吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 太嚴厲?????

心聲留言今日: 10|主題: 17503

收藏本版

發帖

返回列表

跳至頁

查看: 2129 | 回覆: 15

太嚴厲????? [複製鏈接]

bebe_c

大宅

積分: 1032

1^#

發表於 04-11-3 13:03 |只看該作者

太嚴厲?????

好心痛呀,尋晚罰亞仔擰耳仔罰企左半個鍾呀 (亞仔得3歲):-(
事原係尋晚同亞仔做工課嘅時候,佢唔專心,咁我就收起佢d工課唔洗佢做,點知佢眼金金咁望住我,跟住去左入房鎖門,過左一陣,佢出黎同工人講佢搗晒d野,原來佢搗晒支bb油入廁所,我老公跟住攞滕條想打佢,佢即刻大喊話以後唔敢,跟住我老公叫佢伸隻手仔出黎打,佢好驚唔敢伸,當時我已經心痛到死啦,跟住我攞左支膝條,冇打佢叫佢擰耳仔罰企,佢一路喊一路企,成半個鍾,最後我幫佢洗臉,比支水佢飲,佢即刻認錯話以後唔敢......跟住我入房勁小我老公,因為我唔鍾意佢下下攞滕條打佢,因為小朋友係越打越唔怕,而我個仔個性格係要用軟工的.....尋晚我成晚都冇訓,好內疚,好想抱下個仔,但我成八個幾月肚,抱唔到.............. :-(
係米對個仔太嚴呢??????

私人傳訊

ian723

珍珠宮

積分: 41111

畀面勳章環保接龍勳章親子達人勳章

2^#

發表於 04-11-3 13:33 |只看該作者

Re: 太嚴厲?????

可憐天下父母心!

唔好咁唔開心啦, 小朋友好快忘記.

如果我大聲鬧過佢, 炳過佢或者...總次對佢做左D唔好既野, 當心平氣和時我會同佢傾下發生既問題 -- 怕佢留下童年陰影.

私人傳訊

KITTYMAMA

伯爵府

積分: 18057

好媽媽勳章

3^#

發表於 04-11-3 14:00 |只看該作者

Re: 太嚴厲?????

bebe_c

你囝得3歲, 唔專心做功課都好正常, 俾多少少耐性佢, 或者俾佢抖一陣又再做囉. 佢可能又想做, 但又俾你收

私人傳訊

Vaseline

大宅

積分: 1266

4^#

發表於 04-11-3 14:42 |只看該作者

Re: 太嚴厲?????

bebe_c,

首先唔專心, 會不會旁邊有野令他分心?
如電視, 家人談話的聲音, 或窗外的景物,
我個仔(5歲)都好易分心,
後來朋友提議我把功課檯遠離窗戶,
再放細細聲純音樂, 果然有改善.

眼金金望住你, 會否不明白什麼是專心?
唔明媽媽為什麼生氣? 他只得3歲......
就算你解釋做功課的重要性, 他也不會明.
因太無切身關係了, 知識不能吃不能玩呀!

唯有自己入房玩(但鎖門太危險, 絕不可),
也許好奇的他想知道bb油倒入廁所會怎樣,
卻完全不知這是浪費及要清潔一番,
更沒想過會惹來打罵.
與其一路鬧一路教, 不如叫他一起清潔收拾,
雖然會污糟, 大人更要多做些功夫,
但可以讓他承擔責任, 最多之後幫他徹底洗手.

需好好同老公傾下, 教仔兩公婆真係要有共識,
打罵可收到即時效果, 但對小朋友的負面影響
會比想像中長遠.
好多時罵仔女, 都係因為大人按不住自己脾氣,
練下自己的EQ , 仔女EQ 都會高 D!

唔好太內疚, 比仔女激親, 邊個父母未試過?
但需唔需要咁激氣呢? 有時大人都需要反思.
大家一起學習, 共勉之.

私人傳訊

家熹媽咪

子爵府

積分: 14907

5^#

發表於 04-11-4 11:47 |只看該作者

Re: 太嚴厲?????

都唔算好嚴既,我身途好多朋友重嚴,只係睇返每個人都有把尺,而呢把尺既尺度都係每人不一,有D媽咪會有得個仔/女打人,拰計.發脾4,佢地覺得正常,冇問題,有D會相反,少少事就會打,會鬧,咁又唔代表佢地錯喎!因為佢地都係想D仔女好,所以,你唔好太上心,邊個做阿媽阿爸既,真係會有得個仔/女自生自滅架!當你既EQ控制得到時,自自然然會睇得到自己既教發,再唔係多D向唔同既朋友請教,吸收咗再"西"選返D出黎,果套就係你自己教仔既一套方法啦!加油呀,偉大既媽咪!

朱家有個小豬B,人人叫佢做家熹!
【醒世文】- 頭四句父母不親誰是親不重父母重何人你若重他十六兩後代兒孫還一斤千兩黃金萬兩銀有錢難買父娘身在堂父母百年稀生時不孝死後悲

私人傳訊

yammyma

大宅

積分: 4605

6^#

發表於 04-11-4 12:28 |只看該作者

Re: 太嚴厲?????

Vaseline ,

你既回應,令我獲益不少,昨日為功課問題先罵完個仔,真係要好好練下自己的EQ ,thanks!

[img align=left]http://www.dchome.net/emote/icon/548.gif[/img]

私人傳訊

nganmanc

別墅

積分: 905

7^#

發表於 04-11-4 18:39 |只看該作者

Re: 太嚴厲?????

我都係咁呀,唔知點解睇個仔做功課時,我會好"文憎",控制唔到自己!!有時都會好內疚,但真係忍唔到!!!

私人傳訊

pinkylee

伯爵府

積分: 19413

8^#

發表於 04-11-4 23:31 |只看該作者

Re: 太嚴厲?????

唔好講話做功課呀....
有時叫我個囡食飯,都要成日那支籐條先食幾啖飯炸~~~我都怕到時佢入學做功課又係咁,都唔知點算好呀........

私人傳訊

ChiWaWa

別墅

積分: 518

9^#

發表於 04-11-5 17:05 |只看該作者

Re: 太嚴厲?????

佩服、佩服！非常讚成！小妹正在學習中。

Vaseline 寫道:
bebe_c,

教仔兩公婆真係要有共識,
打罵可收到即時效果, 但對小朋友的負面影響
會比想像中長遠.
好多時罵仔女, 都係因為大人按不住自己脾氣,
練下自己的EQ , 仔女EQ 都會高 D!

唔好太內疚, 比仔女激親, 邊個父母未試過?
但需唔需要咁激氣呢? 有時大人都需要反思.
大家一起學習, 共勉之.

私人傳訊

Sindy

珍珠宮

積分: 34128

好媽媽勳章

10^#

發表於 04-11-6 19:11 |只看該作者

Re: 太嚴厲?????

三歲人仔,佢做功課,你應該陪佢的,佢唔專心,你咪叫返佢魂魄返黎囉,唔駛打/鬧的,咁搞完,仲唔駛做添,第時佢怕左做功課

私人傳訊

Smiile

子爵府

積分: 13634

醒目開學勳章畀面勳章貢獻勳章

11^#

發表於 04-11-6 22:14 |只看該作者

Re: 太嚴厲?????

是呀 ! 真的得三歲人仔，有些幼稚園未有功課ga.

Sindy 寫道:
三歲人仔,佢做功課,你應該陪佢的,佢唔專心,你咪叫返佢魂魄返黎囉,唔駛打/鬧的,咁搞完,仲唔駛做添,第時佢怕左做功課

以心開揚待人真晴朗笑容樂在心

私人傳訊

windflower

禁止訪問

積分: 18914

12^#

發表於 04-11-7 23:48 |只看該作者

Re: 太嚴厲?????

提示: 作者被禁止或刪除內容自動屏蔽

私人傳訊

SBB-theking

別墅

積分: 554

13^#

發表於 04-11-8 10:27 |只看該作者

Re: 太嚴厲?????

細路仔如果唔乖, 有時打下都要架啦!
因為唔係個個小朋友都識聽道理,
適當既體罰是有用的, 但最重要是不能過份啦!

私人傳訊

Vaseline

大宅

積分: 1266

14^#

發表於 04-11-8 15:10 |只看該作者

Re: 太嚴厲?????

windflower 寫道:
Vaseline

妳講得很好呀!我相信你的EQ已經達到最高境界,佩服!佩服!

不不不, 我的EQ不高 (IQ更低),
我從一個EQ很低的家庭出來,
家中(包括我)個個脾氣很大, 無商無量.
孩子的父母的鏡子,
但為左個仔, 我不得不改變自己.

從他 bb 開始, 我時刻提醒自己要冷靜,
把他看成一個人, 不是我的附屬品.
我反而覺得自己從他身上可學到不少.

如有一次我接他放學, 落車後掛住跟同學玩,
因為之後要帶他去畫班, 我催他走, 他說要玩多一會.
我說不行, 因為趕時間...遲到不對...等等.
他無反應繼續玩, 我忍不住大聲說: now !!!
終於他嘟著嘴跟我行, 一路不出聲, 直至到家樓下,
他說: 媽媽, 我頭先唔聽話, sorry!
我有少許感動, 說: ok, 你知道, 很乖
他再說: 但你剛才太無禮
我一愕, 心想: 什麼? 我未教訓你, 你先來投訴我?
他續說: 你不應該在街上大聲鬧我
我又一愕, 他說得對呀! 我傷了他自尊心!
我覺得要討論一下, 畫班遲不遲到已經不重要.
但我免失母威, 說: 我叫你走你不聽, 唯有大聲講.
他教我: 你應該行到我面前細聲解釋給我聽才對.
oh! 這正正是我一直教他的, 我自己卻忘記了!
於是我說: 你說得對, 我這次做得不好, sorry!
我們勾手指尾說下次大家都要做好d, 不要讓對方不開心.
我們擁抱一下, 他說: mommy, i love you.
i love you too son.

終於這次真的遲到了. 但我們沒失去什麼, 反而得到一些.
父母要有權威, 但有時都要放低自己.

這次我得到的教訓是:
放學時間跟課外活動時間不要相隔太近!

私人傳訊

bandband

子爵府

積分: 11510

15^#

發表於 04-11-8 17:34 |只看該作者

Re: 太嚴厲?????

其實做功課呢樣嘢真係唔可以用體罰去迫,你越係咁做,個人仔就越唔鐘意越怕做功課,因為做親功課實俾媽咪鬧同打...我都係一個好燥既媽咪嚟,我個仔因為有自閉問題所以好易心散,'陪'佢做功課時我都好忟架!熄哂電視佢都係好唔正經坐响度做功課,但係呢期我轉咗方式去陪佢做功課,兩公婆輪住陪個仔,個仔咁鐘意唔正經,我又照版煮碗咁以玩既方式去教佢做功課,數數目字咪同佢一齊數囉,佢寫啱咗隻字(就算係醜樣...),只要佢寫到,我就好誇張咁讚到佢天上有地下無,又攬又鍚,有時佢能夠自行完成所有功課(我地都有教佢同陪住佢),我地咪送吓啲小禮物俾佢作為奬勵(例如:糖,俾佢睇多一隻vcd),依家佢都幾合作,雖則次次問佢做哂功課未佢都話做哂(放學時問佢,佢講大話),但至少佢比以前合作咗同埋做功課都開心咗,都已經有唔錯既收獲,至少唔駛我地勞氣鬧佢又打佢啦~!