心聲留言

收藏本版
發帖
返回列表
跳至頁

首頁
12

尾頁
   0
cookie


王國長老

積分: 12237

王國長老


1#
發表於 04-10-26 17:11 |只看該作者

對住兩個囡, 湊到爆血管!!!

唉, 有時真係唔想成日兇兩個囡, 眼見佢地兩個成日都唔聽話又成日打交, 拳來腳往互扯頭髮, 我初頭都會忍下先分開佢地再續個同佢地講佢地邊度唔0岩, 邊個唔0岩就先講對唔住, 再唔係就分別將佢地兩個分開都唔同既房叫佢地個別反省, 但日子耐左佢地開始唔聽我支笛, 大囡仲識駁咀添, 有時真係要好大聲兇佢地佢地先聽我講, 唉, 有時都驚自己話話下會爆血管暈低左
試過有一次真係忍無可忍好似癲左0甘打細囡, 終於驚自己失控放低個囡俾目訓緊覺既老公睇住, 自己就落街買野抖下氣. :-( :-( :-(
仲有我最支持唔住係佢地兩個成日好少事就喊, 仲一喊可以喊好鬼耐, 好長氣, 真係好似奪命梵音0甘衝埋黎, 搞到我好多時都失, 有時我都會忍到, 但有時真係忍唔到.
(~'.'~)  (^.^ )*^-^*
私人傳訊

miffy


禁止訪問

積分: 30006


2#
發表於 04-10-26 19:06 |只看該作者

Re: 對住兩個囡, 湊到爆血管!!!

提示: 作者被禁止或刪除 內容自動屏蔽
私人傳訊

mclam


水晶宮

積分: 71818

畀面勳章 環保接龍勳章


3#
發表於 04-10-26 19:11 |只看該作者

Re: 對住兩個囡, 湊到爆血管!!!

多同少都一樣, 我得一個女, 當教佢做功課個時, 我簡直血壓暴升, 又唔聽人講, d 功課派返黎又錯, 又要改, 就黎考試, 我可唔可以做駝鳥~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~> 將個頭哩埋入泥裡面??
謀事在人，成事在天，個天先係最終揸"fit"人！！

你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。
私人傳訊

markli


別墅

積分: 734


4#
發表於 04-10-26 23:35 |只看該作者

Re: 對住兩個囡, 湊到爆血管!!!

mclam 寫道:
多同少都一樣, 我得一個女, 當教佢做功課個時, 我簡直血壓暴升, 又唔聽人講, d 功課派返黎又錯, 又要改, 就黎考試, 我可唔可以做駝鳥~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~> 將個頭哩埋入泥裡面??


mclan

哈哈^_____^妳認為多同少係一樣?

我話比妳知啦.....兩個同一個....真係有好大分別,教一個女妳血壓暴升,妳諗下要妳同時教多一個.......係吾係好得人驚呢^___^

私人傳訊

3loks


禁止訪問

積分: 1871


5#
發表於 04-10-26 23:44 |只看該作者

Re: 對住兩個囡, 湊到爆血管!!!

提示: 作者被禁止或刪除 內容自動屏蔽
私人傳訊

黎曼如


複式洋房

積分: 272


6#
發表於 04-10-26 23:53 |只看該作者

Re: 對住兩個囡, 湊到爆血管!!!

3loks：妳講得好啱！我都係咁對個仔(一餐半餐餓佢唔死)
:mrgreen:
私人傳訊

BB200200


瑪瑙宮

積分: 149882

畀面勳章 BK Milk勳章


7#
發表於 04-10-27 10:32 |只看該作者

Re: 對住兩個囡, 湊到爆血管!!!

好同意3loks 講法, 真係要言出必行。
你兩個小朋友幾大 ?? 可唔可以試下用獎勵方法, 或者會唔會係你有偏心,我家姐有兩個女, 一個10歲一個7歲,但係佢地兩個好似你兩個小朋友甘成日嘈同打架,我見我家姐爭係罵個大女,試過有時個細女駁阿媽咀,但係我家姐無罵佢,反而個大女駁咀個阿媽罵到飛起,我得一個小朋友所以無呢個經驗,但係有時佢地3個表姊妹玩, 我都會無偏私,如果佢地做錯我會照訓佢地,買野我會買3份同一樣。
我相信，真正在乎我的人，是不會被別人搶走的。無論是友情，還是愛情。

當你長大,你慢慢學會幾件事情:有些人不必理會,無論他說什麼,
做什麼,多麼幼稚,又多麼討厭,真的不需要在乎。

有些人永遠成不了你的敵人,不必抬舉他,這種人太看得起自己了,以為拼命攻擊你,
傷害你,就能夠被你所恨。
私人傳訊

Mummy


男爵府

積分: 5874


8#
發表於 04-10-27 11:33 |只看該作者

Re: 對住兩個囡, 湊到爆血管!!!

我都有兩件反斗星, 一個就黎4歲, 一個剛1歲, 我都預左第日會"壓力荷爾蒙皮質醇"超標架啦! 不過我一個仔一個女, 希望唔會好似同性咁打餐死啦。 不過而家我都係咁訓練個仔要錫妹妹, 幸好so far我個仔真係好錫個妹。

至於食飯方面, 我以前又係追住餵, 驚死佢餓親, 而家?? 我彩你都傻, 食就食, 唔食就咩都冇得食! :evil: 不過有獎有罰, 食得曬d飯, 就會有yogurt或者雪糕食, 就算要人餵都好, 都唔準周圍走, 而家要追住餵的話, 落得既下場就係比我o切!

由於好多教訓都係源於阿仔, 所以教阿女既態度要完全改變, 不能重滔覆切, 食就乜都質比我個女食, 5個月開始沖涼照頭用花灑淋, 出黎效果非常唔錯, 早知一早就對阿仔咁, 唔使咁勞氣。
美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE
私人傳訊

cookie


王國長老

積分: 12237

王國長老


9#
發表於 04-10-27 15:36 |只看該作者

Re: 對住兩個囡, 湊到爆血管!!!

BB200200,
我對佢地兩個一事同人, 買野都盡量買兩份, 但呂知點解好多時就算一樣既佢地都會覺得隔離碗飯香0的, 間唔中都僧爭.
總之邊個唔0岩就鬧邊個,
唉...............
(~'.'~)  (^.^ )*^-^*
私人傳訊

mclam


水晶宮

積分: 71818

畀面勳章 環保接龍勳章


10#
發表於 04-10-27 16:43 |只看該作者

Re: 對住兩個囡, 湊到爆血管!!!

markli 寫道:
[quote]
mclam 寫道:
多同少都一樣, 我得一個女, 當教佢做功課個時, 我簡直血壓暴升, 又唔聽人講, d 功課派返黎又錯, 又要改, 就黎考試, 我可唔可以做駝鳥~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~> 將個頭哩埋入泥裡面??


mclan

哈哈^_____^妳認為多同少係一樣?

我話比妳知啦.....兩個同一個....真係有好大分別,教一個女妳血壓暴升,妳諗下要妳同時教多一個.......係吾係好得人驚呢^___^[/quote]


所以我都冇勇氣去生第2個. ~.~
謀事在人，成事在天，個天先係最終揸"fit"人！！

你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。
私人傳訊

BB200200


瑪瑙宮

積分: 149882

畀面勳章 BK Milk勳章


11#
發表於 04-10-27 17:06 |只看該作者

Re: 對住兩個囡, 湊到爆血管!!!

[quote]由 cookie
BB200200,
我對佢地兩個一事同人, 買野都盡量買兩份, 但呂知點解好多時就算一樣既佢地都會覺得隔離碗飯香0的, 間唔中都僧爭.
總之邊個唔0岩就鬧邊個,
唉............... [quote]
我同事教我要打兩個一齊打(唔知得唔得,因為佢都有兩個不過而家好大,)
但呂知點解好多時就算一樣既佢地都會覺得隔離碗飯香0的, 間唔中都僧爭. --> 我會甘做 -- 再有發生甘既事,已後唔買野比佢地,等佢地無得爭,到佢地覺得點解媽咪見到D野或佢見到D野都唔買,就話比佢地知因為佢地好鍾意爭野,為免媽咪勞氣或你地姊妹/兄弟感情唔好,所以唔買,除非你地有一個好表現。你兩個小朋友幾大?? 如果好似我個女甘(今年四年班),佢二年班話比我知佢上堂好留心,點知考試唔多理想 :evil:
跟著我同佢講"你唔駛再同我講上堂有無留心,如果考試成績好就已經話左比我知你有無留心到,跟著下學期佢考試都O.K.
有左好表現,我都獎左份禮物比佢。
我相信，真正在乎我的人，是不會被別人搶走的。無論是友情，還是愛情。

當你長大,你慢慢學會幾件事情:有些人不必理會,無論他說什麼,
做什麼,多麼幼稚,又多麼討厭,真的不需要在乎。

有些人永遠成不了你的敵人,不必抬舉他,這種人太看得起自己了,以為拼命攻擊你,
傷害你,就能夠被你所恨。
私人傳訊

3loks


禁止訪問

積分: 1871


12#
發表於 04-10-27 23:19 |只看該作者

Re: 對住兩個囡, 湊到爆血管!!!

提示: 作者被禁止或刪除 內容自動屏蔽
私人傳訊

winwin323


男爵府

積分: 7952


13#
發表於 04-10-28 11:52 |只看該作者

Re: 對住兩個囡, 湊到爆血管!!!

3loks 寫道:
......我改o左[集體負責制]
初初佢地好多埋怨,
慢慢就培養佢地要:
[兄弟同心]
唔可以只顧自己,話之你死.
依家好似好o左d.

好認同, 呢個制度真係唔錯, 我相信會幾有效.
而家我得一個, 實行唔到 .
   
私人傳訊

cookie


王國長老

積分: 12237

王國長老


14#
發表於 04-10-28 16:03 |只看該作者

Re: 對住兩個囡, 湊到爆血管!!!

唉, 我個兩件大既4歲8個月, 細既就黎3歲, 日日都家無寧日, 隻佬就成日剩係識得怨我做乜成日鬧佢地, 又唔幫手睇住佢地, 我一行叫隻佬睇佢地一陣就實有損傷.
我試過同佢地講如果再爭任何野, 我就唔會再買野俾佢地, 又試過將佢地爭緊既野羅走, 話俾佢地知要爭既就兩個都無, 又試過要叫佢地輪住玩, 每人數10下就要俾對方, 開初佢地都好乖乖就範, 但耐左就完全忘記得一乾二淨 又試過獎罰制, 但有係新屎坑幾日就香左. 唉, 唔通真係要試您地講個招, 兩個都罰, 但我試過佢地會互相指罵[我都無曳, 點解鬧我喎?????!!!!!]
尋晚仲慶, 我只不過走左去沖涼之嘛, 就已經聽到佢兩個打交, 跟住細個個就大喊, 出到黎細既就話家姐打人, 大既就唔出聲, 隻佬就掛住睇報紙, 之後細囡就喊住0甘同我講話夾到手, 我咪問隻佬頭先細囡夾親咩, 個衰佬先識話頭先大囡唔俾細囡入房係爭吵間俾門夾到手羅, 跟住我咪坎入房鬧大囡,因為我之前已經同大囡講左唔可以隨便關門, 由其係同細妹爭緊既時候, 好容易夾到架, 點知隻佬又即刻加咀話唔關大囡事係細囡曳先, 大囡聽到就知有人撐佢. 唉, 我真係寧願隻佬唔好出聲好過. 到夜晚, 我教大囡做功課同練琴, 大囡又無心機剩係識得扭計, 我咪同佢講[您究竟想唔想返學學野同學彈琴, 想就要做功課同練琴, 唔係學過既野好快唔記得架喇], 大囡就出既絕招[喊, 喊, 喊.....]我就谷鬼氣話[唔好做唔好練目訓啦], 但大囡又唔肯喎, 咪死死氣做同練羅. 隻佬就一早帶眼罩上床就寢 之後見夜晚涼左咪叫大囡著多件目訓, 點知佢又唔肯仲喊得好大聲, 我咪唔理佢羅. 4佬終於驚醒仲話我做乜又整喊個囡, 我咪發火講[您自己問佢啦, 叫佢著多件之嘛], 跟住佢懶係慈父0甘乙水囡目訓, 我就好鬼嬲0甘就左出廳, 點知隻佬爆一句[都唔知您晚晚搞到0甘夜0甘辛苦為乜!!!]嘩, 佢唔講呢句都由至何, 一講呢句我真係把幾千把火, 心諗您咩都唔理整係將教囡既野交哂俾我, 我咪好慶0甘回番句[係呀, 我都唔知0甘辛苦為乜呀!!!!]
到半夜12點幾1點佢走出廳同我講[細路學野要睇佢地有冇心架, 唔迫得架, 佢地喊就唔好迫佢喇.]我就話[0甘您黎教啦我唔識教喇]佢又無出聲走番入房臨尾仲就加句[您自己諗下啦]唉, 我真係好鬼谷氣, 鬼唔知唔迫得咩, 但大囡就係成日以喊要脅, 真係要嗌一句佢先肯郁, 隻佬平日又唔理, 到見到佢喊就話我, 有時我唔理交兩個囡俾佢, 佢又求求其. 真係好鬼谷氣
(~'.'~)  (^.^ )*^-^*
私人傳訊

BB200200


瑪瑙宮

積分: 149882

畀面勳章 BK Milk勳章


15#
發表於 04-10-28 21:31 |只看該作者

Re: 對住兩個囡, 湊到爆血管!!!

睇完之後我都覺得好慶 :evil: :evil: 我老公好似你老公甘,初初教個女讀書又係教都唔識,甘咪打佢,每次打完個女,個老公就話我手重(我係尊登,因為我要個女怕比我打,甘搵起膝條佢都會驚)甘我就話不如你教,佢就無聲出,所以每次我打個女我都叫我老公出街或者去廁所(因為我個女知道老豆撐佢)。
如果甘睇, 你有無每次佢地打交或爭野玩你第一句就罵佢地,可能你無時間同人傾計個人又(敏),無形發左脾氣唔知,我有個提議 : 當發生甘既事,你試下心平氣和,做個中間人,同個大女傾如果調轉角色你會點(引導佢諗,可能你會話未久5歲佢會唔會諗,甘你可以試下帶佢去諗,我個女都係甘教佢,等佢當調轉係對方佢會有物野感受),另外如果有時大女做岩,例如佢自己可以自動做功課或練琴,可以同細妹共處有一段時間(係無打交或嘈),甘你用讚賞,因為我覺得比獎賞更好,佢會覺得你留意佢,學琴真係唔可以迫,係要佢自己覺得要去做,前一排我個女泳會個教練話幫我地出信入學校泳隊,但我個 女都無入,因為佢今年參加左好多課外活動,佢驚自己體力透支,所以佢話今年唔入,所以我地都唔迫佢,等佢自己選擇,不過會響則邊加意見,因為佢仲細,唔可以甘快比佢自己渣晒主意。你試下甘樣可唔可以幫到你,仲有如果每次你老公出聲,你就叫佢收聲當幫忙
我相信，真正在乎我的人，是不會被別人搶走的。無論是友情，還是愛情。

當你長大,你慢慢學會幾件事情:有些人不必理會,無論他說什麼,
做什麼,多麼幼稚,又多麼討厭,真的不需要在乎。

有些人永遠成不了你的敵人,不必抬舉他,這種人太看得起自己了,以為拼命攻擊你,
傷害你,就能夠被你所恨。
私人傳訊

家熹媽咪


子爵府

積分: 14907


16#
發表於 04-10-29 00:22 |只看該作者

Re: 對住兩個囡, 湊到爆血管!!!

Honey :

你都話慘呀!你都不知幾合皮呀!有工返,對佢地既時間只係短短幾個鍾,陰公,我對足隻嗅豬24小時,簡直令我超級精神分列呀!不如交換黎揍啦!哈哈~~~睇吓邊個出事先!

重有,好鬼掛住你同你對寶貝呀! :mrgreen:
朱家有個小豬B,人人叫佢做家熹!
【醒世文】- 頭四句父母不親誰是親  不重父母重何人  你若重他十六兩  後代兒孫還一斤 千兩黃金萬兩銀  有錢難買父娘身  在堂父母百年稀  生時不孝死後悲
私人傳訊

cookie


王國長老

積分: 12237

王國長老


17#
發表於 04-10-29 17:23 |只看該作者

Re: 對住兩個囡, 湊到爆血管!!!

BB200200 :
唉, 可能我兩個囡都真係仲細, 好多時好似明又好似唔明0甘. 我都試過同大囡講類似既說話[而家妹妹搶您野, 您唔鐘意, 打您您又覺得痛, 佢搞您0的野您又唔鏗意, 換轉您0甘樣對妹妹, 妹妹都會好似您0甘唔開心存嘛]大囡當時會明架, 但隔一段時間佢又唔記得架喇.我好多時係佢地爭野既時候先分開佢地再問邊個搶先, 之後再同佢地訓話. 唉, 成日同佢地講同一個道理, 講都講到口臭呀
打令,
您終於回魂喇, 唉, 總之對住0的細路真係心血少0的都唔得呀. 真係得閒要搵靜心補補呀 :mrgreen: :mrgreen: :mrgreen:
您隻佬既生意好嘛, 又無搵阿珍妮呀???
(~'.'~)  (^.^ )*^-^*
私人傳訊

HoHoDaDa


禁止訪問

積分: 1035


18#
發表於 04-10-29 17:53 |只看該作者

Re: 對住兩個囡, 湊到爆血管!!!

提示: 作者被禁止或刪除 內容自動屏蔽
私人傳訊

BB200200


瑪瑙宮

積分: 149882

畀面勳章 BK Milk勳章


19#
發表於 04-10-29 22:50 |只看該作者

Re: 對住兩個囡, 湊到爆血管!!!

cookie,
我仲以為你要等兩個女sleeping左才可上網(講少),小朋友甘細個記性無甘好,佢地要好似你係個錄音帶甘成日講,所以我個女聽得多(鹽)我煩, 佢就唔駛我再講,我諗你要有恆心,唔好甘易放棄,因為到佢地再大到唔受你控制,可能仲更加激氣。
Take care :-P
我相信，真正在乎我的人，是不會被別人搶走的。無論是友情，還是愛情。

當你長大,你慢慢學會幾件事情:有些人不必理會,無論他說什麼,
做什麼,多麼幼稚,又多麼討厭,真的不需要在乎。

有些人永遠成不了你的敵人,不必抬舉他,這種人太看得起自己了,以為拼命攻擊你,
傷害你,就能夠被你所恨。
私人傳訊

mercy_mama


男爵府

積分: 9761


20#
發表於 04-10-30 02:23 |只看該作者

Re: 對住兩個囡, 湊到爆血管!!!

My son (8 yrs)also make me want to die :evil: :evil: :evil:
He always lost the stationery in the school. Up to now, already lost 5 rubber, 14 pencils, 3 pen, 2 rulers(Because I already have a book to keep record, how much he lost).
He never remember the things about school(except play). 駁咀is 強頂. One day, I ask him which page will dict. on the next day, then his answer is "關於默書呢個問題，我都唔係太清楚".
死未！
:-D 我於七月四日在廣華醫院出世 :-D 4/7 = 3.27Kg 13/7 = 3.7Kg 4/8 = 4.2Kg 23/8 = 5Kg
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見