Re: 產後情緒唔好
Youngmum,
我回想起剛生完bb, 本來真係好開心, 但回到家坐月後, 就唔同晒, 先係奶奶玩野, 答應幫我坐月同照顧bb, 但佢咁大個人竟可以言而無信,本來佢話會每日來我家揍bb, 我就去返工, 點知生完先反口話唔得, 仲話要帶走我bb去佢屋企, 叫我有時間咪黎望下o羅!!!當時係好唔開心, 老公又搵唔多, 都唔知要點做, 更加無能力請陪月~~我坐月真係坐得唔好, 手指因要洗奶瓶而浸過水, 所以患了關節炎(都係件八婆害既)。姜飯想食都係叫樓下茶餐廳幫我弄。其他保品係我自己煲, 但我地無咩錢, 所以食既都係好簡單, 連雞湯都無得飲....
自此, 我的身體開始好差, 仲發現乳房有一個瘤,好彩係良性既, 又要賣些嫁妝先有手術費(保險公司竟然話無得賠), bb又要搵賓妹揍, 又係錢.....
最後我更得了產後抑鬱症, 因做完手術後比公司裁了出來....我好苦~每日都想死, 但又唔捨得個仔。
但個衰奶奶帶唔走我個仔(我拼死要個仔留係我身邊), 就日日來我家罵我白食白住, 唔做野等食飯,真係正常人都會有抑鬱症啦, 佢每次來就會罵我, 又要我即炒工人, 比番個孫佢, 唔準租屋住, 個仔同孫搬番去同佢住(我無得住), 我就自己諗辨法...佢一直係想要仔唔要我, 我的家人都唔知我咁慘, 後來我媽知道都話佢正人渣!
好彩我老公收到醫生打電話黎叫我去醫院見心理醫生, 又知道佢老母做過d咩, 跟住立刻搬屋避佢亞媽.....好彩我既病亦慢慢好轉。
所以, 無咩事解決唔到, 一定要面對, 同埋積極找尋解決既辦法, 同埋一定要同朋友和老公好好商量, 我朋友有來我家罵我奶奶 tim, 我回想起都好感謝佢。
所有遇見，皆有因果
要是每個人都懂你，那你得有多平凡
發表於 
返回列表
