心聲留言今日: 0|主題: 17579

收藏本版

發帖

返回列表

跳至頁

查看: 3253 | 回覆: 7

如果你打算買分體冷氣機的網友，真心想同你分享 [複製鏈接]

amdwii

大宅

積分: 1046

1^#

發表於 18-6-28 23:55 |只看該作者 |倒序瀏覽 |打印

如果你打算買分體冷氣機的網友，真心想同你分享一隻日本牌子冷氣機的質量和服務。

上年裝冷氣，因某牌子廣告成日話自己全港銷量第一，加上日本牌子，所以我就有信心買部分體機放房廳，房就裝另外一隻日本牌子（好彩冇裝死一隻牌子）。

上年3-4月裝機，裝機(Model CCK)後，因天氣唔係好熱，試下著部機，直到6月先用部機，一開機就發現部機唔凍，即call 日本牌子師父，個師父一來就話雪種問題，話我個裝機師父裝得唔好，於是call 裝機師父再裝過雪種，但一樣唔凍，廠師父就話個師父偷雞冇抽真空，於是由廠師父裝過雪種，又係一樣唔凍，跟住佢地又話我個廳大，好彩我買機前，上過佢地個官網睇過，我個廳要2匹機。佢地派職員上來度我個廳（已感到呢間公司推卸責任），跟住冇聲出，部機的問題一直未解決，整唔到又唔肯換機，經過多翻跟CS主管x交涉後，終於肯換機，不過我要自己給錢搭棚架，最初我覺得好唔合理，佢的機質量差，有乜理由要我給錢搭棚，不過我衰心軟，想盡快解決，自己給錢搭棚架。裝完新機( Same Model CCK)都已是10月中，心想下年暑假有好日子過，可以舒舒服服。

點知今年6月一開機，部機就唔凍，又漏水即時打去落call叫師父上門維持，又寫email給個CS主管x『舊年跟佢聯絡』。

個師父上到機，只係度一下電流，跟住就話等公司覆我，我就問佢乜事，佢話電流低，雪種唔夠，我就話部機係新機，上年由你地公司裝，唔夠半年就壞。師父話明日有人會覆點處理。

點知一直冇人覆，佢地個電話打極都打唔入，一味話忙路繁忙，叫我地寫電郵去，我試過不斷打，打左好多次先打到，個CS話明日有人覆我，我就要求部門主管x覆我，又寫email去主管x度。結果都係冇人覆，由星期一找個主管x到星期三，都冇電話，又冇電郵回覆，直到星期三放工前，才收到主管x電話。

主管x話部機漏雪種，問我部冷氣機的喉用左幾耐，我回覆全新，仲有上年換機的時候，我都問佢需唔需要換喉，佢都有覆我話唔需要，依家就話喉有問題，擺明想推御責任，跟住就同我講，要拆散熱器去維修，要我搭棚，話公司可以幫我搭棚，給個八折為，$4000棚費，我即刻覆後，我找人搭棚都係$2000.不過我話冇理由係我給錢搭棚，你地廠部機用唔到半年就壞，冇理由廠機質素差，壞機要由個客去承擔廠的責任。我拒絕搭棚，他就話冇法幫我維修，跟住我話要上佢上級反映，給意見，主管x話我係佢的case,佢就代表公司，不用找上級，他不會給上級聯絡資料。

如果你睇完我的內容，有相似的情況，有冇乜方法處理，我覺得我冇理由要給錢搭棚，如果給錢，我就索性換牌子，以後唔用呢個牌子所有產品，不過我條氣又唔服，冇乜理由用部機唔夠半年，間自稱全港銷量第一的日本公司，唔負責任去害人。機差唔緊要，客服就得好，都話服，客服主管都衰過人，又以為可以隻手遮天。

如果你係呢間公司的職員，請你話給你的高層知，呢個真係公關的災難，我會用唔同的途徑，把我的經歷話給人知，因為你地公司的產品質素真係好半，客服又差，你地落幾多錢賣廣告都冇用，口碑差。

如果你打算買呢間日本公司的產品，我勸你唔好買，免買後受家人指責.,家人駡到七彩