"完食藥就走. 到我放工帶個女走, 果陣都差唔多8點, 都仲未見人. 次次都要同埋個老婆返. 大老呀, 果個係妳屋企唔係妳老婆屋企呀, 駛唔駛等埋先上呀, 妳老婆平時都係個人自己上架喇. 唔駛問果晚當然都無帶個女返去喇.到星期五朝早, 我上我奶奶度, 佢同我講妹妹又係"樓"到天光先訓. 奶奶仲要加左句, 二嫂都同我講打下妹妹or罵下佢就得架喇. 我奶奶當然唔會甘做喇, 佢驚妹妹一喊嘈醒全家. (妳地成日講得甘容易, 又唔帶返落去 (極度自私). 我奶奶仲成日起我地面前申, 好心幫佢講, 又話令其他人難做(屎忽鬼, 羅黎賤). 其實好多時我都忍住唔出聲, 返屋企同我老公講, 但係佢屋企人真係好古怪. 講野唔可以直接要"苑"轉. 我成日問我老公, 妳細老係唔係要整死妳呀媽至安樂呀 ? 點解佢可以甘樣對自己呀媽 ? 我老公果句仲好笑 "唉~~ 我細老好難講既" 車~~ 有幾難者. 直接講羅. 奶奶而家keep住去醫院到check, 醫生問佢點解妳血壓高左甘多, 再高既妳就要入院架喇. 正確既答案係, 奶奶無食血壓藥, 佢話食左好眼訓, 睇唔切兩個b. 妳地會好奇怪我成日講very好人既細細老起邊, 點解無提過. 因為佢地屋企係唔鐘意講野羅 (只限於起屋企), 同埋以上既情況佢都起度, 除左我打妹妹果part, 因為ot未返. 其實有邊個可以做到一星期7日都返屋企丫. 除左ot. 有陣時, 佢好到有街都唔去, 除非佢真係好想去, 佢都會問呀媽攪唔攪得掂先去, 攪唔掂既就返屋企幫手. 妳諗下. 我地做父母既都未必可以做到佢甘喇. 佢只不過係兩個小b既叔叔黎咋, 唔係佢老豆呀.

私人傳訊

麟媽媽

王國長老

積分: 87761

好媽媽勳章王國長老

12^#

發表於 09-2-17 22:33 |只看該作者

你唔好比奶奶揍啦，
我朋友個兩個係親兄妹都一樣會互咬，
我都認同你老爺，有時避免不了，
所以快d 搵工人好過喇。

私人傳訊

giraheiyear

伯爵府

積分: 17011

13^#

發表於 09-2-17 22:52 |只看該作者

你99都好慘架la...
首先係都係唔好比個女99湊la....
好明顯係老爺係錫個細孫多d la...細個唔係籍口....依家就話用口, 到佢識"立"嘢去打你個女就慘la.....
個女係人哋....人哋都唔教唔好同人教女la...

私人傳訊

milliechow

複式洋房

積分: 384

14^#

發表於 09-2-17 23:09 |只看該作者

我諗你要轉工啦。
我似我咁，又係為咗多啲時間湊女，都轉咗份stable啲嘅工。咁你就可以定時定侯收工啦。

私人傳訊

kellyly

侯爵府

積分: 24623

好媽媽勳章畀面勳章

15^#

發表於 09-2-17 23:57 |只看該作者

咁一係搵d可托管既會夜d ka
我聽個親戚講有d都去到8點幾
好過而家咁
你2嫂就唔好理佢la,個女係佢既佢唔理你都唔好理la
佢地係諗住你個女都比99湊就順便有咩事你會幫手
自己呀媽都唔理你就唔好過問la
而家快d諗掂自己個女先.

私人傳訊

babygigi

大宅

積分: 1013

16^#

發表於 09-2-18 07:00 |只看該作者

自己稔辦法揾其他人湊女女啦﹐你奶奶又唔使湊兩個噤辛苦﹐你個女又唔會被人咬﹐你老公又唔會難做人﹐一舉三得呀..

私人傳訊

cwhtcybb

大宅

積分: 2500

17^#

發表於 09-2-18 10:55 |只看該作者

回覆 # 的文章

我都好想轉, 但係如果我轉既一定無而家既收入, 因為而家都係岩岩夠. 反正呀仔講一句好過我地講十句. 再睇下點先算. 我亦答應我老公, 我唔會再打妹妹, 亦唔會同人教女. 所以佢地都唔好話我衰 , 只係雇住自己個女.

私人傳訊

060905

男爵府

積分: 6052

18^#

發表於 09-2-19 13:49 |只看該作者

個個人都係自私, 包括我自己都係咁, 自己既仔女, 每個父母都會當係寶, 尤其做媽咪既, 呢個世界太多人不分是非黑白, 所以分開湊係一個好好既解決問題方法, 我因為姑9長期係6299到住, 6299間接幫佢湊對仔女, 佢對仔女非常頑皮, 佢地又唔教, 所以我有一開波就唔俾盈盈佢地湊, 雖然每逢星期六都會見到佢對仔女, 盈盈都會學埋佢地d衰野, 同埋成日俾佢地蝦(因為我個女最細), 但係始終唔係日日見住, 婆婆又幫手教下佢, 盈盈都唔算壞, 係百厭左d, 而且去親6299屋企, 我都會係盈盈隔離, 盈盈一壞可以即時糾正佢, 所以我好慶幸婆婆肯幫我湊盈盈, 唔係我實大把苦水。

只於搵工方面, 慢慢黎, 實有岩心水, 加油呀！

原帖由 cwhtcybb 於 09-2-18 10:55 發表
我都好想轉, 但係如果我轉既一定無而家既收入, 因為而家都係岩岩夠. 反正呀仔講一句好過我地講十句. 再睇下點先算. 我亦答應我老公, 我唔會再打妹妹, 亦唔會同人教女. 所以佢地都唔好話我衰 , 只係雇住自己個女. ...

私人傳訊

cwhtcybb

大宅

積分: 2500

19^#

發表於 09-2-19 16:43 |只看該作者

回覆 # 的文章

多謝妳呀 ~~ 盈盈媽咪

私人傳訊

CatEgg

大宅

積分: 4626

20^#

發表於 09-2-21 23:16 |只看該作者

依家最好的方法係交你個女比另一個人揍,兩個都係孫,老爺奶奶都好難做。比其他人揍,可能你同老爺奶奶的關係都唔會咁差。
如果唔可以比其他人揍,你地會唔會去了解妹妹點解會咬姐姐?除佐咬姐姐外,妹妹仲會唔會成日咬其他人?BB成日咬人反映佐佢有一定程度的唔開心,作為旁觀者,我覺得兩個BB都好慘,姐姐比妹妹咬,妹妹唔開心又無人理,無人教佢唔可以以咬人發洩。
希望你囡囡同妹妹可以一齊開開心心咁玩喇,playmates對小朋友好重要。