大仔大女媽媽會 今日: 0 | 主題: 177860

積分: 6171

大廚勳章

1^#

發表於 09-2-6 23:41 |只看該作者 |倒序瀏覽 |打印

阿仔3號去健康院打針, 去到姑娘磅完重, 就問下阿仔既情況, 之後就開始佢個"TEST":

1. 俾個公仔BB你, 叫阿仔餵BB飲奶. 我心諗, 又黎依招, 係咪唔識餵奶, 阿仔就有問題? 阿仔雖然做到, 但我都覺得呢個test好低能, 唔知佢想test咩.

2. 畳高積木, 係屋企同佢玩過下, 姑娘教左佢一次, 佢就畳到.

3. 姑娘問: BB知唔知眼耳口鼻係邊, 識唔識得指, 我話, 佢識眼耳口鼻, 但我無叫過佢指. 姑娘話, 咁佢指唔指到出黎, 咁即時拿返過公仔BB出黎, 問佢手係邊, 阿仔摸下BB手, 問佢腳呢? 佢等左一陣, 摸下腳, 眼呢? 停左唔想玩, 鼻呢? 阿仔想落地. 我話其實佢知度係咩. 但姑娘話, 都唔知佢係咪真係知. 呢方面佢差D. 我即刻忍唔住, 話健康院成日做埋D咁既"test", 都唔知個B既情況, 就話人唔得, 如果你真係要寫report咪自己寫夠佢囉. 我大仔時都話佢唔得, 又咪好正常咁成長.

4. BB講唔講到10個字? 我話講到好多野, 佢話, 自己講定跟人口水尾? 我話2樣都有, 佢又話跟人口水尾唔得, 佢有無指住野講. 我都話佢識講囉. 又唔信. 之後就要數夠10個字俾佢: 爸爸, 媽媽, 哥哥, 姐姐, 香蕉, 餅, 面包, 橙, apple... 我仔仲會話俾我知佢疴C (次次都係疴左至話我知)... 因為健康院要做record!

5. 問完, 而我又講完對佢地既test既不滿, 姑娘話4歲至返去做發展評估.

6. 打針, 取葯, 走人!

我係另一個post見到有媽咪又話健康院話佢個B唔pass, 我心諗, 佢D所謂test, 只係俾多D擔心俾家人, 一D都唔係幫人去改善. 咁得又如何, 唔得又如何? 2歲返黎又如何? 又唔係俾咩建議改善, 咁即係點呢? 大仔1.5歲時講唔夠10個字, 要2歲返去, 但我無返, 因為佢一返左學就好鬼死多野講. 返去都浪費我時間, 浪費政府資源.

未去健康院既BB, 家人有心理準備, 因為BB要做"test"!

0 0 0

私人傳訊

A.C.C.

積分: 3786

2^#

發表於 09-2-7 11:16 |只看該作者

我個囡上次(1yrs)去, 個姑娘叫囡囡扮聽電話, 囡囡佢就一手拆爛咗部用來test嘅玩具電話 (因為佢玩開我部V仔, 以為部部電話要打開個蓋先聽得)

之後, 個衰妹又唔肯玩積木, 剩係掛住搞裝積木嘅膠樽 (佢當時啱啱識扭開樽蓋, 所以一見到膠樽就雙眼發光), 最後仲將電腦枱上個電制拆埋......由頭到尾都唔多啋個姑娘, 搞到個姑娘臉都燶晒, 測驗成績當然唔合格......

同一星期我去私家再CHECK, 囡囡好明顯重色輕友, 靚仔醫生叔叔講乜都好配合, 測驗成績就變成"正常"

我諗, 小朋友就係咁, 佢地又唔係機器人, 無可能時時都咁合作, 做TEST時, 心情好時咪100分, 心情唔好時, 鬼啋你呢個三唔識七嘅姨姨

私人傳訊

積分: 7039

好媽媽勳章畀面勳章

3^#

發表於 09-2-7 20:26 |只看該作者

你係咪喺東涌睇呀？
我上次第一次同兩個女登記時d姑娘又係好唔掂！
嗰時靖翹啱啱一歲，識行無耐
佢跌d姑娘話我做咩唔扶佢起身
我話咁佢地先會學識自己起身，愈跌愈大
個姑娘話我咁樣做唔啱＄﹪↑﹠＊（＊
我躁到呢＠＃＄﹪↑﹠＊（）
頂！個女係我嗰，佢跌到又無喊，佢自己唔識起身咩
我弓個睇兩個，下下佢地跌親撞親我都仆到埋去我咪好唔得閒！
香港d小朋友成日一跌就喊，仲唔係呢d咁嘅姑娘攪到d亞媽神經緊張，攪到個細嘅都嚇親喊

呢d咁嘅姑娘真係負能量發電站！
erica，
你咪鬼理佢啫！唔好為d咁嘅小人攪到自己唔開心！！！

私人傳訊

shiraz

積分: 2654

4^#

發表於 09-2-8 12:17 |只看該作者

嘩! 你個女好

但我自己就覺得好睇果間健康院忙唔忙, 之前我住葵芳, 果間健康院水靜河飛, 只係有個別姑娘比較差(冇愛心). 但做政府工係咁上下(我老公都係), 做又36, 唔做又36!

test result係唔ok又點, 佢又唔會同你日日睇住個b! 只要做bb健康, 唔會完全唔采人, 我覺得ok啦! 最怕佢有自閉症, 我見過有個媽咪帶住2個小朋友都有自閉症, 真係好辛苦...

原帖由 A.C.C. 於 09-2-7 11:16 發表
我個囡上次(1yrs)去, 個姑娘叫囡囡扮聽電話, 囡囡佢就一手拆爛咗部用來test嘅玩具電話 (因為佢玩開我部V仔, 以為部部電話要打開個蓋先聽得)

之後, 個衰妹又唔肯玩積木, 剩係掛住搞裝積木嘅膠樽 (佢當時啱啱識扭開樽 ...

私人傳訊

linglingng

別墅

積分: 844

5^#

發表於 09-2-9 12:54 |只看該作者

我在藍田健康院未有咁. 但佢本部寫左2月6日返去. 點知果日返去,佢話我係約左2月10日.當日係冇test 做要10號再去.果日4人(老公,99, 我&BB)白行一湯.

私人傳訊

ccsbaby

積分: 1490

6^#

發表於 09-2-19 15:10 |只看該作者

唉吔,我都覺得健康院好求奇,我仔都係係東涌健康院檢查咖.啱啱做完歲半test,只係俾幾舊積木佢疊下同問下我地佢識講咩字,一定要數出來喎,等我同阿媽好努力咁去記.跟住又問下我地關於我仔平時既表現,咁就話pass啦.

mouth:

私人傳訊

jcsk

禁止訪問

積分: 1566

7^#

發表於 09-2-19 15:45 |只看該作者

提示: 作者被禁止或刪除內容自動屏蔽

私人傳訊

SEricsson

積分: 6171

大廚勳章

8^#

發表於 09-2-20 14:37 |只看該作者

1.5歲要打針喎... 但係佢話後果自負就奇怪D... 咁唔記得左book 又有幾出奇喎... 好似講到咁嚴重咁??!!

原帖由 jcsk 於 09-2-19 15:45 發表
我啱啱先book, 要3月尾先有位, 都冇所謂啦, 其實我都唔係好想去, 因為覺得去健康院都冇咩用, 佢哋好求其, 有時仲要俾姑娘閙,今次我約見, 因為遲了一個月, 佢仲話後果自付, 我問佢有咩後果呀? 我又唔係要打針! ...

私人傳訊

積分: 7039

好媽媽勳章畀面勳章

9^#

發表於 09-2-20 20:31 |只看該作者

原帖由 SEricsson 於 09-2-20 14:37 發表
1.5歲要打針喎... 但係佢話後果自負就奇怪D... 咁唔記得左book 又有幾出奇喎... 好似講到咁嚴重咁??!!

我兩個女８月時先打乙型肝炎針第一針，所以約咗三月先打第三針
我都無book打歲半針喎
我諗佢會到時幫我個女打埋掛...
希望我唔會畀人話"後果自負"啦！

私人傳訊

tungtsz

積分: 2183

好媽媽勳章

10^#

發表於 09-2-21 00:13 |只看該作者

我約左23/2返健康院幫仔仔做歲半檢查...我都預左會比姑娘話我...

私人傳訊

carrie3825

別墅

積分: 812

11^#

發表於 09-2-26 00:45 |只看該作者

我和Daddy今天帶BB汳健康院做歲半儉查
和打四合一針, 初時諗緊要否延遲, 怕佢累和發脾氣(因只好返8-9成), 驚佢唔合作做反應和測試, 如failed2歲要再返健康院作評估, 初時Natalie都唔肯照姑娘說話做的, (e.g.將三舊積木棟企, 姑娘會示範一次), 但BB襯姑娘問我問題時便可砌出了, 然後到幫公仔梳頭髮, 姑娘做完叫佢做, 佢又梳仲梳咗幾次, 唯一是姑娘放架玩具車係門口, 叫BB執比我, 我己經話佢做唔到了, 因其他test我是抱着她的, 這個test要我放佢落地實唔like, 因病總愛黏住我, 如平時就得, 不過姑娘只是想看佢是否行得穩, 佢有行幾步所以便算, 砌積木時姑娘問BB識講甚麼, 我便數, 媽咪, Daddy, 姐姐, 哥哥, 婆婆, 姨姨, 公公, 奶奶, Ball Ball, Bear Bear, Mum Mum,包包, 抱, 有, 冇, 好, 摸,攬,比, 車車, 貓, 狗等等又是否識分眼, 耳, 口, 鼻. 我話佢識指連頭, 腳, 手都識, 又問佢識唔識彎腰執物件, 我話佢執時一隻手要扶着櫃邊才彎腰執, 姑娘話佢應該要識但現在BB做不到, 所以要2歲再返嚟驚佢大腿組織唔夠力,我心諗唔係呀, 但不到10分鍾後又召回我們入房話BB扶着物件執歲半屬
正常, 所以下次再到健康院時是4歲, 我唔係怕煩2歲即半年後再去, (還掂Daddy揸車), 做人呀媽話自己仔女(唔掂)實不太高興的, 最後當然是合格, 仲話有過於其他歲半BB的水平.很叻, 我和Daddy聽到後不知幾開心.

私人傳訊

積分: 7039

好媽媽勳章畀面勳章

12^#

發表於 09-2-26 01:20 |只看該作者

下個星期３月３就到我個女啦
都唔知佢會有咩表現
我都唔會咁擔心嘅
不過都想佢表現好d~

私人傳訊

cheukyu822

複式洋房

積分: 381

13^#

發表於 09-2-26 08:57 |只看該作者

b女上星期六到私家兒科打歲半針，佢真係好strong，e生引佢睇魚魚，咁就打咗，一粒聲都無叫過，至今亦沒有發燒或其他問題...勁

下月14日先去健康院檢查，到時update你地呀

私人傳訊

姬原巧合B

別墅

積分: 790

14^#

發表於 09-2-26 12:47 |只看該作者

我個仔早幾日返左啦, 個姑娘都係比左3塊木頭叫佢疊高佢, 咁我個仔初時無乜理佢, 但個姑娘同我地講野個陣佢就己經做左囉, 跟住問佢識唔識眼耳口鼻, 跟住我地就問, 仔仔, 爸爸個鼻鼻呢, 咁住我個仔就摸住爸爸個鼻鼻啦, 但個姑娘話唔係摸人地果個, 係要摸佢自己果個喎, 我都唔明, 佢識摸人地果個都得即, 之後問佢識講咩, 我就話佢識講我要同唔制, 但個姑娘唔係好信, 係咁問我個仔咩時候會講, 跟住我就話, 佢想要食某樣野或者要玩具個陣就會講我要囉, 而唔制佢就會係唔鐘意既時候講囉, 但佢好似都係唔係好信, 話佢講單字講得少, 理解能力同表達能力差, 要佢2歲再返去, 不過我個仔講野真係唔得......

媽媽都未識叫, 爸爸都未係好明, 一有野食就係爸爸...........

http://b1.lilypie.com/zOBSp8.png

私人傳訊

tungtsz

積分: 2183

好媽媽勳章

15^#

發表於 09-2-26 18:17 |只看該作者

我仔仔都返左健康院做歲半檢查...大致上無大問題...只係講說話比較少...2歲再返去做檢查...

仔仔1-4項無問題...係第5項講單字唔夠多...

1.疊高3塊小積木
2.mau低起身
3.指示自己頭,眼耳口鼻
4.可否自己用手表達要求
5.講最少5個單字

私人傳訊

MamaQueen

積分: 4016

16^#

發表於 09-3-3 09:38 |只看該作者

我個仔上星期去了打針, 之後果日有d燒.
姑娘都係叫我個仔砌積木, 餵公仔食嘢 (但我個仔唔餵個公仔, 反而"筆"俾姑娘食), 講下嘢...
沒有什麼特別, 叫我地4歲再返去.
我個仔當日扭眼瞓, 比姑娘見到佢"mit"我塊面, 姑娘話唔可以比佢咁做, 要教佢.
我對個仔d發展, 講說話之類的東西我唔擔心, 我想擔心佢d脾氣, 愈來愈大少爺.

私人傳訊