自由講場今日: 847|主題: 1349645

收藏本版

發帖

返回列表

跳至頁

查看: 4268 | 回覆: 11

租開迷你倉嘅，有心理準備會被迫遷! [複製鏈接]

Teresa

珍珠宮

積分: 35965

畀面勳章

1^#

發表於 18-1-13 18:26 |只看該作者 |倒序瀏覽 |打印

上次時昌大火後，消防處開始查迷你倉。我都好明白有火警隱患。

本身喺集團式租用緊迷你倉，但係冇諗過咁大間公司，無端端一個手機短訊限三星期內遷出。事出太突然，打去佢哋公司問可唔可以延遲一啲先遷出（因為要時間搵新倉）, 佢哋話唔可以。再問，公司嘅分店有邊度仲有得租倉，可唔可以幫手搵/比啲offer租戶可以考慮搬去遠啲嘅倉，又話冇!!

嬲到死死下! 好急咁搵到一個剛裝修好合乎消防處要求嘅迷你倉，總算有地方用（當然，租金貴左30%）!!!

一路執緊倉嘅嘢準備撤退，成層迷你倉租戶都出出入入搬嘢，個個都閙哂呢間公司出通知太急冇時間比租戶轉地方!

喺限期前一星期，呢間公司突然又打嚟話另一區新開左個倉，叫我哋搬去! 呢次仲嬲! 如果真係早
知有新倉，當個客問嘅時間就應該早啲講唔使令全世界咁狼狽!!!

我已經對呢間公司嘅管理死心，唔會再幫趁!

各位有租開迷你倉嘅，最好去了解一下你哋個倉有有消防處嚟查過，打探下租緊嘅倉會唔會要做消防改善工程而要被迫遷!!! 我有個朋同我租同一集團嘅倉，佢冇收迫遷短訊，但因為我嘅遭遇，我提醒佢要問下，結果一問，嗰間都話如果收到消防處出信都要做工程，到時一樣要迫遷。現在只係未收到通知，仲坦白叫我朋友建議佢以月付（唔係年付（形式續約。朋友最後都係好似我咁，寧願搵新倉搬都唔續約，怕一下子成層倉租戶被迫遷時大家都要搵新倉仲難。

各位想租迷你倉嘅要三思，新法例要求係:
1）通道要有2.4米闊
2）天花同迷你倉頂要有1米距離
3）有窗（唔會被迷你倉封住）
4）有alarm, 後備燈，走火路線圖

如果唔合乎呢啲要求，好大機會遲早被消防處告!