吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 事業家庭是否真的好難兼顧?

在職全職今日: 18|主題: 48018

收藏本版

發帖

返回列表

跳至頁

查看: 4014 | 回覆: 11

[在職媽媽] 事業家庭是否真的好難兼顧? [複製鏈接]

厚多士

伯爵府

積分: 17029

1^#

發表於 18-6-8 18:31 |只看該作者 |倒序瀏覽 |打印

入職兩年多，本身阿head都幾睇我，我亦幾喜歡份工作，所以也很努力工作。但上年阿女入左小一，佢間學校好谷好多功課，我開始每晚放工後都要睇功課同佢溫書。考試測驗期間又要拎annual leave 溫書。不過自問返工時也是全心全意，但我真的很疲累。今日同阿head食lunch, 佢話覺得我工作表現下降了，多左甩漏。佢話公司計劃開一個管理職位，會係我同另一個未婚同事兩個考慮。
佢話知我有小朋友要兼顧(阿head都係冇結婚的，其實從佢平日傾計，佢會覺得D媽媽級同事為了仔女好over. )
佢話也明白做媽媽的會很上心仔女的事，但如果我想上位，有些東西一定要犠牲。佢話論經驗同跟客戶的關係，我係優勝的，但另一位同事就好有效率同細心。佢話你之前都可以做到，希望我可以去番之前狀態。
有時諗，是否做左媽媽就好難拼搏？定我能力問題？
我有時諗，未婚同事放工後就去做yoga, 按摩，facial, 而我就立刻飛回家睇功課溫書，十點幾先搞掂個女瞓著，才有小小時間做自己野，第二日六點三又要起身。連annual leave都要用來溫測驗考試湊女。
其實體力不是好累，但精神上好累。未做媽媽的話明白，其實又點會真係理解?
阿head話你對個女太上心，要學識放手！唉! 佢小一咋，我點放手呢？我睇小陣，俾c6同佢溫書對功課就即刻交漏功課同不合格！
我好想樣樣都做得好，但我好攰，感覺好似一盤被抽乾水快枯萎的植物。

有冇同路人?

0 0 0

私人傳訊

啤梨腰小姐

別墅

積分: 678

2^#

發表於 18-6-8 22:01 |只看該作者

厚多士發表於 18-6-8 18:31
入職兩年多，本身阿head都幾睇我，我亦幾喜歡份工作，所以也很努力工作。但上年阿女入左小一，佢間學校好谷 ...

JM, 要係工作同自己的仔女之間作決定真係好唔容易, 心靈一定係好攰啦.... 辛苦你啦依段日子....因為要照顧小朋友, 唔夠體力應付工作, 都係好正常嘅事....
睇得出JM已經好努力去平衡家庭同工作...

家人會唔會可以為你分擔照顧小朋友的責任嗎?
你自己係想照顧小朋友, 定升職多D 呢?

私人傳訊

begoodtome

大宅

積分: 4231

3^#

發表於 18-6-8 23:24 |只看該作者

厚多士發表於 18-6-8 18:31
入職兩年多，本身阿head都幾睇我，我亦幾喜歡份工作，所以也很努力工作。但上年阿女入左小一，佢間學校好谷 ...

我朋友一樣，最後佢決定外判仔女學業俾功課班。由小一差啲要留班，到而家升小四媽媽冇野要跟。我覺得，問心，有幾鍾意份工。如果鍾意，就諗吓點幫小朋友而唔係chur自己。我朋友覺得唔使糾纏係學業，反而關係更好。因為放工時間仲多左心機親子。或者阿女俾人教仲work呢！加油

點評

wcpcelia

發表於 18-6-23 20:32

私人傳訊

queencorn

大宅

積分: 1213

4^#

發表於 18-6-9 12:00 |只看該作者

你阿頭講得啱, 有D野, 真係無可能魚與熊掌兼得, 而家呢個時候, 你應該問自己, 你有幾想上位, 又有幾想搞個女D野

好似樓上JM咁講, 將功課外判出去其實可唔可行呢? 始終自己教自己對, 一唔小心, 尤其係身心都疲累既情況下, 有時真係有可能對個女發脾氣或者語氣會不自覺地差, 反而比人教, 對自己親子關係都好D, 而家既小學課程同我地年代唔同啦, 放手比人教可能效果真係會仲好

你阿頭未結婚未做人阿媽, 講真, 就算口講話明都好, 唔多唔少一定會有偏差, 人人教養方法都唔同, 外人真係好難明, 所以你就唔好對佢呢D說話太上心啦, 而家你都係同你老公傾下先, 聽下佢點諗都好吖

私人傳訊

Bbtvsvod

大宅

積分: 3134

5^#

發表於 18-6-10 14:05 |只看該作者

我小朋友就升小一，而我份工返工時間太唔穩定，今個星期返足星期一至日，一日休息時間都冇，我仲要今朝搞晒個仔既功課，先可以出門口，幸好奶奶幫下手，如果唔係，工都返唔到，因為老公又係成日幫唔到手。

所以之前同老公講，要搵一份時間穩定，但寧願人工少D既工作，當身邊所有人以為你捱到，但其實你根本捱唔到時，你自己唔出聲，係冇人會幫你出聲。

私人傳訊

hamsterma

伯爵府

積分: 19137

6^#

發表於 18-6-10 16:23 |只看該作者

厚多士發表於 18-6-8 18:31
入職兩年多，本身阿head都幾睇我，我亦幾喜歡份工作，所以也很努力工作。但上年阿女入左小一，佢間學校好谷 ...

有家庭就係唔一樣嘅，自己都明白

私人傳訊

lammi2012

男爵府

積分: 6503

BK Milk勳章

7^#

發表於 18-6-14 10:16 |只看該作者

回覆厚多士的帖子

我見好多JM都話功課外判出去，我非常唔認同呢個講法。除非小朋友係特別頑皮唔專心比父母教功課，否則，父母有學歷有能力，呢個責任都應該自己去負的。生得出黎唔係乜都交託比別人，除非係要搵錢咩起頭家，工作太忙忙到不能抽身顧及子女。

唔係淨係生出黎陪佢地玩開心下就叫生養，養係要包括佢地既心智，德行，自律，呢D全部都要每日點點滴滴咁去教。係呀..交比人教功課可能好勁好叻，但what's the purpose?就係為免傷感情？如果父母係有耐性去教既人，教佢地功課溫習係會培養出更好既感情，更有品格既小朋友的。

私人傳訊

PYChow

大宅

積分: 3589

8^#

發表於 18-6-16 08:45 |只看該作者

queencorn 發表於 18-6-9 12:00
你阿頭講得啱, 有D野, 真係無可能魚與熊掌兼得, 而家呢個時候, 你應該問自己, 你有幾想上位, 又有幾想搞個 ...

其實上司一定想下屬吾好分心，但做人丫媽又點可以吾理仔女專心工作？我都是掙扎緊

私人傳訊

farm712

男爵府

積分: 7455

9^#

發表於 18-6-16 17:05 |只看該作者

回覆樓主

其實你阿頭作為一個未婚的人，已經非常體諒你。起碼她會坐下來好聲好氣同你傾。她很好。

我是同路人，我自己就無咁好彩，公司大部份係男人，唔明女人在家庭中係不可取代的。我返工已經勁辛苦，返屋企又係另一份工。。。你要取得平衡，唔好捱壞自己。

至於可否外判功課，就睇你自己。我有朋友係事業有成的女律師，外判功課後，反而親子時間多了，無咁為功課名次傷親子關係，一年兩次旅行。當然，事業又可專注發展，而且又多些家庭收入。你自己衡量下。加油。