懷孕前後今日: 0|主題: 330516

收藏本版

發帖

返回列表

跳至頁

查看: 6631 | 回覆: 5

分享屯門陪月莫姨(長文) [複製鏈接]

ring_ring_hey05

複式洋房

積分: 117

1^#

發表於 18-9-6 02:23 |只看該作者 |倒序瀏覽 |打印

本帖最後由 ring_ring_hey05 於 18-9-6 10:17 編輯

想同大家分享下我請陪月的經歷。因為較急找。經人介紹揾到莫x儀，約50歲，莫姨。經過一次傾電話及見面，覺得感覺好好，所以用$22000，8hrs，請她做陪月。本人預產期8月30日。請咗佢之後佢向我請8月31及9月1日假。BB早左一星期出世。她有如常返工。她在請假前就係咁話怕我攪唔掂，佢話可以介紹個朋友頂尼2日。但佢朋友經驗少，而且只能每天返4hrs!所以我話不用，之後佢繼續介紹我請個夜晚陪月不斷推介佢啲陪月朋友俾我哋。雖然BB晚上唔訓要照顧，但我哋已請咗佢，夜晚我同我老公都搞得掂，覺得無需要，所以拒絕了。佢放完假返來(即工作第5天)，佢遲到，但佢無向我預告佢會遲反，我以為佢上堂(因為佢之前提過話報左課程，我可以配合佢上堂時間，大家協議好)，但我問佢，佢反應好大噤話佢唔上堂㗎喇，由尼日起，態度180度轉變，我問她野，佢唔應，我都唔煩佢了。到第6日，佢又遲到，同樣地同佢講嘢佢唔應，我實在覺得好無奈，午飯後我去休息。休息完佢就同我辭職，理由係佢屋企發生急事，表示好擔心。仲話就算冇事之後都唔會再接工作，我擔心她即刻叫她收工去處理屋企嘅事先，但佢話唔洗，話可等到收工，但在我休息期間佢係有心情將whatsapp頭象轉做BB相，下午多數在廚房玩電話，幾乎無出過廳睇下我BB，我感覺無奈但無辦法。如是者佢到第二天過來出糧，我提醒她交還住户証等東西時態度亦不好，她離開後即時block左我同我老公電話。
當初簽約佢喺張約定明6天試工，佢話唔駛收訂金，佢有咩要求我哋都盡量配合，雖然佢唔做，我哋金錢上係冇損失，但只覺得此人操守有問題，佢係咁selI其他冇乜經驗陪月俾我哋，話佢會同佢啲陪月朋友自己計反數，我哋唔駛額外俾錢嗰個陪月，感覺上無問題，但實際好大問題，因為係用佢嘅人工去計落少經驗陪月上，如果係，我哋就會用貴陪月價錢請經驗少的陪月。到最後，我要自己照顧一大一細，大家日後如要請陪月要小心謹慎，希望大家都找到個用心去幫手照顧媽媽同BB嘅陪月。