自從睇完”BB來了”
點樣去教育下一代, 我覺得更值得去思考
話說今日去左圖書館做圖書證,
就比我見到一幕港媽怒插職員
簡單啲講
就係港媽到櫃枱借書, 但由排隊開始就一直講緊電話
到櫃枱一刻, 依然講緊.
職員問借書定還書, 但港媽依然講緊電話
後面排隊既, 你眼望我眼
職員就多次提點港媽,圖書館唔可以講電話
港媽當然無理到啦, 繼續傾電話, 但又唔表示埋櫃位做乜
職員就放低左哩個港媽, 去開第二個櫃位接後面既人
港媽一見到咁, 可能心有不甘, 馬上收線
要職員馬上去”服待”佢
重點黎喇
可能係職員多次提佢圖書館唔講得電話
港媽就大大力插職員
我地哩D納稅人唔係比你鬧架,
你唔好係我個女面前咁大聲話我呀!!!
哇! 難度… 職員唔係納稅人?
值得深思既係…. 港媽想教囡囡要尊重
想職員尊重自己
但又有無諗到, 自己一直係度做緊D違規既野
仲大大聲覺得自己無錯
試問… 作為小朋友既, 又會學到啲咩呢?
上一代無學歷, 大大聲, 實屬明白
現今一代, 港媽學歷高左, 大聲既點就更刁蠻
下一代又會變成點呢?
https://www.youtube.com/watch?v=xlQJzEZslJk
發表於 
返回列表
