少年成長今日: 0|主題: 16018

收藏本版

發帖

返回列表

跳至頁

查看: 3904 | 回覆: 3

家長日派成績表的煩惱 [複製鏈接]

csir3290

子爵府

積分: 12051

1^#

發表於 18-4-29 11:46 |只看該作者 |倒序瀏覽 |打印

本帖最後由 csir3290 於 18-4-29 11:46 編輯

上星期去阿仔阿女學校見家長兼攞成績表。記得我自己細個嘅時候都好驚家長日，最主要係驚成績唔好畀屋企人鬧，偏偏我通常就係考得唔好所以成日俾屋企人鬧，通常鬧嚟鬧去都係鬧我懶或者唔勤力讀書，就算有啲進步都好少會比人讚。可能上一輩家長比較少讚可能驚會讚壞啦！到而家自己做人家長，就會經常提醒自己唔好要對仔女經歷自己以前嘅唔開心，所以每一次家長日都會先諗下點樣講，然之後先至同阿女阿仔總括佢哋考試嘅成績。除咗要準確同埋有建設性之外，又要顧及到佢兩個唔好互相比較，所以其實都幾困難。我見到阿仔阿女其實都好在意我同老婆對佢哋嘅評語，所以我哋都會盡量去搵佢哋做得好或者有進步嘅地方，然後用正面嘅說話去讚賞佢哋等佢哋知道爸爸媽媽欣賞到佢哋嘅努力從而加強佢哋繼續做好。好似今次考試，呀女明顯比以前小心咗，啲字亦都寫得清楚咗，所以就住呢樣嘢我哋都講咗好多正面嘅說話去讚賞佢等佢下次考試繼續保持住。我同老婆都會鼓勵對仔女要努力改善，但係我哋都會話畀佢哋聽我哋在意嘅唔係佢哋嘅分數，我哋在意嘅係佢哋用咗幾多努力。至於佢哋做得唔好嘅地方，我哋都係會用正面嘅說話提議佢哋點樣可以改善做得好啲。總之唔理係佢哋做得好或者唔好嘅地方我哋都要好明確咁話畀佢哋聽，千祈唔好只係將佢哋做得好嘅地方歸因為佢哋叻或者聰明，做得唔好嘅地方就係因為佢哋蠢或者唔叻，因為呢啲係佢哋都改變唔到嘅嘢，反而我哋要教細路仔佢哋係有能力改變嘅，只要佢哋行嘗試同埋努力。所以每一次攞完成績表見完家長之後我都會同老婆兩個自己食個早餐諗清楚之後先至返屋企同阿仔阿囡傾佢哋嘅成績。因為成績表係其中一個好嘅工具可以去檢討同反省佢哋之前嗰段時間所付出嘅努力同不足嘅地方。唔知點解我哋呢一代做家長我總係覺得好似比上一代做家長困難好多，可能因為我以前細個畀人話得多所以而家會更加明白我對仔女唔鍾意聽啲乜嘢說話同埋希望聽到家長同佢哋講乜嘢啦！一張成績表可以令到屋企嘅關係即刻變得好緊張，但係同一張成績表亦都可以促成同仔女間良好嘅溝通工具或者係鼓勵仔女向上嘅推動力，點樣好好利用張成績表都係我哋做家長要好好學習嘅一樣東西。