自由講場今日: 2403|主題: 1343964

收藏本版

發帖

返回列表

跳至頁

查看: 778 | 回覆: 0

喺前排睇煙花會唔會坐底？ [複製鏈接]

SiuFatFat

洋房

積分: 266

1^#

發表於 09-3-12 14:35 |只看該作者 |倒序瀏覽 |打印

昨日去咗迪士尼，夜晚放煙花時見到件“怪事”，話說放煙花前大約三十分鐘左右已開始有人在欄繩區內坐好好等睇，昨晚七點半放，本人七點十五分就在城堡前坐底咗，後面有一個女人推住ＢＢ車，但佢本人就抱住個Ｂ點都唔肯坐底，連保安員行埋去同佢講時，有個同佢一齊既男人仲一齊用粗口鬧人，人哋解釋比佢聽話因為後面好多人坐咗，加上有小朋友，如果佢企喺度會阻人視線，點知佢仲話人：“煙花唔係放上天咩？小朋友？啲大人唔識抱起佢咩？大人唔識照顧啲小朋友咩？揾小朋友過橋！個地咁汚糟點坐呀，我有個老人家坐咗喺地點起身？”後面有人話佢無家教佢都用粗口回敬，點知又有人話佢抱住細路都講粗口咪叫無家教囉（又講得好啱）！其實佢話人用小朋友過橋，佢咪又係用老人家過橋，因為無耐佢口中嗰位老人家同個男人都坐底咗，個老人家不停叫佢坐都唔坐，仲全程用粗口鬧！放完煙花後，個老人家好快就起到身，並唔係好似佢所講咁好難起身。

其實點只個地汚糟吖，行出街都好多細菌架，真係咁講衞生？既然去得呢啲主題公園，投入啲，如果真係接受唔到，咪企另外一啲邊位唔好影响囉，仲攪到成家人陪你比人鬧，唔鬧出口都咒啦，唔通咁就敎到到好既下一代？你哋話喇，啲咁既人都敢要下一代！