吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 求同路人分享小產後心理建設

懷孕前後今日: 6|主題: 330618

收藏本版

發帖

返回列表

跳至頁

查看: 13125 | 回覆: 27

求同路人分享小產後心理建設 [複製鏈接]

fattyduck

大宅

積分: 1101

1^#

發表於 17-9-16 22:01 |只看該作者 |倒序瀏覽 |打印

短時間內小產兩次。
最怕見到大肚婆，點解覆診要同一房都係大肚婆一齊等？

想飲咖啡，
飲囉，你都唔洗戒口。

想食辣野，
食囉，都唔會有人介意。

做機做facial囉，都唔會影響D乜。

已經3個星期，點解做乜都會關連上懷孕？仲係有心痛的感覺？
我本身是個理性樂觀的人，上次流產也好快重整到自己，現在支離破碎的我幾時會好番？

0 0 0

私人傳訊

karytse90121

大宅

積分: 2280

2^#

發表於 17-9-16 22:11 |只看該作者

我明你,雖然我只係啱啱小產過1次(._.)

初時我每日同自己講:加油,當黎左一次m,養返好身體再黎過囉。
但我基本上每日情緒都大起大落,會自己一個喊,好怕聽到人有bb..
直到有一次同老公講:我好似有憂鬱症.,點算？？

但我有次同一個陌生人傾計,佢叮醒左我,
每次小產都係身體排出唔靚嘅胚胎,養返好個子宮,加埋有心理準備先再懷孕.
佢仲有句野: 每日起身見到老公已經最大幸福！

雖然唔知點安慰你先對你最好,
但真心建議養返好子宮至少半年再有bb
其實我依家都好怕架,突然小產後流左2個星期m,好怕有事,
但我選擇放鬆心情去面對

有咩事都可以pm我傾

私人傳訊

fattyduck

大宅

積分: 1101

3^#

發表於 17-9-16 22:21 |只看該作者

回覆 karytse90121 的帖子

多謝你。我明白出來的是不健康的BB。我曾告訴自己下次不會那麼黑仔。

再験到時信心滿滿，無諗過黑氣未過。天堂去地獄。

驚，可能驚永遠不會有健康的BB。
放棄嗎？又心有不甘。

點樣可以平常心？心有多強才可以順境逆境都平常心看待？

私人傳訊

terrenandtania

大宅

積分: 1593

4^#

發表於 17-9-17 00:13 |只看該作者

我上年分別5月及12月流產，都係好早期的，同埋自己已專登調理過身體隔半年先再試，同你一樣第一次覺得可接受，諗住唔好彩姐，但第二次就好灰，不過因第一次要藥流過程痛苦，第二次係自己排出反而冇乜痛
而家又有咗10w了，我請咗成個月假在家安胎，但一樣流啡作小產，我每日都好擔心㗎有陰影，但我仍然希望今次可以成功！你都要努力啊！

私人傳訊

Jamy413

大宅

積分: 3617

5^#

發表於 17-9-17 13:38 |只看該作者

好明白你感受，我都試過兩次小產，第一次知道後一直都流啡，到13 wk有一朝突然流血，去急症，住院幾日最後都係保唔住，果晚我完全瞓唔着，眼淚不自覺咁流出嚟，我亦永遠唔會忘記見BB最後一面的畫面。

半年後，BB再返嚟，今次so far冇乜特別事，諗住應該會順利，到將近16 wk，有一朝突然見啡，已經即刻全日瞓床休息，但到夜晚突然穿水，又即刻去急症，入院時BB仲有心跳，但捱咗兩日，BB最終都係走咗。當時真係忍唔住問點解，點解又再發生o係我身上，但諗清楚，其實可以做o既都做咗，可能真係時機未到。

又半年後，BB再來臨，的確今次心理壓力更大，唔想再有之前的情況，總算捱到20 wk照結構，BB一切正常，但又突然發現子宮頸偏短，瞓床休息一個月都未見改善，終於要做手術紮住子宮頸先保住BB，最終我o既囡囡喺4月尾順利足月出世了。

之前兩次的經歷的確會好唔開心，但我覺得唔係冇意義的，至少我同老公都會更珍惜、更堅定咁去迎接新生命，呢兩次磨鍊亦令我成為更堅強的媽媽，我都冇諗過自己可以克服咁多困難去帶一個新生命嚟呢個世界。

要記住，唔開心係會有的，但俾自己一個期限吧，之後就要放低憂傷，再振作，重拾勇氣向前走，天上的BB們唔會想媽媽一直唔開心，你亦要知道必須要有信心再嘗試，先會有機會成功的。

祝福你！

私人傳訊

KKEDU

大宅

積分: 3426

瞓得好勳章

6^#

發表於 17-9-17 22:30 |只看該作者

我2年幾前都小過一次，結婚等左2年先有，點知6週都係唔生長要藥流唔得，再刮宮，去年8月成功再有，停薪留職到12週，感謝天父保守，阿仔順利今年3月出世，現在5個月了，我想講：我由不育到小左，再到生得出，經歷左5年，第一個bb，我都今日仍然會掛住佢，想念佢，盡然弟弟3月出左世，我心仍會把它當大仔/女看待，我又覺得係感情，放低唔到,（唔係病態個隻）咪放低唔到，無需刻意隱瞞/逼自己去放，曾經佢都係我家庭一份子，只係出唔到世者，明白需要時間去處理，要哭要駡，即管去，當年小左，我都問候上帝全家架（話我衰都咁話）不過問候完，自己靜左，又明白到要我經歷一定有佢心意，想我學咩？我有咩做得未夠，我相信每位未來媽媽，都一定會有自己孩子，我仔都係祈禱求返來，祝福大家

私人傳訊

fattyduck

大宅

積分: 1101

7^#

發表於 17-9-17 22:50 |只看該作者

呢個谷真係有同路人，聽到你地容許我不振作、灰，真係舒服D。起碼唔係醫生講哥D冇感情的話，老公又唔會明我地身體上中冇到有又去番冇的變化。

你地係咪鼓起勇氣先敢再試？定自然有？

私人傳訊

bosch

瑪瑙宮

積分: 128545

馬年勳章 2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

8^#

發表於 17-9-18 01:11 |只看該作者

回覆樓主:

我覺得自己算平常心，因為我一向都知小產唔係一定有原因。小產時繼續湊仔，生活如常，朋友問起我初初會眼濕濕，講多兩次又冇乜野，有時質疑自己係咪有問題。我小產後兩個月再試，而家二仔都七歲啦。

當年偶爾同家人講，原來我阿嫂小產過兩次至有bb，佢地講到好輕鬆，當然當時佢地幾傷心我唔知。果一刻我覺得自己唔駛睇到小產係大件事，有好多同路人。

我覺得自己要放鬆d，唔好迫自己去平常心或要傷心。你ready 的話自然會去計劃再生bb。

私人傳訊

Jess00寶寶

別墅

積分: 995

9^#

發表於 17-9-18 11:31 |只看該作者

我上年分別6月及10月早期自然流產（之後睇中醫就固然重要但係調理身體唔一定淨係女人男人都要，因為如果精子唔夠強壯個胚胎喺子宮裏面發育唔成功都有可能係流產嘅原因要小心注意）。而家千祈唔好心急慢慢食中藥做運動操到自己&老公身體最fit先過幾個月後再試過我依家自己都已經有咗三個半月喇。

嗰陣時我覺得講乜嘢其他人都唔會明白，根本唔會知道有幾痛個心有幾傷。不過之後我有每個月去見臨床心理學家、我覺得其實同一個唔相識嘅人講晒自己唔開心事發洩喊晒出嚟每次我見完都覺得好舒服。其實跟住慢慢就會習慣返平常生活（因為所有嘅傷痛都要時間去忘記、但我覺得最重同人傾計將自己嘅負面情緒發洩左出嚟）。

私人傳訊

hkhkl

大宅

積分: 1341

10^#

發表於 17-9-18 15:31 |只看該作者

回覆樓主:

我自己早前都小產左，2年先有左，本身好開心甘迎接，但最後冇左心跳，同自己講養好身子，繼續努力，一定可以有一個健健康康既BB，依家我公司重有2個大肚婆，早前重接到媽媽會電話，提我重有4個月就生，唉～大家一齊加油
我覺得有老公在身邊好足夠了

私人傳訊

扎根

民房

積分: 8

11^#

發表於 17-9-18 23:26 |只看該作者

fattyduck 發表於 17-9-16 22:01
短時間內小產兩次。
最怕見到大肚婆，點解覆診要同一房都係大肚婆一齊等？

我都啱啱小產第二次，今次第二次小產所面對的壓力比第一次大，特別係身邊嘅人唔明白呢啲野有時係我哋控制唔到，今次我冇流血流啡冇肚痛仲有齊害喜嘅症狀，以為順順利利點知九週時發覺佢原來已經係6週停左長大，本身我係有失望但其實我都同自己講要平常心面對...
點知今次我身邊唔知點解多咗好多人走黎責備我咁，成日話我今次又小產一定係我唔夠健康啦唔戒口啦冇準備好啦！我想講我第二次bingo我比任何一個人都緊張（本身我都努力左一年先成功），呢兩個月我日日戒口日日早睡早起亦都冇病過，點解啲人要將全部嘅責任怪落我度？搞到我成日情緒都好波動...自問已經盡咗力留住佢，最後佢要走我可以點？！
小產後真係好怕啲三姑六婆係咁俾說話我聽，好在我老公好明白我，成日安慰我，唔係我真係俾人迫到癲！
無論第時有冇小朋友都好，我都覺得有個好老公係身邊已經係我一生中最幸福嘅事！

P.s. 當然我會繼續睇中醫調理身體！樓主共勉之一齊努力啊！

私人傳訊

kusanoaya

別墅

積分: 666

12^#

發表於 17-9-19 03:09 |只看該作者

回覆樓主

我前年8月小產左，個陣得7週幾算早期，初初流啡，跟住去急症照到有心跳就瞓床，諗住會冇事，點知之後流血就自然排左，個陣時身邊有親戚係同我同期有左，到佢地生左我都唔敢去睇佢地個bb,小產初期真係成日會唔敢聽到人地講bb或見到啲大肚婆，同埋自己成日怪自己，又成日喊，真係一諗起就喊，個段時間係網上睇左好多關於小產既人既分享後自己慢慢無咁成日喊，過左一年即係上年我又有左，bb都順利係今年四月出世，係一個健康快樂既仔仔，所以你都要相信自己，小產後都要坐小月，好好調理身體，比一間健康又温暖的房子比bb住，到時bb一定會返黎你身邊的，每個小產都係獨立case,千祈唔好怪責自己，我好記得以前扒文有個媽媽話'關關難過關關過' 小產過後都可以有個健康既bb,我得你都得，加油！

私人傳訊

ksviola

侯爵府

積分: 21251

母親節2025勳章 2025勳章蛇年勳章虎到金來勳章畀面勳章

13^#

發表於 17-9-24 02:10 |只看該作者

回覆樓主：

本帖最後由 ksviola 於 17-9-24 02:21 編輯

我都試過
人地開開心心產檢
我呢啲坐喺度都眼淚流
我仲喊到收唔到聲
我嗰時仲諗，唔怪之得以屰有新聞係女人用刀傷害大肚婆

之後睇咗本書，本書有一段話，小天使佢哋今次來的目的係想話俾我哋聽一啲野，可能係你身體上嘅一啲問題你係冇發現到，今次小天使嚟既目的，就係想你由呢次機會而發現，等你好好調理或者去醫好佢，然後迎接第二個小天使，我嗰次小產之後，就去睇中醫調理身體，就發現自己原來是身體不是自己想像中健壯，亦提醒可能是老公也需要處理，這些事不一定是女的問題
（我一直以為自己好健康所以沒有調理身體便去懷孕）其實如果我第一次就算沒有小產，出來的效果亦可能不會好

就係咁我諗通左，好好調理，第二次中咗，所有飲食行為亦都好謹慎

所以可能你第一個小天使想你知道一些東西,第二個小天使都想你發現另一樣東西,你自己或者試試看醫生做一個詳細d檢查，看看有沒有發現

兩個小天使都是愛你的，一直在你身邊的，但他們选擇了這個方式，把最好的留給弟/妹

我現在都一直很感激第一個小天使

私人傳訊

kktsang80

別墅

積分: 668

14^#

發表於 17-9-27 10:43 |只看該作者

ksviola 發表於 17-9-24 02:10
我都試過
人地開開心心產檢
我呢啲坐喺度都眼淚流

好多謝你呢個說法，令我好感動。
4年前第一次懷孕早期x產左，用左一年時間先諗得通，諗通無耐就有左仔仔（家下都歲幾兩歲喇）。
而宜家可能面臨第二次既x產，心情雖然無第一次咁傷心，但都好唔明點解又係咁，又開始懷疑係咪自己做錯左d咩。
但睇完你既message, 我諗通左多d，原來小天使係想黎提醒媽媽一d野，不過我地聽唔到佢講野，佢無辦法下先用呢個方式黎提我，好頑皮既小天使啊

我想多謝天使們，媽媽會用心感受你地想帶黎既信息，一定會好好操fit自己同間BB屋，等弟弟/妹妹有間靚house健健康康咁長大

私人傳訊

KulookFung

男爵府

積分: 8216

15^#

發表於 17-9-27 14:21 |只看該作者

回覆樓主:

樓主加油！我失去三次，一次比一次甘，身心俱疲。但我囝囝出世了，依家四個半月大。對上一次我甚至見到17週大的囡囡，要講byebye(唔敢掂唔敢抱，怕有多一個觸感永遠記住)，兩年後嘅今日我仲好掛住佢。當初姑娘開解我，唔她迫自己「放低」或「忘記」，接受呢個經歷成為人生的一部份。想起可以傷感但不要影響日常生活。明天會更好的。加油！

私人傳訊

ksviola

侯爵府

積分: 21251

母親節2025勳章 2025勳章蛇年勳章虎到金來勳章畀面勳章

16^#

發表於 17-9-27 19:15 |只看該作者

kktsang80 發表於 17-9-27 10:43
好多謝你呢個說法，令我好感動。
4年前第一次懷孕早期x產左，用左一年時間先諗得通，諗通無耐就有左仔仔（ ...

頑皮但聰明又愛弟妹
可以做我們的仔仔女女
但又唔駛出嚟捱世界
佢地先係最醒

私人傳訊

lubb

男爵府

積分: 7398

17^#

發表於 17-9-27 19:34 |只看該作者

回覆樓主

好明白，我已試過三次了，check埋染色體，一切正常，醫生只叫我繼續試！我最初都避開曬大肚既朋友，因為真係會唔開心，比啲時間自己，當日我差不多放棄時，就有左囡囡了

私人傳訊

Sharonhui0312

洋房

積分: 76

18^#

發表於 17-9-29 10:46 |只看該作者

原來大家都好勇敢! 我而家訓喺醫院等藥流做流產，雖然得6wk，但都算經歷過懷孕，見大家都咁正面面對，我都要加油調理好身體再接再厲!!

私人傳訊

小蝦仔

別墅

積分: 617

19^#

發表於 17-9-29 17:16 |只看該作者

回覆樓主

我曾經都經歷過25周緊急開刀。最後小天使離開我。
我都答應自己努力養好身子。而加飲中藥。
但心一定會害怕再懷孕。
但總要相信。下一次一定會成功呀

私人傳訊

kinki2130

大宅

積分: 1572

20^#

發表於 17-10-1 15:46 |只看該作者

fattyduck 發表於 17-9-16 22:01
短時間內小產兩次。
最怕見到大肚婆，點解覆診要同一房都係大肚婆一齊等？

樓主，我明白你的心情。我年頭小x過，接近12週，之前冇過流啡，係好突然無了。之前我已試了1年，我真的接受唔到。嗰段時間有幾個朋友同事有左，我更加是大受打擊。
小x後我睇中醫，間中做運動，心情是好轉了，但還是傷心。後來我都唔諗咁多，抱住有就有冇就冇嘅心態試下，4個月後我再有，現在21w了，但我有時會諗起冇左嘅小天使，會仲好傷心，但我好感謝佢嘅出現，令我很多事都看得更開。
樓主，時間可以沖淡傷感，養好身體，加油！