少年成長 今日: 0 | 主題: 16070

積分: 900

1^#

發表於 18-5-20 19:18 |只看該作者 |倒序瀏覽 |打印

阿女今年12歲，六年級，有個住樓下嘅女仔間中會同佢玩，但個女仔因家人唔理，佢已經學人飲酒，已經拍拖，最近分手仲介埋手，我女比我睇佢post IG嘅相起碼有10條傷痕，流緊血的，佢成績唔好所以嚟緊會入BAND 3中學，嗰個女仔小六已經咁樣，我怕佢升咗中學會更壞

雖然我同阿女講過唔想佢同呢個女仔玩，但我無講過我唔比，如果我話唔比，阿女只會表面上話無聯絡，但私底下其實照舊

因為我身邊人的小朋友仲好細，無人可以同我分擔點樣同青春期小朋友嘅管教，所以喺先喺呢到問

0 0 0

私人傳訊

wangc

大宅

積分: 2285

2^#

發表於 18-5-21 06:20 |只看該作者

回覆彭書瑩的帖子

升中後吾同中學，就吾會一齊玩哚！

私人傳訊

積分: 900

3^#

發表於 18-5-21 09:36 |只看該作者

wangc 發表於 18-5-21 06:20
回覆彭書瑩的帖子

升中後吾同中學，就吾會一齊玩哚！

佢唔係同學嚟，係因為住喺樓上樓下先識，佢哋3年級先識

私人傳訊

積分: 196

4^#

發表於 18-5-23 23:16 |只看該作者

我也有類似的經驗，所以忍不住回覆一下。

遇上這種情況，一定不能直接禁止，因為這個年紀交朋友，本來就是出於「神秘感」和「聯合反抗權威」，家長越禁，她們就越覺得在一起很好玩。

而且你們住樓上樓下，就算今天你和她講一晚道理，她真的認同了，明天剛好碰到，又會一起玩了，就像衝動購物一樣，我也經常說不再買鞋(苦笑)。

其中一個處理方法，可以父母分工合作，通常是爸爸嚴厲些，要她專注學業之類，真的陪她温習功課，等她少些時間玩鬧，媽媽則陪囡囡傾下心事，慢慢教道理，潛移默化。具體也可以按平時父母的角色定位，有些家庭是爸爸温柔些，媽媽惡些。

另外，忍唔住再講多句，個個女仔其實都叫做開始學壞，又無屋企人管教，你這位做阿姨的平時在她心中地位怎樣，佢buy唔buy你？有沒有可能連她也一起教好？

最後，其實你的情況已經比較幸運，因為那個朋友不是男仔，所以至少不會有「意外」發生(你明白的)。

私人傳訊

4ponymum

男爵府

積分: 7965

5^#

發表於 18-5-24 10:43 |只看該作者

你唔好甘大反應同女講個女仔點唔好唔對，甘你女會好反感，而家佢仲同你分享同朋友相處既野甘你都可以有得知下，否則你女覺得你唔鐘意個女仔，面層淡化，底層繼續做朋友，你同女就會有格幕。我女同學同佢媽媽就係甘，我女就會分享佢同朋友既日常俾我聽，甘起碼都知下佢點過日子。

私人傳訊

積分: 900

6^#

發表於 18-5-25 19:21 |只看該作者

YanniePang 發表於 18-5-23 23:16
我也有類似的經驗，所以忍不住回覆一下。

遇上這種情況，一定不能直接禁止，因為這個年紀交朋友，本來就是 ...

好多謝你嘅教導，我都明白阻止佢，佢表面上話唔玩，私底下咪又會玩，我都覺呢個時期同佢傾多啲計，了解佢近況

私人傳訊

積分: 900

7^#

發表於 18-5-25 19:35 |只看該作者

4ponymum 發表於 18-5-24 10:43
你唔好甘大反應同女講個女仔點唔好唔對，甘你女會好反感，而家佢仲同你分享同朋友相處既野甘你都可以有得知 ...

其實我對嗰個女仔最多改變係以前帶埋個女仔同我女一齊出街，食飯，睇戲，但近呢一年我知佢變咗都無再帶佢出去，個女仔都feel到啲野，都無再上我屋企

私人傳訊

積分: 196

8^#

發表於 18-5-26 00:20 |只看該作者

本帖最後由 YanniePang 於 18-5-26 00:25 編輯

彭書瑩發表於 18-5-25 19:35
其實我對嗰個女仔最多改變係以前帶埋個女仔同我女一齊出街，食飯，睇戲，但近呢一年我知佢變咗都無再帶佢 ...

我個時都係咁，原本一起參加運動班，後來我不想她們經常在一起，就推說是個教練不好，她們兩個都好以feel到D野。
小朋友其實比想像中敏感，而且她們全副心思都是在這些事情上，所以會留意到。

私人傳訊

洋蔥頭媽咪

水晶宮

積分: 50995

母親節2025勳章 2025勳章蛇年勳章 2024年龍年勳章 2018復活節勳章畀面勳章 BK Milk勳章

9^#

發表於 18-5-26 12:27 |只看該作者

其實唔係好明點解小六生已經管唔倒？平日去邊？同咩人一齊？日常生活模式家長應該可以清楚掌握，管不到相信是是樓主比小朋友太大自由度，若小學都管唔倒中學更加不得了。
小六生不算大，家長應該教導小朋友分辨是非，遠離損友，多了解孩子，多引導，要知道學好3年學壞3日，若樓主讓女兒繼續升中後很容易受引誘，可能好快學人拍拖，到時更加有排煩。

私人傳訊

積分: 900

10^#

發表於 18-5-26 13:08 |只看該作者

洋蔥頭媽咪發表於 18-5-26 12:27
其實唔係好明點解小六生已經管唔倒？平日去邊？同咩人一齊？日常生活模式家長應該可以清楚掌握，管不到相信 ...

因為佢有經歷嘅小朋友，佢三歲嗰陣我已同佢爸爸分開，而且佢留過級，正常嚟講佢已經中一，所以佢同其他小六生唔同

私人傳訊

積分: 900

11^#

發表於 18-5-26 13:09 |只看該作者

YanniePang 發表於 18-5-26 00:20
我個時都係咁，原本一起參加運動班，後來我不想她們經常在一起，就推說是個教練不好，她們兩個都好以feel ...

我認同你

私人傳訊

積分: 196

12^#

發表於 18-5-26 22:26 |只看該作者

Sorry，唔知你係單親媽媽，仲叫你和丈夫分擔角色。

其實教導孩子，不外乎就是「多溝通、多關心」這些老生常談，但有一些事情還是要注意的。

第一，孩子始終是「小朋友」，要管實管到，但如果她不明白為什麼這樣做，或者為什麼不能這樣做的根本原因，以後總會出事。

打個比喻，例如女兒不喜歡英文，你硬要推她補習，她一定要去，但只會令她更討厭英文，到她大多幾年，有自主條件，反抗得仲嚴重。

你覺得現在這個朋友是你女兒圈子中「最壞的蘋果」，但就我看，她以後（尤其上了中學後），會遇上更多更壞的人，所以要培養她自己選擇圈子的能力。

第二，「你和女兒的關係」遠大於「女兒接不接觸這個朋友這件事」，後者只是她生命中無數事情的其中一件，前者卻是根基，直接講句，你和她關係好，你說什麼她也會開開心心地跟着做（當然不能亂用，要真的為了她好），你和她關係不夠鞏固，合理的她也不喜歡聽。

我當時就是不懂這些信條，險些闖了大禍，幸好有人教我。

最後，因為工作的關係，我接觸過一些單親的家庭，母親和孩子間在這個年齡，相處會比較困難（因為經濟上或資源上，又或者認識了新的另一半），但捱過了之後，母子間會有更深刻的關係。

私人傳訊

洋蔥頭媽咪

水晶宮

積分: 50995

母親節2025勳章 2025勳章蛇年勳章 2024年龍年勳章 2018復活節勳章畀面勳章 BK Milk勳章

13^#

發表於 18-5-27 18:02 |只看該作者

本帖最後由洋蔥頭媽咪於 18-5-27 18:03 編輯

彭書瑩發表於 18-5-26 13:08
因為佢有經歷嘅小朋友，佢三歲嗰陣我已同佢爸爸分開，而且佢留過級，正常嚟講佢已經中一，所以佢同其他小 ...

就算小朋友經歷比別人多，也不代表父母就不能管教。孩子開始長大，要與她多分享、溝通及引導，教佢分辨是非，只要家長與她保持良好關係，孩子通常都容易受教。

私人傳訊

MonkeyGirl

大宅

積分: 3229

14^#

發表於 18-6-5 12:36 |只看該作者

我都明你心情架. 不同的個個係我女同學..
佢亞爸媽不多理她, 佢小學時期已可自己出街.
我管我女都嚴, 無諗過佢小學會自己出街.但無法, 佢思想好容易比人影響. 尢其人地有自由時. 佢無, 就會成日問點解人地得,佢唔得　（總之, 唔比時, 就算你解釋咗你既worried . 佢係唔會明, !! 同聽唔入耳, 發脾氣, 係日日都有) 呢d 日子, 真係好慘.. 我日日好似提心吊膽對住佢, 因為佢日日有難題比你.... 佢小五, 還能控制,到, 但到小六時, 一到考完試個日, 又問可唔可以去佢屋企玩（佢住對面海, 去佢屋企玩, 包括行佢附近shops . 其實我都唔係幾想) 因為我唔想比佢甘快, 同甘細成日在街流連. 你知佢地試過一次, 就好快出第2次... 但無法, 你越唔比, 人地會幫你教女.. 教你女講大話"門" 你.... 我女既同學就係甘樣教我女講大話.. 但好彩, 我女細時, 我地不嬲都有野講, 不是無野講..但佢越大, 係越多脾氣甘解... 佢無講大話, 佢就甘講, 話會去shops 行下, 睇野先返佢屋企 (點解我會知, 佢同學教佢講大話?. 就因為我女小學時, 無自己電話, whatapp 全用我的. 我唔知點解,甘岩聽到個段錄音. 所以咪知囉) 其實我又好少check 佢電話...

我想講呢!! 你女身邊會開始出現好多, 你唔鍾意既朋友... 但你千其唔好講"你唔 Like 呢個朋友, 唔比佢同佢玩" 你要做既係, 多同佢溝通, 佢同你講野時, 你要留心聽.. 你睇到新聞 (出夜街, 網上騙案) 要同佢分享.. 帶佢出街食飯or 試新野--->create 一個環境 (我女最多野講就係呢段時間) , 佢會講佢身邊既人.....但都係個句, 千其唔好講佢朋友壞話, 你只要聽, 同從中教你女應該做..同佢多d 話題.

如是者過咗幾年.. 當中, 個女發脾氣, 黑面, 日日當食生菜, 我都慣了... 佢又多咗好多IG frds ..入面既frd , 你無可能知係咩人,係男定女... 佢而家F2了, 自己會出街, 放學唔會即時返屋企... 甘你會點? 無可能控制佢掛, 為有信佢. 等佢同你講多d 野, 你就知佢有咩朋友law . 甘點等佢開口同你講? 就係日子有功, 多同佢溝通 !!

佢地朋友/同學會講自己屋企人架.. 我女有次, 話比我聽, 佢同學讚我, 似朋友多過亞媽...亞女個時, 先知, 原來我係甘好... IG frd 屋企發生事,我女都有同我講...甘我又成機教下佢甘..

女越大,你要轉方法教佢, 不是只有你講..要多聆聽...

大家加油

私人傳訊

積分: 900

15^#

發表於 18-6-6 20:01 |只看該作者

MonkeyGirl 發表於 18-6-5 12:36
我都明你心情架. 不同的個個係我女同學..
佢亞爸媽不多理她, 佢小學時期已可自己出街.
我管我女都嚴, 無諗 ...

我好認同你講嘅說話，同埋你教我處理同小朋友應點樣相處。我女雖然6年級，但由5年級開始，佢一星期有三日體院訓練，而且全部混埋啲中學生一齊練習，開頭都只係練完食完飯就返屋企，但到今年六年級，佢都開始會同跑友約出街(始終佢哋讀中學，佢哋屋企人都適量比佢哋出去）所以我唔比佢，佢就會比其他中學生覺得佢異相，所以我局住比佢同嗰班中學生出，加上佢哋都乖，我都歡迎。但我嘅擔憂反而係住樓下嘅鄰居，睇住佢大，越變越恐怖，行為上跟本唔係小學6年級會做到，拍拖，不停換畫，分手又唔理性去自殘，我女比我睇佢IG流咗好多血，我又絕少同嗰個女仔接觸

私人傳訊

積分: 900

16^#

發表於 18-6-6 20:04 |只看該作者

彭書瑩發表於 18-6-6 20:01
我好認同你講嘅說話，同埋你教我處理同小朋友應點樣相處。我女雖然6年級，但由5年級開始，佢一星期有三日 ...

我跟本無能力去改變個女仔，我身邊朋友嘅小朋友都仲好細，無人可以明白我而加嘅擔憂，所以先喺BK都傾，我好感恩好多媽媽寫好多文字教識我好多

私人傳訊

積分: 900

17^#

發表於 18-6-6 20:37 |只看該作者

YanniePang 發表於 18-5-26 22:26
Sorry，唔知你係單親媽媽，仲叫你和丈夫分擔角色。

其實教導孩子，不外乎就是「多溝通、多關心」這些老生 ...

Yannie我好多謝你教我好多，其實喺女好細個我已再婚，我現任老公好錫佢當佢親生嘅，喺佢而加反叛期我更加發覺好多重要決定，事情都要同至親嘅商量，慶幸我而加都可以學你教我嘅:同丈夫分擔角色，我都覺得好重要，如果今日只得我一個面對，我都唔知我會變成點

我寫呢個post,只係開始擔心呢個年紀朋輩影響真係好大

私人傳訊

積分: 196

18^#

發表於 18-6-8 18:18 |只看該作者

如果你女兒認識一些新的比較正面的朋友，自然會取代了那個你覺得不是太適合的女仔。

你是不是都是等7月10日排位？有沒有學校已經收了？是什麼類型？可能會結識到好的同學。

私人傳訊