自由講場今日: 1632|主題: 1353762

收藏本版

發帖

返回列表

跳至頁

查看: 2255 | 回覆: 8

做左阿媽好少咁眼淺，但呢套戲成功令我眼濕濕 [複製鏈接]

Babychewinggum

民房

積分: 19

1^#

發表於 18-8-23 19:18 |只看該作者 |倒序瀏覽 |打印

本帖最後由 Babychewinggum 於 18-8-23 19:18 編輯

前幾日，本來諗住一家大細去睇個套吸血鬼酒店嘅電影嘅，因為之前都睇過頭兩套，咁見到有第三集咪去睇埋囉。但好可惜星期日戲院套卡通冇咩位。咁唯有轉睇第二套啦，就睇左《大師兄》(因為得佢個場個時間超靚，兩點半開場，食完飯成家去睇時間啱啱好)。
原本就唔係好知套戲講咩，但見trailer 應該都係青少年電影，應該似係GTO咁，老師教好壞學生嘅套路。

我入戲院之前就估套戲應該都okay 嘅，都適合細路睇，內容估計都係講下春風化雨，百年樹人咁啦。點知睇完係喜出望外！出乎意料地好睇喎！

我就覺得唔單只啱小朋友睇，連家長都可以享受到套戲嘅內容，好適合全家一齊入戲院睇！(但小朋友太細個，細過十二歲就留意返啦，因為入面都有打鬥戲，怕小朋友驚驚)

戲入面就話甄子丹細個原本係好壞嘅學生，大個左去返母校到教書，對住一班問題學生，逐個用心咁教佢哋做人處事。呢D我都估到嘅事節，原本以為都係流水賬咁去拍啦，點知套戲又真係拍得幾好睇喎！佢引入返好多本地嘅學生議題，有引入到學生自殺問題、父母子女關係。

我覺得都幾到肉，特別係我個仔都開始青春期啦，佢好似入面其中一個學生角色咁，日日機不離手咁打機，見到戲入面D父母就算係愛子女，但無法宣之於口嘅個種無奈真係好有共鳴。

真心覺得呢套可以成家入戲院睇下，family day movie 一流！場次唔算多，希望多D場啦！真係要趁早入去睇。

PS. 非打手，打完篇野感覺自己好似做左打手...但我一蚊都冇收過。只係真心覺得呢套港產片好睇想推介一下。就當我為宣傳港產片出分力啦...都好耐冇睇過港產片啦！