少年成長今日: 0|主題: 16054

收藏本版

發帖

返回列表

跳至頁

查看: 3894 | 回覆: 2

對唔住 [複製鏈接]

csir3290

子爵府

積分: 12247

1^#

發表於 18-6-24 12:55 |只看該作者 |倒序瀏覽 |打印

本帖最後由 csir3290 於 18-6-24 12:55 編輯

前幾晚兩姊弟又各自為咗對方唔小心整到自己而唔開心。首先細佬開門嘅時候唔小心整到家姐，家姐堅持要細佬道歉，細佬冇講對唔住，我哋要佢講後來佢仲攬住我哋喊，原來佢講得好細聲家姐聽唔到以為佢冇講。跟住到家姐玩玩下嘅時候，整跌咗細佬啲積木跌到散曬。就到細佬要家姐道歉，今次到家姐認為自己冇唔啱只係口冇心所以唔肯道歉。後來我哋都係要家姐道歉終於家姐又係喊曬。兩件事睇起上嚟都係好小事，但係我同媽媽都覺得小朋友要懂得自己同人道歉非常重要。呢件事入面我哋睇得到原來兩姊弟唔道歉嘅原因都係覺得自己冇做錯。終於借呢次機會我同兩子弟講，解釋畀佢哋聽有陣時道歉唔係一定因為做錯咗嘢，有陣時道歉係因為禮貌，就算唔係自己有心整到人但係我哋都要為咗整到人而道歉，呢個係有冇禮貌嘅問題。自細我哋已經教佢哋兩姊弟無論乜嘢原因，總言之整到人你就要主動同人講對唔住。希望佢哋兩個都學到禮貌。我同佢兩姊弟講，因為我哋係佢哋嘅屋企人所以先至對佢哋嘅包容比較多比較大，如果我哋唔係佢哋屋企人係一個陌生人，佢哋自己唔識得講對唔住就會畀人哋鬧覺得佢哋冇禮貌同冇家教。我哋唔想咁樣，所以自細就已經要教佢哋識得道歉。但係原來小朋友非常之重視道歉，因為佢哋覺得道歉就表示自己做錯咗嘢。我再解釋畀佢哋聽有時唔係對與錯嘅問題，就好似我哋搭車如果喺好逼嘅時候整到人我哋冇心但係因為整到人我哋都要道歉。我同佢兩姊弟講喺剛才嗰啲事上面，我哋冇人鬧佢哋亦都冇人話佢哋做錯，我同媽媽都只係堅持佢哋要因為整到人而道歉根本就冇人話佢哋兩子弟做錯嘢。當佢兩姊弟明白原來我哋唔係責怪佢哋做錯嘢，佢兩姊弟就願意同人哋道歉。另外我哋亦都同細佬講道歉係要人哋聽到，道歉唔係自己講咗人哋聽唔到都算。我話就算你講咗人哋聽唔到，人哋都會當你冇做到。我同佢兩個講其實本來好小事。只係需要道歉就已經可以解決咗個問題，根本就冇人做錯嘢。但係就係因為佢哋各自都唔肯道歉最後就變成咗禮貌嘅問題。冇禮貌就一定係錯，我哋教佢哋兩子弟希望佢哋以後會懂得自己同人道歉。我同佢兩姊弟講我話就算係爸爸爸媽媽有陣時唔覺意整到佢哋我哋都會講對唔住，爸爸媽媽就係要你哋明白當整到人嘅時候道歉係必需要做嘅。如果自己做錯嘢就更加一定要道歉，就算唔係自己做錯只要係因為自己嘅原因整親人都要道歉呢個係禮貌嘅問題。我同老婆都知道要教小朋友道歉唔係淨係用把口去叫你道歉，而係由小朋友細個開始就要做畀佢哋睇無論邊個做錯嘢只要整親人，有意或者無意都要主動道歉，就算係爸爸媽媽整到佢哋都要道歉。只有由細個開始教佢哋，小朋友先會有禮貌做錯嘢會主動道歉。係而家嘅社會我哋好多時都見到一啲好少嘅問題，就係因為各自堅持自己冇錯唔肯道歉，到頭來搞到越嚟越大問題，其實自己做錯嘢又好自己有冇心都人都好，肯道歉係一個基本嘅禮貌。有啲人就係覺得道歉就係認輸或者自己做錯所以死都唔肯做。我唔想我對仔女將來長大畀人鬧冇家教冇禮貌，所以做父母唔好無謂咁堅持住自己嘅專嚴以為喺仔女面前自己一定啱曬，我哋嘅仔女都係學緊我哋，如果我哋自己以為自己乜嘢都啱曬唔肯認錯我哋嘅仔女將來會變成點呢？做家長唔好只係要仔女追求卓越成績，我覺得比起嚟品格更重要。