吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 分享在瑪麗生BB的歷程(已在1月BB室張貼....不喜勿看) ...

大仔大女媽媽會今日: 0|主題: 177860

收藏本版

發帖

返回列表

跳至頁

查看: 2884 | 回覆: 25

[2009年] 分享在瑪麗生BB的歷程(已在1月BB室張貼....不喜勿看) [複製鏈接]

hidecatcat

大宅

積分: 3447

1^#

發表於 09-2-7 21:05 |只看該作者 |倒序瀏覽 |打印

由於我原本的預產期是1月的
但最後BB DELAY左...所以我再黎呢邊2月媽媽室報多次喜!

等我講下個歷程先
1.1/2/2009早上11點見紅(粉紅一滴)....明知無乜野就唔入院啦

2.晚上11點半...見多幾滴...因為驚第二朝好早黎料...所以夜麻麻入瑪麗K9S

3.入到去當然係好生猛0甘無黎事幹.....果然..翌日(2/2/2009)的早上4點就開始陣痛...但都OK唔辛苦的..半個鐘左右一次(很輕微...大概係指數40左右)

4. 2/2/2009一直痛到夜晚...慢慢密左D....15分鐘一次..但個痛既程度已經去到100(當時開1度都無)....於是一邊行圈一邊玩生產球幫自己分心(醫生在傍晚6點例行巡房時睇過我..佢話如果無動靜就要催生..叫我執定野)

5.當晚...大概8點穿水了....醫生開鉗CHECK都確定左(重係1度)...佢話要再痛D先至算...於是駁機睇住2個鐘(10分鐘左右痛一次..但痛的程度係120)..但BB無動靜(普通生猛)...於是D護士就放左我不了了之..佢話痛到3分鐘一次先至通知佢地!(老公在探期知我穿左水..所以一直在病房外等我....唔敢走)
駁住機又要痛又唔郁得既情況..相信大家都知係乜野苦況!!!!

6.當晚唯有[等....寂寞到夜深]........行圈行到夜晚3點幾....頂唔順...訓陣先(當然...在每5分鐘痛到醒既情況係苦不堪言)...發既夢都同痛有關....哎.....等到5點幾已經唔多頂得順...又去行圈.....(之後叫姑娘CHECK左幾次...最多係1.5度...真係有排至生得...D姑娘簡直覺得我煩...但佢地知乜事而唔出聲)

7.探熱...巡房....做完了(當時大概7點幾)就準備出發去催生(早上9點)...已經唔知點解痛到全身震! 護士說產房只有兩個位...想催生就要快..如果唔係要等到下晝
個醫生好雞0甘吉左個黃豆位(手背打點滴位)....差D要重新再吉..:-( ...於是啦啦聲出發!!!!(早餐都無得食)

8.搶左架輪椅...SEND個SMS叫老公響門口STANDBY...然後執左D必需品直入產房!!!!(終於開到2度了!!!!)

9.入左產房....落左催生藥...佢話要慢慢滴等我適應喎....(我本人就是但啦...已經痛到傻)
老公就成日搞我果條管...佢話驚D藥落唔到去
一痛果下真係直達150!!!!!我當時真係脾氣極差...老公知我痛...成日同我講廣東話(佢唔識講廣東話的).."得架啦得架啦"...但我就成日回覆係"唔得呀...唔得呀"......
佢之後識得睇住部機..知道幾時比笑氣我聞...同埋幾時安慰我...叫我"呢度呢度..快D快D"(聞)
但有鬼用咩.....真係痛到喊左出黎(於是我投降...我要止痛針!!!!)

10.個姑娘好遲至比到我(其實係半個鐘內)..打左真係有效...可以以100度痛同佢對抗...同時可以休息下.....

11.點知果支針只係頂到2個鐘....(但係要4個鐘至打一個DOSE)......之後又係痛到想死(2分鐘至3分鐘痛一次掛...唔記得了)..但BB重未有出世既感覺....又無痾屎既感覺(當時大概4度左右)

12.拖到3點...痛到想死...叫佢比多次止痛..佢話唔可以打0甘密..拖拖拖到4點至打!
但用笑氣又點呢...我覺得我聞黎聞去都係口臭味(果朝未刷牙就入產房)..只係覺得臭同埋痛....哎.....

13.支4點鐘既針又夠鐘...8點幾...無效!...好痛好痛....我叫老公搵姑娘....我話好似無氣0甘...跟住佢話...係呀...樽野用哂....要拎過支(之後又話可能無貨......總之就1個鐘左右至比到支新野我啦)...終於又有番少少做人希望

14.姑娘一CHECK...話有8度..叫我再等下(12個鐘啦喂!!!!!)....唔好比0甘多力..如果唔係會爆開!!!

0 0 0

私人傳訊

hidecatcat

大宅

積分: 3447

2^#

發表於 09-2-7 21:05 |只看該作者

15.我真係理鬼得佢...有機會就"鹵"出黎(感覺良好)......但當然...因為十幾個鐘既關係...當然係只係痾到屎出黎..而唔係痾B(期後又人工穿水兩次...於是更加痛了)

16.如是這搞到成半張床係屎(已經唔理得0甘多)..我老公幫手執(因為姑娘唔係成日響房)

17.10點啦...我覺得有罐好似汽水0甘大既野好想由下體出黎...於是我又叫姑娘

18.佢見到我個陰道開開地..於是叫我比心機鹵多幾分力!!!!

19.我大聲叫話"唔得啦..我覺得下面撐開左!!!!"....叫佢搵人接生!!!!(佢一望..應該見到個頭殼...於是拿拿聲叫左成隊好似生化隊既工作人員入黎!!!!!)..佢叫我忍住...要吹氣...邊忍得住丫!!!!

20.佢地係0甘鼓勵我用力...額頭仔出現左...好辛苦個頭至出到黎(我感覺到眼耳口鼻經過產道既感覺)......由於頭仔好大..又出得快(我估15分鐘左右掛)...佢地剪唔切我既會陰...所以自己直出!!!出到去頸..真係可以抖一抖....(當時已經無乜力)...佢叫我努力D..因為要出埋膊頭(當時我已半死)

21.出埋個膊頭....佢地一拉.....下體熱一熱(出埋最後的水份)...佢地一掉個B上我個肚...我睇左一眼....好似未燒既豬仔0甘大隻!!!!

22.BB無喊...白色...我即時驚佢有事(當時淨係諗到呢樣..因為我打左止痛針…相傳會影響bb)...在吸左肺水...同埋捽左幾下之後....BB識喊了!!!

佢拎佢個下體我面前....問我女定仔.....我話係女之後...佢就拎走左BB了(回神望一望個鐘:22:43)..但醫療人員話係22:41....是但啦...我可能真係暈左一陣!

23.佢地幫我聯左針(少少吉吉..我照聞笑氣頂住先)....一條線聯過...吉左十幾下.....之後佢地就開始想拎個胎盤出黎..於是拎完臍帶血去驗呢驗路之後…就利用剩餘的部份作拉繩….想拉佢出黎!!!! 事敗後…繼續落催生藥加強版(快滴!!!)及打左d藥入臍帶叫佢甩出黎…….但大概十五分鐘之後話...[唔好意思..你個胎盤出唔到要入手術室]……

24.等入手術室大概有半個鐘...我打電話返屋企報喜後.....入手術室就半身麻醉(當時開心左....所以清醒不少....)...知該就做無痛分娩啦.....橫掂都要一次-_-“

25.醫生在我麻醉左之後..重同我傾住計…之後…佢就伸左成隻手入我個肚入面搵『盤』!!!(胎盤)

直情就係好似在搗雞雜一樣….一路話..嘩…你0甘大個胎盤梗係生唔出啦….(我問佢幾大..佢用一對好多血既手比一比….大概呎幾乘呎幾……)

26. 生完

27.插左尿袋….入K6S, 姑娘幫我用手響肚皮度按摩(趁我D麻醉藥未過), 按左半張床既血出黎(當然有用隔尿墊)同埋幫我放兩張衛生巾...當係敷料(當時係4/2/2009的2點正)

28.4/2/2009的早上…訓醒去刷牙…居然行得幾穩(坐直左個人…又響床邊企左陣)…..不過之後比姑娘發現我無通知佢地而自行落床…比人鬧我亂黎-_-“

29. 最後住到6/4/2009, 期間試圖去探BB餵人奶多次!!!(而家份量慢慢變多了…都安心了)

30. 出院了…好開心….(但由於屋企人並唔傳統….我當時即時要出去買送煮湯..買奶粉比BB食…)…當晚就痾左舊薯仔0甘大既血塊出黎(所以大家生完都唔好粗勞….真係嚇死街坊)

BB女出生時3.655公斤, 可喜可賀

私人傳訊

luilui007

子爵府

積分: 11304

3^#

發表於 09-2-7 21:30 |只看該作者

恭喜! 恭喜! 大隻B

私人傳訊

steplim

大宅

積分: 4278

4^#

發表於 09-2-7 21:36 |只看該作者

恭喜恭喜!! 生咗肥肥白白啲囡囡. 祝囡囡健健康康, 快高長大!!!!

雖然生產過程唔容易, 但都係已經過咗.

如果可以就俾心機餵人奶la.

私人傳訊

肥_妹_仔

大宅

積分: 1234

5^#

發表於 09-2-7 21:44 |只看該作者

恭喜! 恭喜!

私人傳訊

阿琪琪

複式洋房

積分: 391

6^#

發表於 09-2-7 21:51 |只看該作者

首先恭喜你,當一個媽媽真係唔易,因為你記得到全日既大大小小事,你個bb同我同月同日出世.哈哈,
我個細女都係瑪麗出世,不過係12月9號,我相信瑪麗係咁多個公立醫院既最好一個婦產科,我生大女時係屯門醫院,根本就係天堂同地獄,因為我生大女時,差點byebye,而當時生大女時根本都唔記得咁清楚,因為有段時間昏迷,你都可以記得咁清楚,我覺得呢D經歷,一世都唔會唔記得

原帖由 hidecatcat 於 2009-2-7 09:05 PM 發表
由於我原本的預產期是1月的
但最後BB DELAY左...所以我再黎呢邊2月媽媽室報多次喜!

等我講下個歷程先
1.1/2/2009早上11點見紅(粉紅一滴)....明知無乜野就唔入院啦

2.晚上11點半...見多幾滴...因為驚第二朝好早黎 ...

只要你三個第時孝順我就得喇.

私人傳訊

hidecatcat

大宅

積分: 3447

7^#

發表於 09-2-7 23:48 |只看該作者

原帖由 steplim 於 09-2-7 21:36 發表
恭喜恭喜!! 生咗肥肥白白啲囡囡. 祝囡囡健健康康, 快高長大!!!!

雖然生產過程唔容易, 但都係已經過咗.

如果可以就俾心機餵人奶la.

努力緊...半人奶半補奶粉(因為bb大隻...唔補奶粉唔夠飽)

人奶嘛...一次最多得一安(因為唔係第一日就餵人奶..而家加埋都唔夠十餐..未上到奶)

但就已經比佢個口仔咬到我好痛(塞唔入

)

私人傳訊

chili_li

別墅

積分: 754

8^#

發表於 09-2-9 08:28 |只看該作者

剩睇都緊張呀!thank you~

恭喜呀!

準備讀k1

私人傳訊

Jessie7826

複式洋房

積分: 395

9^#

發表於 09-2-9 13:38 |只看該作者

多謝妳的分享, 我都準備係瑪麗生, 2/27預產期, 睇完都緊張.....

私人傳訊

MaMaSteph

男爵府

積分: 8178

好媽媽勳章醒目開學勳章

10^#

發表於 09-2-9 14:21 |只看該作者

CONGRADULATIONS!!!!

though ur experience-sharing is slightly freaking me out (i'm expecting within the next 2 weeks) i'm so happy for u n ur new born baby girl!!

all the best!!

私人傳訊

applecarey

禁止訪問

積分: 9241

睛靈勳章

11^#

發表於 09-2-9 14:58 |只看該作者

提示: 作者被禁止或刪除內容自動屏蔽

私人傳訊

kitty_tang

男爵府

積分: 8243

陪月勳章

12^#

發表於 09-2-10 11:00 |只看該作者

恭喜. 好詳細. 你都好可以抗戰到底. 之前我由早上8:00 入院. 醫生叫我試生. 吊催生針.但都冇反應. 最后痛到晚上10:00多(開左2度).都幾痛.好難想像10度有幾痛.先人工穿水. 后來要緊急開刀.

私人傳訊

mimibooo

珍珠宮

積分: 39119

母親節2025勳章 2018復活節勳章開心吸收勳章 Xmas吸收勳章有「營」勳章叻叻勳章 wyeth冷知識勳章醒目開學勳章畀面勳章環保接龍勳章大廚勳章陪月勳章 BK Milk勳章

13^#

發表於 09-2-10 16:02 |只看該作者

hidecatcat

恭喜曬..你真不容易呀生個bb
你好好坐月
add oil

私人傳訊

hidecatcat

大宅

積分: 3447

14^#

發表於 09-2-10 16:44 |只看該作者

我無得好好坐月呀
因為期間重有幾個測驗同埋考試
不過我的屋企人會在我出門口時幫我睇住個bb
0甘我都放心d

另外
我而家上到奶啦
一日要用手榨20安(暫定目標)奶出黎...真係少d營養都唔掂呀!(靠佢自己食就真係喊死都唔掂...算把啦.....奶樽吧!)

bb仍然都係半人奶半牛奶
希望佢夠食啦

私人傳訊

mimibooo

珍珠宮

積分: 39119

15^#

發表於 09-2-10 16:54 |只看該作者

原帖由 hidecatcat 於 09-2-10 16:44 發表
我無得好好坐月呀
因為期間重有幾個測驗同埋考試
不過我的屋企人會在我出門口時幫我睇住個bb
0甘我都放心d

另外
我而家上到奶啦
一日要用手榨20安(暫定目標)奶出黎...真係少d營養都唔掂呀!(靠佢自己食就真係喊死都 ...

有20安,,都幾唔錯wo...
禁你自己小心身體,,唔好捱壞

私人傳訊

cpui_shan

大宅

積分: 2833

好媽媽勳章 BK Milk勳章

16^#

發表於 09-2-10 22:06 |只看該作者

我都係瑪麗催生,我要塞藥,我仲藥左2日藥之後人工穿水整個過程我痛左成2幾個鐘先生到亞B,我1/2同2/2塞藥,3/2人工穿水,4/2零晨2點幾先生到亞B女出離,我生佢出離都係幾分鐘,但係就痛成2幾個鐘,真係好辛苦,我係用冇痛,不過我覺得個便意係好勁,勁到你成日都覺得好想痀,好想痀.你老公有冇陪你生呀?