吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 嬰兒醫護› 我真係好擔心我個囡

嬰兒醫護今日: 0|主題: 79141

收藏本版

發帖

返回列表

跳至頁

查看: 1175 | 回覆: 6

我真係好擔心我個囡 [複製鏈接]

9284

大宅

積分: 1852

1^#

發表於 09-3-26 10:38 |只看該作者 |倒序瀏覽 |打印

早兩個星期, 我自從幫阿囡 (8個月, 出緊牙仔) 換過一批新chu chu 奶咀之後, 佢就開始唔多肯啜, 以為新奶咀唔夠淋, 我就足足用左2日2夜時間去用滾水蒸 & 烚, 個奶咀已經淋左好多, 佢都係唔啜, 我已經cut大左個孔, 仲開多個孔比佢, 佢都係唔啜, 人地話可能係出牙仔厭奶期, 唔鐘意飲奶, 我就將d奶開糊仔比佢, 都係唔食, 以前飲開 180ml (6oz), 而家就清醒時, 一個鐘先飲得100ml(最多), 有時甚至 20ml, 訓著就好少少, 都要一個鐘飲 150ml, bk 媽咪話叫唔好擔心, 肚餓自然食, 但係佢飲唔夠奶, 大便又開始好硬, 一日仲無6塊濕片, 試問點可以唔擔心, 我迫佢又迫唔到, 佢唔飲就真係死都唔育啜, 可以"擔"住個奶咀半個鐘都唔同你啜一啖, 我有餵佢食粥仔, 佢好肯食, 但係一日都係餵2餐粥, 其他時間都係要飲奶架啦, 我為左餵奶呢個問題都喊過幾次啦, 我真係餵到個人好炆憎, 但我又真係唔知可以點, 有無人幫到我呀

0 0 0

私人傳訊

urme1997

男爵府

積分: 5550

2^#

發表於 09-3-26 12:32 |只看該作者

原帖由 9284 於 09-3-26 10:38 發表
早兩個星期, 我自從幫阿囡 (8個月, 出緊牙仔) 換過一批新chu chu 奶咀之後, 佢就開始唔多肯啜, 以為新奶咀唔夠淋, 我就足足用左2日2夜時間去用滾水蒸 & 烚, 個奶咀已經淋左好多, 佢都係唔啜, 我已經cut大左個孔, 仲 ...

你有無諗過換奶粉呀? 或者問下醫生意見

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

3^#

發表於 09-3-26 13:06 |只看該作者

有冇試過用番舊果d奶咀佢肯唔肯啜? 如果肯, 就唔係厭奶期, 係關奶咀事. 佢唔肯飲奶又肯唔肯飲水?一日唔夠六條片又真係有d擔心佢脫水呀.

私人傳訊

家家公主

翡翠宮

積分: 83762

畀面勳章 BK Milk勳章

4^#

發表於 09-3-26 13:22 |只看該作者

原帖由 9284 於 09-3-26 10:38 發表
早兩個星期, 我自從幫阿囡 (8個月, 出緊牙仔) 換過一批新chu chu 奶咀之後, 佢就開始唔多肯啜, 以為新奶咀唔夠淋, 我就足足用左2日2夜時間去用滾水蒸 & 烚, 個奶咀已經淋左好多, 佢都係唔啜, 我已經cut大左個孔, 仲 ...

出緊牙仔D牙肉痛唔想啜好正常...因為佢個口仔要用力啜.點到牙肉會痛...我個仔半年前出大牙成個星期只係肚餓到死先飲奶..其他水..飯..粥咩都唔要..總之一點到佢個口就推..果陣佢歲半到...
不過你話佢肯食粥..咁你唯有用匙羹逐DD咁餵啦...餵得幾多得幾多..D粥仔煲稀D...一路食粥一路飲粥水都OK架..呢個只係過渡期..好快無事架啦...唔使太擔心...

若問今世所遇，皆是前世的緣。今生寬以待人，來世皆是善緣。

私人傳訊

9284

大宅

積分: 1852

5^#

發表於 09-3-30 10:25 |只看該作者

星期六, 日, 我自己湊返阿囡, 呢2日全日對住佢, 每次餵親佢食野, 果種壓力真係大到唔知點講好, 總之就係好怕餵佢食野, 次次都好似買大細咁, 食就好彩, 唔食我都係預左, 但係心情就灰足一日

我已經無計住要幾多個鐘餵佢一餐, 總之星期六我餵左佢, 1. 三份一碗奶糊, 2. 幾啖蘋果, 3. 幾匙baby food, 4. 一舊仔麥包, 5. 唔夠3安奶, 6. 唔夠3安水, 全個星期六就係咁多

星期日: 1. 一舊仔麥包, 2. 幾啖木瓜, 3. 有3安奶, 4. 有3安水, 5. 有一樽baby food

佢食咁少野, 2日夾埋先得6塊濕片, 好在都有大便, 不過就幾硬下, 我已經試過煲唔同味的粥仔佢食, 佢一啖都唔so, 次次食粥好似叫佢去死咁, 我而家個人好down好down, 返到公司都無同同事講野, 好似個人趺左落谷底咁

私人傳訊

cat20

大宅

積分: 1045

6^#

發表於 09-3-30 11:08 |只看該作者

原帖由 9284 於 09-3-30 10:25 發表
星期六, 日, 我自己湊返阿囡, 呢2日全日對住佢, 每次餵親佢食野, 果種壓力真係大到唔知點講好, 總之就係好怕餵佢食野, 次次都好似買大細咁, 食就好彩, 唔食我都係預左, 但係心情就灰足一日

我已經無計住要幾多個鐘 ...

我真係好明白你感受嫁！事關我個囡由未滿月（三個星期）已經厭奶，由細到大都係用針筒 / 匙更總之無所不用，一屋都係奶樽奶咀！唔同牌子唔同咀唔同軟硬度都有！以前其他同月齡既bb（五個月）一餐已經飲到240ml奶（一日飲6餐）！我個囡係平均一日先飲 / 用針筒唧到200ml！可以一直捱到六個月，食糊仔/ 粥仔，已經覺得好好彩！我同你一樣！喊過好多好次！迫又迫過，忟又忟過！氹又氹過！佢要唔食都迫唔到！跟住六個月大時！姑娘話︰如果佢真係唔肯食奶就餵糊或者粥！我話︰無理由四餐都係粥嘛！佢話︰可以嫁！其實奶同粥一樣有營養，只要佢食到一日四餐粥都可以！我再問︰真係一日一支奶都唔飲，四餐粥都可以！佢好肯定咁話比我知︰係！只要佢食到！全粥餐總好過佢唔食！
跟住我返去就照姑娘咁教！只要佢肯食，咩都比佢食，唔飲奶，開糊仔，唔食糊，餵粥仔！果排佢真係好肯食粥嫁！所以唔好咁執著一日一定要有幾多餐奶！有時佢真係唔飲！你咪餵粥餵糊囉！再唔係佢果餐無胃口就由佢！佢可能出牙唔多想食呢！

呢排我囡囡食野又差返喇！因為佢下面出緊第三同第四隻牙，上面又出緊兩隻！所以又係唔肯食，但放鬆心情囉！你忟你喊佢都係唔食嫁！喊來都嘥氣！不如輕鬆d平常心囉！姑娘話︰我地既責任係比一個進食既機會佢地！食唔食，係睇佢自己無得迫嫁！既然我地盡左自己責任，制做左一個進食既機會比佢佢都要唔食！咁我地都無辦法嫁！唔洗心痛佢無野落肚！每個bb都好似set 左 program咁食幾多都一早set 好晒！佢認為夠認為仲有儲備就唔同你食嫁喇！放心啦！唔會有bb餓死既！佢肚餓一定會食！姑娘講嫁！聽完我真係放鬆左嫁！回想返！佢一出世都係咁啦！而家咪又比我捱得大佢！捱到可以食糊仔粥仔，我再捱下就可以食大人野lu！咪睇開d囉！

明天會更好呀！祝你bb食得瞓得仲要疴得！（咁我地做媽咪就最開心喇！）

**我家姐個bb不嬲食奶都好好！出世開始飲支奶唔洗15分鐘！佢四個月時我家姐無啦啦走去幫佢轉chu chu奶樽，點知食支奶就由15分鐘食到1.5個鐘！最後唯有用返舊奶樽咀先無事咋！不過只係一個案例話比你知，唔知關唔關事喇！

私人傳訊

9284

大宅

積分: 1852

7^#

發表於 09-3-30 12:01 |只看該作者

講真, 我到而家post個topic上bk forum, 都係想有bk mama 開解我, 比解決方法我都係其次, 我最想聽d比我個囡更差的case, 咁我個人就會relax一d, 起碼我見人地的case比我差都一樣湊得大, 唔係黑心, 而係同理心o者, anyway, 我真係好多謝你reply我咁大篇野, thx.