2017年9月，自從佢好大力推左我入廁所，想打我果一刻開始我已經死心，好害怕和佢單獨相處。我為了阿囡，繼續和佢相處落去。但我和佢的教育觀點出現大分岐。
我地分開是事實了，但我們沒有認真坐下來冷靜去商量過阿囡撫養權、管養權。因為一傾到呢方面問題佢會失控。我十分害怕。
我地冇註冊，但阿囡出世紙上有爸爸名。原本公屋度係我個名，但佢同阿囡住係果度。方便阿囡返學。之前還有婆婆去接囡囡返學放學。現在佢沒有和我商量過，即刻幫阿囡申請退學(全日制)和轉校(半日制)，及申請外傭(未到港、據說8月份會來港) ，及打算今年內會搬屋。
我十分擔憂，因為我不能接受阿囡才4歲大，要由星期一至星期五除了上幼兒園外，還要每天去學習班，星期六由早上9:30參加各項學習班至下午5點。星期日早上9點跳舞、去教會、去爺爺家、去學遊水。甚至於已經安排各項活動到今年尾。
我試過和佢相議，星期一至星期五，可以去學習，但星期六日休息時間請交回我照顧，但佢要求我跟足佢安排。我拒絕。
我現在十分迷茫，想拿回阿囡管養權。請問我應該怎樣做？
阿囡依家四歲，大部份時間係我同婆婆湊大。我想問下，個撫養權會係邊個架？
佢人工、教育程度都高過我，
我已經尋找社工幫助去協調，但因為非婚生子女，我唔知個法律程序係點樣，我想通過法律，去拿回阿囡管養權，我經濟上，人手上都可以照顧到阿囡。請問有好的律師/免費法律諮詢嗎？
我應該點做啊？求求你地，幫幫我！
發表於 
返回列表
