親子旅遊今日: 6|主題: 161749

收藏本版

發帖

返回列表

跳至頁

查看: 2645 | 回覆: 13

[日本] 分享石垣-西表島之旅 [複製鏈接]

syh913

大宅

積分: 1679

1^#

發表於 18-6-20 19:04 |只看該作者 |倒序瀏覽 |打印

石垣島真係一個美麗好地方！已經去第5次石垣本島的地方差不多都走過，今次認真探索外島-西表島，今次8天行程，主要分享在西表島住宿3日2夜，因為都上網睇好多資料，但好擔心中伏要留3天在島上。
頭一天爸爸有事不能一齊出發，甘我同亞囡揸車自己先去Puff puff cafe食個lunch再去shopping同去banner Park玩，第二天一早食完酒店早餐就去機場接爸爸同午餐再回酒店游下水同去大浴場爽下先，夜晚酒店仲有三味缐表演，好多日本本地人睇，得我地三人是遊客，可能晚飯時間遊客都外出食飯(因為再夜d飯後回酒店先有好多香港人check-in), 我地睇完表演再去食燒石垣牛，食飽飽抖足精神準備第三天出發西表島！
去西表島既船上午、下午各得4班，我地就搭上午最尾班10:50的船，因為怕船滿，我地早1小時去到碼頭，下一班船要下午13:30，雖然在西表島第一天沒有參加tour，但都想下午在酒店hea下。
今次在西表島book左島上的星野集團旗下酒店，帶著小朋友應該安心一點，我在酒店網站有好多day tour(在碼頭都有西表島day tour但又要回碼頭集合價格又一樣, email佢地酒店既activity desk都有回應，所以安排左book第一天私家車遊覽下同第二天family day tour先(因為得1、2個團係3歲先可以參加，上午行瀑布或者獨木舟中午再去無人島野餐+浮潛)，我囡係吾行得之人，雖然大人想行山睇瀑布，但老公話獨木舟算，吾想抱佢行幾公里。

0 0 0

私人傳訊

syh913

大宅

積分: 1679

2^#

發表於 18-6-20 19:05 |只看該作者

syh913 發表於 18-6-20 19:04
石垣島真係一個美麗好地方！已經去第5次石垣本島的地方差不多都走過，今次認真探索外島-西表島，今次8天行 ...

本帖最後由 syh913 於 18-6-20 19:30 編輯

西表島day 1:
我地在碼頭搭10:50船，在碼頭店舗買定下午便當，吾知島上有無商店、便利店。12:00一落船酒店職員已經在碼頭迎接上旅遊巴送我地回酒店check-in上房，我囡有得自己搞歡迎飲品又好興奮，check-in已經confirm day tour但欠租車就立刻到隔離activity desk搞，她們很緊張又不好意思，服務真係不錯，不愧為星野集團旗下酒店，跟住前台人員上房介紹設施。
時間尚早我哋決定揸車去星之浜沙灘浮潛，之前已經買定浮潛水泡比亞囡，好彩酒店幫我泵氣，用口吹應該暈咗，揸車大概5分鐘就到，有啲似米原海灘，水比較深，珊瑚多魚大條，玩左個幾鐘頭就會酒店沖涼，我女又話想在酒店泳池游水，我就從酒店行沙灘行出去，好似私人沙灘咁，水清沙幼，沙灘好長，最緊要係一個人都冇。我地在酒店玩完7點就出返去頭先星之浜有間餐廳望著日落食晚飯，餐廳樓上是民宿，最靚既日落美景留左比住宿一泊二食的住客，我地坐隔離差不多姐...哈哈...之後再揸車遊覽一陣，老公緊係找釣魚位置啦，我地見有間小超級市場，入左買左1/4個西瓜可以在酒店消暑下。

私人傳訊

syh913

大宅

積分: 1679

3^#

發表於 18-6-20 19:06 |只看該作者

syh913 發表於 18-6-20 19:05
本帖最後由 syh913 於 18-6-20 19:30 編輯

西表島day 1:

本帖最後由 syh913 於 18-6-20 19:52 編輯

西表島day 2:
今日參加左親子獨木舟+無人島浮潛+午餐，check-in時酒店已經比左個靚靚file,入面有張溫馨提示表，指明集合時間同所需服飾，全程會有職員照顧，等你安心。我地9:30集合，所以8:30就落去餐廳食早餐，早餐不錯仲有適合小朋友玩和閲讀的地方添。之後就去酒店側既tour base集合，原來蒲內川就在酒店附近，我地今次親子獨木舟是很短程，是划艇到蒲內川入口的紅樹林，落淺水區介紹紅樹林生態再划去睇吓石化侵蝕，全程2.5小時，之後就回酒店休息半小時中午又再出發，今次只有我地一家三口，先專車送我地到白浜港再坐酒店私人船到無人島(叫Ida beach,其實是無陸路直接去到，要坐船到島上的碼頭再行10分鐘先到沙灘)，之前都擔心島上沒有公眾沖身、厠所設備，到達時原來酒店已經搭建左一個設施基地，有浮潛用品、游水、玩沙用品，仲有用木搭建而成嘅屋、枱櫈、沖身、廁所...供酒店住客專用。一到達2位一直帶我們的導賞員原來要兼任救生員，拿出一個營幕給我們放東西，又拿出每人一個冰凍lunch box，入面有冰凍菠蘿、1支茶、日式飯盒，實在太感動......本來叫我們可以拿木枱櫈在沙灘食，最後我地在叢林有枱櫈涼涼地，仲有吊床、千秋玩下休息，之後再出去浮潛，之後另一名職員帶左我老公出去再遠d的地方浮潛，我地在沙灘玩，4:30就回程，全日又車又船又救生員又導賞員，一家三口共20000円，真係抵到爛。
之後又立即book車，出左去酒店路口，inaba kitchen食晚餐，肉蟹意粉、煙野豬肉、炸海魚都好好味。

私人傳訊

syh913

大宅

積分: 1679

4^#

發表於 18-6-20 19:07 |只看該作者

syh913 發表於 18-6-20 19:06
西表島day 2:
今日參加左親子獨木舟+無人島浮潛+午餐，check-in時酒店已經比左個靚靚file,入面有張溫馨提 ...

西表島day 3:
在西表島最後一天，早餐後亞囡話又要在酒店游水，之後中午就落好大雨，原本揸車由上原港遊到大原港，去由布島坐牛車、山貓博物館、仲間川遊船。我地去左唐变木食肉蟹湯定食、墨汁魷魚湯定食，去到牛車站又沒有落雨好天起來，可以到由布島參觀植物園，之後又落大雨，我地已經沒有時間要坐尾班船及還車，爸爸見有時間就同亞囡在碼頭旁邊釣下魚，真係有好多魚上釣，亞囡好開心，西表島係可以再encore的離島，下次可以住耐d，跳島去鳩間島遊覽一天。