主要景點 :
櫻島火山 – 租車自駕的可以一遊, 公共交通的話, 我眼見巴士很疏落, 在巴士站等車預左要頂一頂寒冷的強風!
高千穗牧場 – 麻麻地, 去到好冷清, 風景普通, 夏天的草原應該較美麗! 沒有什麼動物可看, 職員都唔多見! 最多人的地方是牧場商品店…
青島鬼之洗板 – 沿路見到多處有洗板, 可以近距離影相的是Botanical Garden 附近那個, 風景不錯!
宮崎SUN MESSE – 石像比想像中細, 風景是不錯, 但要由山下行梯級上山, 見到都怕怕, 最後只在山下影下相便走了…
鵜戸神宮 - 這個景點反而幾好玩, 在山洞中的神社, 很特別!
砂浴 – 在指宿吟松附近, 整個行程最多人的景點/活動, 人頭湧湧, 但又真係值得一去, 沒有去的人很可惜!
飲食 :
今次沒有去很多食店, 因為每天的酒店早餐, 已飽到午餐也不用吃, 很多時都是駕車沿路的超市買左刺生小吃生果來醫肚, 但也吃得很滿足!
屋台村 – 沒有去, 當日有去到門外, 但眼見沒有什麼人, 自己又不是很肚餓, 最後沒有入去!
日南水產 – 當日去到, 有三四枱客, 全部香港人! 海鮮還可以, 但老公話價錢貴, 性價比不強, 不外如是!
焼肉なべしま宇宿店 – 中午吃了午市套餐, 燒肉併盆 + 任食沙律吧, 燒肉和沙律都很出色, 價錢也不貴, 推介! 佢有好幾間分店, 不妨找一間吃吃看!
有天晚上, 我們還去了一間燒肉任食, 每枱有個小平板自己點食物, 有中英文, 不用向店員落單, 對遊客來說很方便, 這間也很不錯, 食物豐富有水準, 但不確定正確位置!
不過其實燒肉有很多間, 隨便走入一間都應該不錯吧~
酒店 :
[天文館DORMYINN] – 位置差少少, 但整體是很不錯的酒店, 服務貼心, 宵夜拉麵好吃, 我還吃了兩碗! 哈! 露天溫泉小巧但精緻!
24號晚入住, 連早餐只需HKD400多, 仲想點?
[霧島國際酒店] – 位置唔知要上山定入深山, 很長的一段山路才去到, 整體不過不失吧! 但不會推介!
[宮崎SHERATON]2晚 – 這間是整個行程最喜歡的, 房間大, 酒店質素上佳, 早餐晚餐buffet都很好, 唯一是溫泉連住客都要收費! 酒店內的服務很多樣化, 如果多點時間, 可以試試酒店提供的活動!
酒店附近有個大公園, 有天早上吃過早餐去行下, 很不錯! 租單車入去踏下都可以! 第二天晚上還去了酒店附近的植物園睇聖誕燈色, 真的很美哦~~~
[霧島京瓷酒店] – 這間最差! 外觀不錯, 但房間內的裝修傢具都較老舊, 入住是連早餐晚餐buffet,但質素麻麻, 食物也不是很豐富! 性價比超低!Black list!
[指宿吟松溫泉旅館] – 就是一間傳統的溫泉旅館, 應有的服務都有, 但hkd3000幾一晚, 值唔值真係見仁見智!
[天文館RICHMOND]2晚 - 和第一間dormyinn差不多水平, 位置絕佳, 房間偏小, 但服務也貼心, 早餐出乎意料的高質素!
發表於 
返回列表
