話咁快就第二日啦，我地去左Teseum，一間teddy bear嘅museum，入去睇下熊仔公仔咁
呢到附近仲有其他館睇，成個區域叫中文觀光園區，每個館都係要比錢，可以黎之前睇下邊啲館自己有興趣再去
我揀左啲得意嘅影比大家睇
有teddy bear版嘅titanic you jump i jump
連白雪公主都有lol
仲有灰姑娘添
行到咁上下又係一啲買野嘅地方啦，不過都有啲貴同埋唔係特別吸引就冇買到啦
個到仲有間cafe，可以係入面休息下，之後就去左食野，係一間好普通嘅餐廳到食菜包飯，不過好好食
之後就去番teseum隔離嘅play kpop到睇下
有好多碟睇，有新有舊，可以搵下有冇啲自己識嘅歌手
有席捲全球嘅bigbang，之後入左去睇左個類似演唱會嘅野，都幾新奇，好似真係係你前面咁，然後都會同觀眾
有啲互動，都幾有趣，得閒嘅都可以去睇下，個演唱會都睇左成差唔多半個鐘，啲effect幾勁幾靚下
之後去左chocolate land到睇下，不過都真係幾細
玩到攰就可以過對面嘅Yellow Cafe飲下野坐下
成間野都係賣香蕉味嘅野
成間野個裝修都係黃色為主，好似隻蕉咁哈哈
我飲左杯banana latte味道還好，但搞勻左之後就冇乜香蕉味，一開始未搞個陣就蕉味勁啲
坐左陣之後，我地就去左睇孤立岩，好似係濟州黎講係幾出名，都幾靚，黎到濟州唔係唔睇下海下話
睇完之後，我地就去左西歸浦每日偶來市場，不過我個人就認為普普通通啦，冇咩特別
咁樣就完左第二日啦
第三日一開始我地就去左三代湯麵會館食豬肉湯麵，呢個真係好好食，仲會經常上電視，唔貴仲要好大碗
食完野之後，我地就去左濟州民俗自然史博物館到參觀
勁長
室外都有野睇，不過太熱了
連呢到都有cafe，到底韓國人係有幾鍾意飲咖啡，不過又多個地方比人行完係到休息下，都好嘅
行完呢到就去左國立濟州博物館，係啊又係行博物館啦
個頂好靚
呢到有得坐低睇片，睇鎮海樓嘅歷史
最後呢到就有唔同濟州島嘅相砌成嘅濟州島形狀
去左中央地下商業街，但其實冇特別，如果趕時間嘅我覺得可以唔洗去，大係幾大，不過我完全冇睇啱嘅野
我會覺得去首爾買仲開心，呢條街都唔多人行，之後去左隔離嘅東門市場買手信，
其實東門市場同西歸浦每日偶來市場都差唔多，如果趕時間嘅可以二揀一咁去
之後食埋個晚飯就係時候番香港啦;(
個天好靚，有機會嘅話我一定會再黎濟州，真係好靚！
發表於 
返回列表
