本帖最後由 333s 於 18-3-20 21:50 編輯
[隱藏]
最近有個親戚嗰邊有件家事差點婚變
奶奶︰80歲有多，有3女兩男
新抱︰3X歲，孻仔的老婆，有1個9歲仔同幾個月大男BB
話說個新抱上年大肚，家中無工人，佢阿媽(約六十幾)要返工唔得閒，所以叫老公叫家婆由大仔過來照顧佢同睇佢住個大仔。個家婆以為過去住一排，點知原來過去做工人(煮飯、洗衫、掃地、帶細路返學放學)，要做到個新抱生仔坐完月(最好就住耐少少)。
結果就係，個新抱生完仔坐完月，個家婆就返左大仔嗰邊住，後來傳出個家婆話以後永遠都唔再過去孻仔度住的事，家婆個大女今年年初二就上個細佬度拜年，話佢地兩公婆對老人家唔好，個新抱嬲到話要離婚。
婆媳不和的版本︰
家婆︰佢覺得3X歲的大肚婆要一個8X歲的老人家照顧好唔得，點解新抱個外母賺錢買花戴就得，佢想係大仔家湊孫享清福就唔得？佢個年代生幾個仔仲要做野佢都頂得順，個新抱唔做野，個老公返工又當佢女王咁照顧，佢有咩唔滿意？個家婆話佢嗰日無胃口食煮俾新抱食的早餐，想落樓買個包食，結果就被新抱鬧佢晒錢，嫌棄的話可以走人。但家婆話層樓係佢個仔買的，點解要佢走？
新抱︰覺得個家婆對大仔一家人好好，幫佢湊左三個仔女成十幾年，自己大肚做唔到野叫佢過來幫下手，點知家婆擺架子，家務方面完全幫唔到手，搞到個老公收工返來仲要辛苦家務，真係忍佢好耐了。嗰日又嫌棄D早餐唔好食，又想去買其他早餐食，所以咪同佢講如果住唔慣可以返去。點知家婆既然話層樓係佢個仔的，新抱無份，所以佢唔會走，要走都係新抱走。
家婆個大女上去同佢細路講，話亞媽係大仔度住左十幾年，係因為大嫂對佢從來無意見，大家自然無火花，所以相安無事，但個細新抱就淨係睇到以前的事﹐無諗過佢家婆今年8X歲，仲要佢過來照顧佢，有無理過佢家婆D仔女的感受?佢作為人地的女兒，其實好心痛老人家要咁樣的，同時佢作為人地女兒的母親，當個女話家婆唔方便照顧外孫時，佢唔做野都過去照顧，前後去左好多次，最長時有幾個月。
就係咁，新抱覺得家婆一家人都欺負佢，想離婚
個家婆一直都係住係大仔嗰邊 一年都無幾日會過去細仔度住 只不過係個細仔出聲叫佢叫過住一排先出事的
個新抱係想叫佢亞媽的，可惜佢亞媽緊張錢多過自己女(可能覺得個女無理由搞唔掂啊﹗？)
個老公已經因為老婆話要多D時間陪個仔成長，生左個大仔之後已經無再做野了，得老公一個做野，又要供樓又要養一家幾口，加上預計不過幫最多2-3個月，老婆話家婆以前幫開大仔湊仔有經驗，叫佢叫家婆過去的
想不開、就別想. 得不到、就不要. 失去了、繼續笑. 擁有了、要珍惜。
快乐不是拥有的多，而是计较的少。
生悶氣，發脾氣，煩躁，焦慮，失眠. 是指因生气（生闷气、怒气、着急上火生成的火气、思虑生成的郁气）。
理性討論交流者。
發表於 
返回列表
