自由講場今日: 224|主題: 1342299

收藏本版

發帖

返回列表

跳至頁

查看: 10404 | 回覆: 52

12 3

積分: 137325

2025勳章 2025勳章蛇年勳章 2024年龍年勳章 2023年兔年勳章虎到金來勳章畀面勳章環保接龍勳章親子達人勳章 BK Milk勳章

1^#

發表於 18-1-15 00:40 |只看該作者 |倒序瀏覽 |打印

唐文龍初入行曾與陳少霞相戀6年

陳少霞現時已下嫁八億富豪李文輝，但佢表示平時生活十分簡單。

近日憑《溏心風暴3》再度人氣急升的唐文龍在電台今日推出的錄音訪問中，談及昔日戀事以及與劉永健傳出斷背傳聞。被公認為「男神筍盤」的唐文龍，近年屢次被傳與同性好友劉永健「Hehe」。唐文龍直接否認，亦講述與劉永健的相識經過：「永健，係兄弟囉！喺《十月初五的月光》時佢做我天敵嘅細佬，但現實中我哋好Friend！佢比我更早北上工作，我哋中間有一段時間失去聯絡，但係喺北京嗰五年又撞番，更成為咗好朋友。」

為劉永健雪中送炭

提及唐文龍曾在劉永健經濟有困難時，送上一個藏有一萬人民幣奶粉罐予對方一事，唐文龍解釋此舉是體諒兄弟的難處而已，在心中便可：「其實係兩萬，每個人都有唔容易嘅地方，我自己都有。只係佢先講出嚟啫！我做嘅事，喺心中就可以了，唔使講出嚟。」

否認中途轉「基」

談到因孖住劉永健行超巿傳斷背，唐文龍透露沒有不開心，反而是害怕令父親誤會，以及阻礙自己找女友：「冇唔開心，但係驚囉！因為連我爸爸都打電話問我係咪『轉軚』，我話『唔係，爹哋，佢哋亂寫啫！』我自己真係唔係，我又未有女朋友，咁樣會阻礙我搵女友！」

因「命運」與陳少霞分手

唐文龍初入行曾與陳少霞相戀6年，最後無疾而終，他自揭分手的原因竟是因為迷信：「呢件事真係冇同任何人講過，其實我哋係好好嘅，雖然我最後由台灣返到香港，但大家都少見面，佢又忙。而且大家嗰時仲後生，都有嘈交嘅時候，性格方面有時又有分歧嘅地方。再加上嗰時係有啲原因令我哋覺得，如果我哋一齊雙方會有壞影響。唔能夠唔信，因為有啲結果係印證咗。例如我同佢一齊，佢父母嘅身體就變差咗，我嘅事業都好似一路走下坡。你話迷信又好，信邪又好，點樣都好，我哋係因為咁而分開。」

認欠咗拍拖7年前女友

談及06年北上發展主動跟拍拖7年的空姐女友分手，唐文龍坦言不想拖累對方：「當時佢31歲快32歲，我都快40，又要去北京發展。我睇唔到大家會有將來，加上我當時嘅經濟好唔掂，只會攬住一齊死！就作出咁狠狠嘅決定。我經常都話『我一生人都冇咩對唔住人，只係欠咗佢。』只能夠話，如果有下一輩子，咁我下輩子就還畀佢啦！唔想再去糾纏、堅持呢件事，因為有啲事我做咗我會承擔。我覺得我冇做錯，因為我坦白。」最後，他亦表示現在只想首先專注事業，有對的人出現會正面面對。