吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 點教小朋友?

自由講場今日: 413|主題: 1355434

收藏本版

發帖

返回列表

跳至頁

查看: 2558 | 回覆: 37

點教小朋友? [複製鏈接]

muimui2

大宅

積分: 4580

1^#

發表於 17-11-20 22:41 |只看該作者 |倒序瀏覽 |打印

亞女8歲，一向乖巧，當然都會有扭計時，不過由細到大都算講道理。最近開始野蠻左，小小嘢唔合心水就發脾氣，我哋多數說教，會惡，但從不打，講完一輪叫解決左，但過兩日又因小事發脾氣。

今日晏晝又係咁，同家人玩遊戲時有不如意，又發脾氣。放工返唻咁耐，我無啋過佢，佢又唔理我，咁就過左一晚，佢自己夠鐘就刷牙瞓覺。

明明諗住唔啋佢，俾啲教訓佢，但點知佢照瞓，一啲都唔覺自己錯。而家搞到成晚唔開心嗰個係自己，最憎啲嘢唔講清楚留過夜。估唔到呢個人仔咁硬頸，成晚見住我理個細佬唔理佢，佢都仲唔揾我傾下，堅持自己無錯。

聽朝叫左姐姐接送，講到明我唔送，佢依然唔覺有咩問題。

好鬼忟，激死!

0 0 0

私人傳訊

emma_kapo

大宅

積分: 4333

畀面勳章

2^#

發表於 17-11-21 00:35 |只看該作者

回覆樓主

點教我唔識....但我細個係呢類又硬頸又唔鐘意解釋既人黎所以可以交流下，我估其實唔係唔想「認錯」而係唔知點樣去打開呢個話題點樣講幾時講呢？再加上開始長大個人有羞恥感更唔想再講再提呢件事....你話發脾氣唔岩其實你成晚無聲抗議唔彩佢淨係理細佬咁樣咪一樣又係發緊脾氣仲話聽日唔送番學個感覺就係「你唔乖我就唔理你」.....其實處理左氣氛先緩和左再坐底講幾句咪大家都無野囉.....聽日早d起身陪亞女食個早餐送番學兩個獨處下講下
心事啦.....唔止大人需要獨處其實細路都好需要獨享媽咪既～

私人傳訊

菇芝bebi

伯爵府

積分: 16212

3^#

發表於 17-11-21 01:13 |只看該作者

回覆樓主

我女都會係咁，有時佢知道自己衰左都唔會主動道歉，但是我會在佢準備訓覺時入去問佢剛才發生的事，問佢想點解决，因為已經過左一段時間，大家都能夠心平氣和，先聽晒佢講先，然後再講我立場，經過交流會有結論的

傾完會了解她行為出發點的同時，她亦會消化媽媽的立場，因為我女係唔會駁咀的，竟然有2次係我誤會左佢

傾完都覺得自己的原則幾野蠻，但大家都有覺好訓，仲會有goodnight

私人傳訊

firebear

大宅

積分: 1321

4^#

發表於 17-11-21 07:01 |只看該作者

muimui2 發表於 17-11-20 22:41
亞女8歲，一向乖巧，當然都會有扭計時，不過由細到大都算講道理。最近開始野蠻左，小小嘢唔合心水就發脾氣 ...

就咁睇我覺得你仲硬頸過你個女

私人傳訊

JoanC

水晶宮

積分: 50590

5^#

發表於 17-11-21 07:18 |只看該作者

回覆樓主:

你覺得係佢錯，小事唔如意發脾氣。咁你有無了解過咩咩事令佢變野蠻？你覺得嘅小事，對佢嚟講又係咁小事呢？

如你所講，你稱自己係講道理嘅父母，又唔鍾意有問題唔講清楚過夜，咁請問你自己依家做緊乜嘢呢？特登只理細佬唔理佢，迫佢向你低頭？佢係硬頸定係有骨氣？你係講道理，定係有強權？

眼只見到別人發脾氣，又無望下自己係咪都發緊脾氣呢？如果你所謂嘅『講道理』，只係話你唔應該發脾氣，唔應該咁做，唔應該咁態度，咁其實不是講道理，只係講規舉。

我都唔識教人，反思可能有幫助。

私人傳訊

laing0722

男爵府

積分: 7524

畀面勳章

6^#

發表於 17-11-21 07:38 |只看該作者

回覆樓主:

任何問題都唔應該留待明天。8歲小朋友有好清淅既諗法。我女而家都係得9歲之前都係好似你女女咁。
小朋友8歲如有少少早熟心理上同身理上開始有轉變。情緒上未太識得控制。我女女講過有時唔知點解會好炆。明知係好少事。但係就係控制唔到。

呢個算係我眼中算小反叛期。作為媽媽要好好引導。停一停。問下小朋友既諗法。將問題帶去第二日。只會惡化。然後你既態度同反應只會將你同女女越拉越遠。

私人傳訊

Suncloud

大宅

積分: 2286

7^#

發表於 17-11-21 07:48 |只看該作者

firebear 發表於 17-11-21 07:01
就咁睇我覺得你仲硬頸過你個女

係。你係迫佢就範，根本就不是講道理

私人傳訊

IloveJJ

禁止訪問

積分: 61348

8^#

發表於 17-11-21 08:01 |只看該作者

提示: 作者被禁止或刪除內容自動屏蔽

私人傳訊

1998Ruby1998

子爵府

積分: 13446

親子王國15週年勳章

9^#

發表於 17-11-21 08:15 |只看該作者

我以前都係咁，仲會同阿媽僵持一星期甚至以上，阿媽嬲到唔煮飯畀我食唔洗我衫唔理我，我都唔肯認錯。

呢類硬碰硬，係小朋友眼中，父母更加蠻不講理、亂發脾氣，就唔會認錯，訓得理直氣壯，得你係度自己囉囉攣。如果唔送我返學，我會講「唔送就唔送，唔稀罕。」

（此人乃反面教材，若有雷同，實屬不幸）

如果係我，我會受早上起身，食早餐果陣，阿媽同我講發脾氣唔好，身邊人唔好受，希望我能夠道歉，攬一攬。咁樣我會即刻 gur 曬，道歉和好如初。

有時候阿媽都會火遮眼、不自覺地雙重標準、睇件事唔透切。有好幾次同阿媽講，發現原來阿媽理解同我完全唔同，難怪佢嬲而我又唔覺得自己錯。

其實發脾氣好常見，大人小朋友都會，而且未必次次有因，有時候係自己突然控制唔到情緒／壓力。有 d 野，大人以為好少事，但係細路眼中係大事。

8 歲就咁囉囉攣，點捱埋中學？中學就更大壓力同唔夠訓，經常不自控地發脾氣、駁嘴、唔聽教。

私人傳訊

薯圈

珍珠宮

積分: 42236

10^#

發表於 17-11-21 08:20 |只看該作者

muimui2 發表於 17-11-20 22:41
亞女8歲，一向乖巧，當然都會有扭計時，不過由細到大都算講道理。最近開始野蠻左，小小嘢唔合心水就發脾氣 ...

其實今晚大家都發緊脾氣，你囡個性可以成晚忍住唔傾，樓主你就要快快解決。唔係你囡硬頸，只係你地個性不同。

女人通常都好心急，嘜都要立即搞。相反我覺得你囡EQ較高，可以忍住度氣。有時有d事真係唔需要立即解決，反而冷靜落來，什或唔需要特別解決。

似乎唔係任何人有問題，只係性格唔同啫

私人傳訊

廷廷媽

水晶宮

積分: 70912

2025勳章 2025勳章蛇年勳章 2024年龍年勳章牛年勳章開心吸收勳章 hashtag影視迷勳章大廚勳章

11^#

發表於 17-11-21 08:22 |只看該作者

回覆樓主

到青春期你仲大鑊，我地覺得佢唔啱，佢地覺得有咩問題，有問題反而係你，你講道理佢嫌你煩叫你收聲，我而家冇計，見日過日，費事同佢講，慳返啖氣暖肚

私人傳訊

lingfu

子爵府

積分: 10972

2018父親節勳章開心吸收勳章

12^#

發表於 17-11-21 08:23 |只看該作者

就行動上來講
似用強權逼人跟你既道理多啲喎

我要我盛放心中快要熄滅的花火
我要我救活命中快要逝去的英勇

私人傳訊

tester5

翡翠宮

積分: 81390

2018復活節勳章開心吸收勳章親子王國15週年勳章

13^#

發表於 17-11-21 08:25 |只看該作者

本帖最後由 tester5 於 17-11-21 08:25 編輯

muimui2 發表於 17-11-20 22:41
亞女8歲，一向乖巧，當然都會有扭計時，不過由細到大都算講道理。最近開始野蠻左，小小嘢唔合心水就發脾氣 ...

你女女都放低左，你都學識放低吧。

太小事，我唸佢知道錯的了。

一句道歉並不重要，重要是留意佢的行為有冇改善？
冇改就再教，有改就別提了。

私人傳訊

spikenard

水晶宮

積分: 73780

14^#

發表於 17-11-21 08:27 |只看該作者

回覆樓主:

會唔會你對細老的態度和佢的態度比佢覺得你偏心，處事唔公平?

私人傳訊

muimui2

大宅

積分: 4580

15^#

發表於 17-11-21 08:30 |只看該作者

回覆樓主:

多謝各位意見，當然唔係佢每次發脾氣我都用呢招啦。其實呢兩日佢已經連續發過幾次脾氣，觸發點可能係你應承左幫佢拎本書，佢要你即刻拎，但佢明明見到你仲食緊個包，你話食完幫佢拎，佢都發脾氣喎。

平時我哋都係冷靜一陣再解決，但呢兩日連續係咁，我就諗係咪應該俾啲懲罰佢呢？次次話明話改，轉頭又發脾氣，咁係咪真係改過呢？

我知小朋友實有扭計時候，但扭得咁密，真係吃不消。