夫婦情感 今日: 0 | 主題: 42776

積分: 1147

1^#

發表於 04-10-22 05:09 |只看該作者

我唔知點對我老公......

佢失業左2年, 岩岩係8月搵到份散工, 但而家又冇野做, 又唔去搵工....日日就坐係屋企又唔幫手執屋, 又唔幫我買送者飯, 食完飯又唔幫手執野洗野, 佢既工作就只有打機同訓晏覺, 肚餓就自己煲即食麵, 食完d野又唔洗,等我返黎洗, 食完飯佢自己開爐沖涼, 沖完就熄爐唔會問我沖唔沖住....打麻雀輸左就係銀包拎錢, 贏左又唔比返我, 輸左又黑面對住我, 又啤住我, 同我講野又悔悔氣氣....我成日覺得跟本佢都唔再愛我喇...問佢佢又會發脾4咁鬧我, 我數佢, 佢仲數返我轉頭, 明知自己冇錢都仲要去睹.....我真係唔知點做好, 我家姐成日叫我走, 但一走了之都唔係辦法, 我只係記得我6年前發過誓要同佢一生一世.....但係係今日我真係撐唔住喇.....曾經想過死, 但我死左又對唔住愛錫我既屋企人....

我冇扮法同佢好好咁傾下...因為一講佢就會發脾4
屋企個3門衣櫃已經比佢打爆左2隻門, 廁所門又比佢踢凹左, 咁樣...我真係以後都唔敢同佢講野,

但係當我唔係佢身邊時, 佢又同佢屋企人講好掛住我....
又話ed野要留比我老婆丫...咁.......即係點呢....唉....

私人傳訊

積分: 1147

2^#

發表於 04-10-22 05:20 |只看該作者

Re: 我唔知點對我老公......

最緊要係, 佢連我d朋友都唔尊重, 結婚咁耐都唔肯見我d朋友, 攪到我次次都係單拖出席, 有一次唔小心比朋友撞到, 佢全程口黑面黑, 好似成村人欠左佢咁, 連我d fd都問我, 係唔係我迫佢黎食飯..,,,,,

我自問係一個笑口常開既人, 仲成日吱吱喳喳咁講野
而佢係一個唔講野既人, 我都唔知點解我可以同佢行到而家呢一步, 人地話隻"能"隻, 係唔係真係咁呢, 我都唔知

我只係知我好盡力咁做好我既本份, 但係我開始對我既心有小小動遙.........

人地話 "2個人在一起唔係互相取暖, 而係因為愛"
最慘係..我連互相取暖既機會都冇......

私人傳訊

Baby-Cute

洋房

積分: 43

3^#

發表於 04-10-22 06:30 |只看該作者

Re: 我唔知點對我老公......

hello crickey,
你老公係唔係因失業先開始成日發脾氣呀,佢會唔會因為自尊心強,大男人,因失業而自卑,所以先會咁對你呀,我覺得你一定要同佢講清楚呀,如果唔係只會影響你地之間嘅感情,你問清楚佢有d咩唔開心,可唔可以比你同佢分擔,希望你老公早日找到工作啦

私人傳訊

badegg

子爵府

積分: 12378

4^#

發表於 04-10-22 08:08 |只看該作者

Re: 我唔知點對我老公......

Bcrickey

你老公失業之前係一個咩人?性格係點?係咪真係失業令佢改變左性格? 定係佢一向都係脾氣火爆既人呢?你諗清楚, 如果佢根本一直從頭到尾就係你所形容既人, 我覺得你應該抽身而出, 如果佢真係失業之後先至係咁, 我覺得仲有得救, 你老公做咩職業, 點解會失業咁耐? 我識d朋友, 不論年紀都搵到工, 係咪佢搵吾返以前既人工,吾想做呢?
佢發脾氣吾同你傾, 你寫信比佢講丫, 之後你返娘家, 佢有悔意, 肯改既, 叫佢先好搵返你, 長期失業, 對男人來講, 會無晒鬥志, 又會做成習慣, 吾通你一世就咁過?

私人傳訊

小manman

翡翠宮

積分: 86598

5^#

發表於 04-10-22 11:44 |只看該作者

Re: 我唔知點對我老公......

crickey:
我相信你識你老公個時你已經知道佢係一個咁樣的人,你都唔會鍾意佢,亦唔會同佢結婚~~~(我估架咋,因為我估無一個女人頂得順你依架呢個老公)
你老公性情的轉變會唔會係失業之後先變成咁呢???
我覺得你老公依架有好多方面都好惡頂,淨係你話"屋企個3門衣櫃已經比佢打爆左2隻門, 廁所門又比佢踢凹左",佢好似有燥狂症咁!!!
而且,我覺得既然已經無收入仲要去賭,咁就真係要不得,呢舍可能係佢有一種"心存僥倖"的諗法,諗住有一日比佢贏到筆可觀的錢,你地就唔使愁,有咁樣的諗法其實好危險~~~
你老公唔做家務呢樣野,相信好多男人都係咁,佢地根本唔做開,做唔慣,如果你唔出聲,佢根本唔會自動自覺去做~~~
而且,你話你老公結婚咁耐都唔肯見你d朋友,你同佢拍拖個時僭係唔係咁樣先???如果係失業之後先係咁,佢好可能係自卑的表現,男人的事業對佢地黎講係好重要架,無左事業佢地會覺得自己好無面,所以你老公咪盡量都唔想面對你朋友囉!!!萬一人地問起,你叫你老公點落台呢???
其實,你老公有無諗過搞d小生意呢???咁樣佢就唔使成日係屋企無所事事喇!!!

私人傳訊

積分: 1147

6^#

發表於 04-10-22 15:46 |只看該作者

Re: 我唔知點對我老公......

我初識佢, 佢唔係d咁既人, 仲對我體貼添....
佢試過攪生意, 但係攪左2年就執左笠,係因為佢攪既生意既客路大部份都上哂大6, 佢亦曾經上過大6做野, 但係因為佢非常唔慣而冇做, 佢係一個小氣既大男人我係知道的,
不過有樣野係肯定的, 佢係唔會同我分擔我既野 , 佢既問題亦都只係金錢上既問題, 我係labour dept 見到有份工都幾好,同佢講, 佢都唔彩我, 總而言之, 係屋企佢係, 佢鍾意彩我就彩我, 唔鍾意連望我都廢事........但有時佢又好關心我咁...我就係唔知點好.....

私人傳訊

RubybearMom

民房

積分: 44

7^#

發表於 04-10-22 16:41 |只看該作者

Re: 我唔知點對我老公......

我想你要試試用耐性和心平氣和與他談談, 告訴他你願意為你們的家供出, 但只一個人賺錢是不足夠的, 問問他是否有其他工作計劃, 如他不想談, 請告訴他你也希望兩人可同步走, 如其中一個要躲起來, 另外一個是很迷茫的.

而且, 男人的尊嚴 (小男人的自尊心)是不會喜歡你太著痕跡幫他找工作. 不知不覺的買 Career Times / South China Morning Post, 或帶 Recruit 回家扮看進修資料, 他或會偶爾看看....

私人傳訊

CutieSo

侯爵府

積分: 20120

牛年勳章

8^#

發表於 04-10-22 17:00 |只看該作者

Re: 我唔知點對我老公......

可能係因為失業而令到脾氣暴躁
我老公都係咁, 佢無野做時佢d脾氣就會變得好差 , 郁下就發脾氣 , 依家每日佢都要鬧我幾次先安樂咁

RubybearMom的方法我都覺得可以試下

仁德厚澤載福慧輝炫矢志盛風華

私人傳訊

積分: 1147

9^#

發表於 04-10-22 19:26 |只看該作者

Re: 我唔知點對我老公......

唔該哂你地 ~
我曾經同佢平心靜氣咁傾過, 但係佢最後都係發脾4收場
亦都試過寫封信比佢睇, 佢睇完撕爛就算, 佢一直逃避緊佢自己, 佢唔甘心由一個老細再去打人工......
好彩既係, 我地而家都冇細路仔, 不過我一個人..."咩"起成頭家, 真係覺得好吃力......

私人傳訊

積分: 7665

10^#

發表於 04-10-23 06:25 |只看該作者

Re: 我唔知點對我老公......

佢係因為失業,男人的自尊心好強,男人冇錢=乜都冇架..
佢賭可能係想win等多d錢通常都係啦,賭錢的人都說冇錢就要博一博麻...
至於你話次次講野都鬧交,其實係啦,佢自己都煩麻..佢又點睇諒得倒你?其實可能佢做左d野係你唔為意?一d細節?
又會唔會因為你次次同佢講野都中鬧交?可能你根本打算傾下,但自己其實係好惡?好似撩交打?
佢冇搵野做定係你覺得佢冇?你應該要返工吧..你又點知佢返工的時侯冇搵?可能做左你唔知?有時搵唔倒就係搵唔倒吧...
點解我咁講?唔係我幫住佢,因為我仔個爸爸都好似你老公,到分開左喇,先發覺唔係我唸得咁壞,發覺..原來屋企既燈壞左有人唔出聲整左,電制原來有人為左方便自己改裝過,原來屋企d風c係有人洗架...
你明嗎?係分開之前我成日話,都唔明你點解可以咩都唔理...又唔搵野做,後其先知原來有搵架...唉...好多野..可能要到你地分開左先知道痛....你試下坐底..好好唸下佢係咪真係咁壞?
可能之後會有意外收獲,唔好再用以前黎比較喇,你都唔係佢識你個陣既你呀,你都變左..其實係你唔覺呀..唉...我係過來人...我唔想你分開左先知道痛...

私人傳訊

積分: 1147

11^#

發表於 04-10-24 01:32 |只看該作者

Re: 我唔知點對我老公......

我肯定佢係冇去搵野做架 ~ 因為佢係屋企打onlinegame
明星3缺1, 仲要幫佢d親戚睇下個金魚缸 (股票)
即係咁
10:00 起身, 開電腦, 開收音機, 睇股票, 打機
10:45 食早餐食完又返上黎做果d野
3:00-4:00 去食tea 當lunch
5:30 我返黎餓到死要煮飯食, 7點我想食飯時, 佢話好飽
要等到8點先食到小小 (佢) 我就餓到死, 食完唔會幫係執野洗野, 跟住沖涼, 又跟住打機....... 我唔覺佢有做d咩野囉
屋企個燈膽燒左都等我去買黎換, 佢睇完份報紙就食份訓左係地, 尋日著完d3又係個sofa度, 真正既金魚缸有養草, 佢可以張死左d草成條放左係個金魚缸前面仲有d魚c..........
唔會同你開洗e機, d 3唔會執, 佢最多成堆3堆入e櫃, 你打開時咪成舊跌落黎囉 ~~~~
佢夜晚食小左飯到左12點左右佢又要你煲個面比佢食....
佢食完會倒左d水既, 不過佢唔會洗埋個湯碗囉 ~~
請問...仲有d咩野似你老公呢....??????

私人傳訊

積分: 7665

12^#

發表於 04-10-24 10:14 |只看該作者

Re: 我唔知點對我老公......

唔係我老公...佢走左架喇... =.="
你試下由今日開始唔好彩佢,睇佢唔倒,煮左飯唔理佢自己食..佢應該會唔底得..你都唔好理佢,佢自然明白冇左你唔得!!!

私人傳訊

stellafu

複式洋房

積分: 203

13^#

發表於 04-10-24 10:49 |只看該作者

Re: 我唔知點對我老公......

好多嘢會變，如果佢係因為失業咪等下睇下遲d好唔好d，如果係佢本身已變，改唔到，你就要考慮自己生活好唔好

私人傳訊

積分: 7665

14^#

發表於 04-10-24 10:52 |只看該作者

Re: 我唔知點對我老公......

做人老婆真係唔易..遇到好佬就好..唔係就..唉...

私人傳訊

babygigi

積分: 1013

15^#

發表於 04-10-24 19:30 |只看該作者

Re: 我唔知點對我老公......

CRICKEY﹐
你都照顧得佢好周到﹐佢會唔會覺得你似佢媽媽多過似佢老婆? 所以做D野出黎噤唔成熟?

私人傳訊

積分: 1147

16^#

發表於 04-10-25 00:48 |只看該作者

Re: 我唔知點對我老公......

babygigi 寫道:
你都照顧得佢好周到﹐佢會唔會覺得你似佢媽媽多過似佢老婆? 所以做D野出黎噤唔成熟?

的確 ~ 佢啊媽屋企d仔係個個都好似大爺咁既
連我老爺都係, 咩都唔洗做, 不過我大伯同叔仔娶果老婆可以治返佢地, 唯獨係我同我奶奶就要繼續做佢地既下人 ~
我就係唔想分開....但又唔知點好囉......

私人傳訊

dummypimp

積分: 1639

17^#

發表於 04-10-25 10:05 |只看該作者

Re: 我唔知點對我老公......

crickey 寫道:
我肯定佢係冇去搵野做架 ~ 因為佢係屋企打onlinegame
明星3缺1, 仲要幫佢d親戚睇下個金魚缸 (股票)
即係咁
10:00 起身, 開電腦, 開收音機, 睇股票, 打機
10:45 食早餐食完又返上黎做果d野
3:00-4:00 去食tea 當lunch
5:30 我返黎餓到死要煮飯食, 7點我想食飯時, 佢話好飽
要等到8點先食到小小 (佢) 我就餓到死, 食完唔會幫係執野洗野, 跟住沖涼, 又跟住打機....... 我唔覺佢有做d咩野囉
屋企個燈膽燒左都等我去買黎換, 佢睇完份報紙就食份訓左係地, 尋日著完d3又係個sofa度, 真正既金魚缸有養草, 佢可以張死左d草成條放左係個金魚缸前面仲有d魚c..........
唔會同你開洗e機, d 3唔會執, 佢最多成堆3堆入e櫃, 你打開時咪成舊跌落黎囉 ~~~~
佢夜晚食小左飯到左12點左右佢又要你煲個面比佢食....
佢食完會倒左d水既, 不過佢唔會洗埋個湯碗囉 ~~
請問...仲有d咩野似你老公呢....??????

真係唔抵幫,身為男人都係o甘話....
失業唔緊要,最緊要係唔好成個廢人o甘,....佢重要做到好似大帝o甘,...真係幾過份....

私人傳訊

積分: 7665

18^#

發表於 04-10-25 10:55 |只看該作者

Re: 我唔知點對我老公......

你都係坐底傾下啦..如果一齊真係咁辛苦..你不如好好唸下將來吧...唉..
希望你唔洗行最後一步...你一係試下問下你d阿嫂..佢地點治老公既..可能幫倒下手呢../.\

私人傳訊

Winnie_C