少年成長今日: 1|主題: 16024

收藏本版

發帖

返回列表

跳至頁

查看: 4323 | 回覆: 0

一齊玩 [複製鏈接]

csir3290

子爵府

積分: 12087

1^#

發表於 19-8-4 16:34 |只看該作者 |倒序瀏覽 |打印

我同對仔女都約定咗每一個長假期都會各自砌一盒模型，早幾日就同佢哋一齊去揀模型。揀嘅時候大家好多嘢傾，返到屋企大家一齊開始砌模型，阿仔阿女都好多問題問。其實都已經唔係第一次砌，但係佢哋都仲有好多地方唔明點做需要我幫手。佢哋砌完之後就到我自己砌，佢兩個又好留心咁坐喺我側邊睇住我砌，有陣時有啲步驟我就好似做示範咁教佢哋應該點做。其實砌模型唔係在於個成品切得靚唔靚，我最享受嘅就係過程入面大家一齊去揀模型。一齊切當中有好多唔同嘅話題有好多嘢講，大家好似一齊去完成一件事咁。

暑假期間阿仔阿女又會開始跟教練學打羽毛球。佢哋學緊嘅時候，咁我同老婆就會喺隔離book多個場我同老婆兩個自己打。每一次打完之後佢哋學完咁我哋就會一齊食飯，咁當中又會有好多關於羽毛球嘅嘢一齊傾一齊講。總之就有好多唔同嘅話題。

到而家為止我都唔擔心阿仔阿女會冇嘢同我講，因為我哋每一日都有好多唔同嘅話題，其實要同細路仔溝通，我哋就需要走入佢哋嘅生活入面。父母同仔都嘅溝通唔應該淨係只係關於學業書本或者係生活所需。要令到仔女主動同自己溝通首先父母就要肯走入佢哋嘅生活，肯了解佢哋嘅生活肯同佢哋一齊生活，同佢哋一齊去經歷。正如我講砌模型就好似大家一齊去完成一件事咁。唔係仔女願唔願意同我哋溝通而係我哋有冇自細開始走入去仔女嘅生活入面，同佢哋一齊去經歷。我相信父母同仔女嘅生活唔應該單單只係學業上面嘅嘢，其實應該仲有更多其他嘅生活。只要做父母嘅識得好好把握，仔女係唔會唔願意同父母溝通。父母只要放開自己嘅身段，唔好覺得自己高高在上，更唔好覺得仔女嘅生活無聊幼稚。其實喺生活入面我哋係好多嘢可以一齊傾一齊講，所以係唔會冇溝通嘅。