自由講場今日: 1635|主題: 1316089

收藏本版

發帖

返回列表

跳至頁

查看: 1119 | 回覆: 0

籌醫藥費　尹志強生死關頭　米雪被屈落格 [複製鏈接]

kc_01k

翡翠宮

積分: 89537

好媽媽勳章醒目開學勳章

1^#

發表於 09-4-16 12:55 |只看該作者 |倒序瀏覽 |打印

籌醫藥費　尹志強生死關頭　米雪被屈落格

現年五十二歲的尹志強（尹佬）去年癌病復發，近半年多次進出醫院，並曾入住深切治療部，生死命懸一線。與尹佬相戀近廿年的女友米雪，一直仆心仆命照顧，四出撲水為男友醫病。
去年在好友譚詠麟及陳百祥協助下，獲十多名商界好友答應捐出合共二百萬元的醫藥費，不過其後爆發金融海嘯，有部分好友縮沙唔捐。由於尹佬年紀老邁的父母仍健在，尹佬的姊妹認為，所籌得的部分醫藥費應留給其父母作為日後生活費，對米雪有微言。
被屈落格的米雪，情緒大受打擊，近日體重更暴跌至九十多磅。

米雪在本週二與手持大疊文件的友人返回尹佬舊居，心情麻麻的她更掩面離去。

尹佬在去年十月由友人陪同到醫院覆診，其後一度傳出危殆消息，至今一直未有再露面。（《忽然 1 周》圖片）

含冤莫白
雖然一眾西醫對尹佬的病情苦無對策，不過米雪仍然一直堅持四出訪尋名醫，兩個月前成功在元朗找到一位神醫為男友治療，為免尹佬受到傳媒打擾，她安排男友由大埔搬至元朗的村屋休養，花了數十萬元醫藥費睇神醫，尹佬病情一度好轉，不過個多星期前又再次惡化，情況令人擔憂。
米雪多年來已經花盡數百萬元為尹佬作中西醫治療，半年前，好友譚詠麟及陳百祥出面為尹佬籌集二百萬醫藥費應急，不過後來因為爆發金融海嘯，多名商界好友最終縮沙冇捐錢，事件亦令米雪及尹佬的胞姐及胞妹頗有微言。
「當時尹佬班朋友係應承咗每人捐十萬，加埋係有成二百萬，阿倫同阿叻就叫啲朋友直接入錢落米雪個戶口，不過最後有好多人都冇入到錢，尹佬屋企人就以為米雪袋埋好多，佢哋覺得要將部分由朋友捐出嚟嘅醫藥費留俾尹佬嘅父母，作為日後嘅生活費。米雪被佢屋企人誤解，佢都覺得好委屈，只係佢向來唔鍾意解釋，但就一直都耿耿於懷，放唔低。」知情者說。
米雪本週一在無綫電視城拍攝新劇《宮心計》，她在鏡頭前強顏歡笑，鏡頭後則一臉愁容。

米雪近日除趕拍劇集外，尚要探望患病男友，本週一拍至凌晨二時才收工的她一臉倦容。

去年七月仍住在大埔村屋的尹佬由外傭陪同出外放狗，已經十多歲的老狗是當年尹佬送給米雪的定情信物。

尹佬病情惡化，一直陪伴他的愛犬近日亦被接返米雪家中，日前米雪胞妹雪梨負責帶愛犬出外散步。

秘密搬家
據知，已半年來一直未有露面的尹佬，其實已秘密搬到元朗村屋休養，近期正忙於拍攝無綫劇集《宮心計》的米雪，幾乎每日都會親自驅車前往探望，由於要四出為男友奔波，加上被尹家姊妹誤解，備受困擾的米雪目前體重亦跌至只有九十多磅。
「佢幾乎每日開工前或者開工後都會去探尹佬，前排尹佬食完中藥的確係有好轉，不過個幾兩個星期前又惡化，仲送咗入院搶救，醫生都話好危險，直至近呢幾日先出院。雖然尹佬已經唔係好認到人，不過米雪就仍然日日坐喺佢床邊同佢講嘢，每次走嘅時候都係眼濕濕。」知情者說。
尹佬病情反覆，米雪要趕拍劇集，又要抽時間探望男友，情緒跌至落谷底，有份拍攝《宮》劇的演員，亦透露米雪近日經常沉默不語，大家亦不敢打擾。
本週一（四月十三日），米雪罕有地與同劇演員在電視城內的餐廳用膳，一臉倦容的她發現有記者即時露出笑容打招呼，她說：「我真係好攰，呢排都冇乜胃口，套劇日頭就拍外景，夜晚就廠景，唔夠時間休息，加上啲對白又好文縐縐，要花好多時間睇劇本。」當晚一直開工至凌晨二時，米雪才返回九龍城寓所休息。
本週二中午十二時許，米雪從九龍城寓所驅車到附近接載手持大疊文件的友人，繼而直奔尹佬位於大埔黃宜㘭村的舊居，在屋內停留了短短五分鐘，之後再驅車往粉嶺方向，不過其後發現有記者追訪，米雪就折返九龍城寓所，相信她是為了避免尹佬的新居曝光。
記者其後再訪問了尹佬在大埔黃宜㘭村的鄰居，其中一名居於附近的婆婆指，尹佬已經半年沒有返回上址居住。
去年七月，趕緊電視劇《家好月圓》的米雪，寧願唔休息，都會揸車到大埔探尹佬，爭取時間見面。

○ 六年，向來愛熱鬧貪玩的米雪及尹佬，一身黑打扮出席「萬聖節」 party 。（《忽然 1 周》圖片）

去年十月留院多時的尹佬原本相約好友陳百祥到南華會燒烤，不過後來因病情轉壞而缺席。

今年三月，羅家英接受訪問，無意中踢爆尹佬已經唔可以講嘢，要靠書寫溝通，之後米雪隱瞞，指尹佬感冒被傳染。（《蘋果日報》圖片）

講唔到嘢
曾經成功對抗癌魔的羅家英早前接受訪問時，就不慎踢爆好友尹佬講唔到嘢，要靠寫字與人溝通，他說：「過年前探過佢，聽講佢而家返咗屋企，佢之前做過胃同喉嚨嘅手術，好似食唔到嘢同講唔到嘢，要寫字溝通，對於一個運動家，咁樣好可惜，我相信佢有意志撐得過。」
性格剛強的米雪為免外界過度關注男友病情，一直堅稱男友身體狀況穩定，對於羅家英爆尹佬講唔到嘢，米雪就聲稱自己早前有幾聲咳，不小心傳染到尹佬。
「佢（米雪）好細個已經撐起成頭家，幾個外甥都係佢供書教學，加埋尹佬中西合璧嘅醫藥費又用咗大嚿錢，但佢點都會撐住，任何情況都唔會同劇組請假，不過啲朋友都好擔心佢捱唔住。」米雪好友說。
抗癌路難行
尹志強患上鼻咽癌，女友米雪一直不離不棄，尹佬近年病情轉差，體重急劇降至八十磅，接受化療出現後遺症飽受折磨。
92 年：發現患上第一期鼻咽癌，接受電療一年，康復後轉戰商界，閒時當義工輔導病人。
07 年 12 月：傳媒拍到米雪陪伴尹佬到醫院，傳癌病復發，但米雪否認，指男友只是到醫院做普通檢查。
08 年 4 月：尹佬隨明星足球隊到肇慶踢波，在攝氏廿九度下仍穿三件長袖衫，米雪出席活動時仍強撐男友身體很好。
08 年 7 月：暴瘦四十磅，雙頰凹陷，左眼更戴上眼罩的尹佬被指靠插喉進食，米雪仍以「 Very Good 」來形容對方。
08 年 10 月：鼻咽癌復發，被送入 ICU （深切治療部），經過三日三夜搶救終於穩定，事隔不足一個月，再傳尹佬情況告急，由家人送往急症室搶救，米雪至此才承認尹佬手術後無法進食。
08 年 11 月：米雪成為出爐視后，當晚帶同獎項往威爾斯醫院探望病榻中的尹佬。
08 年 12 月：尹佬外甥梁漢文結婚，米雪獨自出席婚宴。
09 年 2 月：一直在 ICU 接受治療的尹佬，由於病情未有好轉，原定農曆年出院亦未能如願，有傳他已雙目失明，身體虛弱。
09 年 3 月：羅家英在商台接受訪問，提到尹佬病情惡化，食唔到嘢講唔到嘢，要寫字溝通。不過米雪就聲稱男友只是有幾聲咳。
向來愛熱鬧的尹佬在 ○ 一年與女友米雪及一眾好友出席譚詠麟演唱會的活動。（《忽然 1 周》圖片）