YKU_123 發表於 18-10-26 09:45 
岩岩k1, 初頭1個星期佢返學好開心（可能返幾個鍾適應班） , 日日同我步行20分鐘返學都好願意 ！一個月後 , ...
整張卡, 準備靚靚貼紙/ 印仔, 同佢講, 每返1日學, 就會貼/吸 一個。
儲齊5個(1星期) , 就會同佢去邊度玩。唔一定係買禮物或去好貴既樂園, 可以係公園/圖書館都得。
試下咁樣, 會唔會等佢覺得有趣味D。
同埋放學多D問下佢, 今日老師有冇讚你呀? 有冇咩開心事呀?
如果佢話冇, 你咪話, 啊~唔緊要呀, 你明天返學, 睇下有冇開心事, 如果有呢, 記低佢, 放學話我聽。
媽咪陪唔到你返學, 但都好想同你分享。如果冇, 都唔緊要架~ 等你有開心野個陣, 你再話俾媽咪知都得架~
唔好成日問佢有咩唔開心, 當然, 佢講唔開心既野, 你都可以開解下佢, 同佢講:
我都明呀, 媽咪細個時都係咁架~
成日諗婆婆帶我去玩就好啦~ 不過後尾, 我喺學校識到朋友仔, 我又覺得返學好開心喎!
(如果佢話佢冇朋友, 你可以話, 我都唔係一開學就識到架, 要返佐一段日子, 大家熟落佐, 先會做到好朋友。)
其實媽咪都有唔乖既時候架, 老師一樣會鬧我架~ 我都會唔開心, 不過知道唔岩, 唔做, 老師又會對我好好。
通常小朋友聽到媽咪細個都係咁, 佢會覺得好奇, 開心, 原來媽咪同自己一樣。
Childhood is journey, not a race.
發表於 
返回列表
