婆媳關係 今日: 0 | 主題: 27767

積分: 372

1^#

發表於 09-4-13 00:22 |只看該作者 |倒序瀏覽 |打印

我剛生左BB..是全職媽媽~
但湊BB好辛苦好累,我寧願返工又唔駛對住99
可是老公想我湊BB .. 同埋我依家都分身唔到去搵工,
只有繼續湊BB...
但我99真是好超級麻煩的人,成日俾說話我聽...有唔滿意就同個仔講....
我有時真是覺得好委屈

加上湊BB好累好辛苦,而且我一D都唔想過呢種生活.......

我竟然有想走的衝動,我是否好衰?

0 0 0

私人傳訊

心抱

子爵府

積分: 13095

好媽媽勳章醒目開學勳章畀面勳章

2^#

發表於 09-4-13 00:25 |只看該作者

你都係一下子無地方發洩姐,得閒黎bk發洩下,大把姊妹support你

今日既付出同努力遲早會見成果,吾會白費既

倦既就番娘家斗下氣

私人傳訊

積分: 372

3^#

發表於 09-4-13 00:31 |只看該作者

我好掛念以前的日子,現在要日日對住唔想見的人,又要聽埋D難聽說話....我真係覺得好難頂~:cry:

我C6返工時間長,係屋企又好少時間...佢唔會明白我有幾辛苦,有時我真好想放棄

生左BB又要做好媽媽,又要兼顧老公,仲要做醒目新抱.......
真係好累~~~~~

私人傳訊

積分: 372

4^#

發表於 09-4-13 00:33 |只看該作者

原帖由心抱於 09-4-13 00:25 發表
你都係一下子無地方發洩姐,得閒黎bk發洩下,大把姊妹support你

今日既付出同努力遲早會見成果,吾會白費既

倦既就番娘家斗下氣

我沒有娘家的~~我都想有自己媽媽可傾訴下!

私人傳訊

Cat1218

積分: 1690

5^#

發表於 09-4-13 00:34 |只看該作者

都唔出奇,因為好多99都係諸多意見的,佢地覺得自己做左咁耐人,咩都見過曬,咩都識,所以用自己照顧bb的方式放嚮你身上,你一有少少野做出來唔同佢的,佢就會話你,無辦法,d99實在太得閒了,如果你想自己開心d過,為有嚮你聽到d自己唔喜歡的說話的時候,笑笑口同你99講:"99,好多謝你的意見,我知道你好叻,但我都相信自己有能力照顧我的親生仔,希望你都尊重下我,等我自己處理返阿仔的所有問題,多謝你的提點."
次次都講返同一番說話,講到佢煩為止,鬥煩囉.

私人傳訊

Cat1218

積分: 1690

6^#

發表於 09-4-13 00:40 |只看該作者

你一定要試下講,因為d99就係"ha"你唔夠膽講呢d說話,但你講左都無咩唔正確呀,如果佢同你c6投訴,你就話:"無呀,我同99講唔好咁操勞,照顧阿b咁辛苦嘅野係應該由我自己做返.有唔正確咩,對你阿媽好都俾佢話呀?咁老公你教我點做喇?"

私人傳訊

angel_cheng

積分: 2000

7^#

發表於 09-4-13 03:55 |只看該作者

啱啱生完bb情緒係會有好大起伏架啦,而且揍bb又辛苦,又有好多人會係側邊俾意見,尤其係有經驗嘅老人家,我以前都係咁架,當時係表面無事,但係就覺得個個都討厭,夜晚又喊,同老公講,佢又話我食飽飯係屎痾,所以連佢都憎埋...
不過到bb3個月時比較好揍,咁我就慢慢無事啦,仲好奇怪自己之前嘅行為,之後去健康院,先知自己有輕微產後抑鬱,不過都係因為生完之後身體荷爾蒙嘅改變先會咁...
最好嘅方法就係遠離一d妳討厭嘅人同事,將內心嘅想法同c6講,希望佢配合,而且盡量多d休息,如果妳99想揍就俾佢揍飽佢,自己去瞓覺,雖然佢一定會比說話妳聽,但係都好過情緒一直處於緊繃嘅狀態,咁樣自己好容易會影響身體健康同揍bb嘅質素...
我之前就係因為成日收收埋埋,所以攪到輕微產後抑鬱,仲有埋厭食症,之後又因為發燒入左醫院住4日,到而家身體都一直唔好,所以我希望妳盡快解決妳嘅心結,可以開開心心揍bb...

私人傳訊

hailey姐

洋房

積分: 74

8^#

發表於 09-4-13 07:12 |只看該作者

紫水晶：

唔好唔開心啦，婆媳之間問題成日都有，唔算大件事嚟

我家都有個老佛爺ｏ架（個名係佢女婿背住佢改嘅，你就知佢幾利害啦），我同佢一直都相處得好好. 你遇到嘅問題自然都時時發生啦, 不過, 我好少理佢, 做乜吓吓同佢計較啫, 我地係大方嘅人嚟, 唔好同佢一樣咁小氣啦, 當聽唔到咪算囉

其實佢都唔見得開心ｏ架，到底兩個本來唔相干嘅人因為一個男人（佢個仔．你個老公）嘅緣故而要被迫朝夕相對喎，多多少少都有啲怨氣嘅，咁你咪敬老包容吓佢囉！

我就選擇咗自己做足一百分，唔會被機會佢入到位鬧嘞！雖然好鬼辛苦，但係屋企氣氛就好好，大家客客氣氣咁，哎．．．　算係okay啦！

佢個大新抱話服咗我咁忍得佢喎（佢哋兩個成日嘈．．．好煩．．．），唉，我唔係遷就佢而係催眠自己鍚佢同包容佢啫，點講佢都係我老公嘅亞媽，唔睇僧面都要睇佛面嘛，再講：橫豎都要同佢日對夜對嘅，我希望自己啲日子過得開心啲啫，佢都咁老咯，仲佢計較咁多做乜啫，真係好唔開心嘅時候，我就會返房聽一陣輕音樂，通常都會好快無事嘅．不如你都搵啲方法減壓吖，做個開開心心的新抱好過啦！

我真係明白錯不一定在於你，但係你大人有大量，唔好嬲咁多啦．．．．

唔開心就睇吓個ｂｂ，你會開心返好多ｏ架　＝）

老公唔幫你係正常ｏ架，怕煩嘛，所以唔好旨意佢呀！自己解決啦，千祈唔好因為奶奶影響兩公婆感情，唔值得．．．

仲有，我同你一樣都係無娘家可以返去呻ｏ架，不過，盡量令自己開心啦，就唔需要娘家support 啦

我哋都會　support　ｏ架！

[ 本帖最後由 hailey姐於 09-4-13 07:21 編輯 ]

私人傳訊

vvnip

積分: 310

9^#

發表於 09-4-13 08:45 |只看該作者

樓主: 湊bb和受99氣呢種辛苦, 講比c6或者沒有bb的朋友知是沒用的. 我講比c6知99好多說話, 佢話我多心想多左. 我同朋友傾訴, 佢地覺得我多餘, 有99幫仲嚮度多多事實. 我地做得好唔會有人讚. 做得唔好, 成屋人話你不是. 有時唔係想做錯, 只係我地新手媽咪, 點知咁多呢, 但係已經盡量做好, 卻換來比人投訴.
唔好同c6講太多99既壞話, 等佢在家時叫佢幫下手湊bb, 一來等佢知有幾辛苦, 二來男人既愛心要比佢參與至可以發揮, 佢湊bb多d, 自然會鍚bb和親身感受到你既辛勞.
上來呢度呻下啦, 只有同病相憐既人至會明白你既感受. 其實你都可以試下駁番99, 因為而家才剛剛開始, 現在不出聲, 日子耐左就當你無乜所謂, 講野唔會理你感受(呢個係我既經驗), 我地咪自己收埋收埋在谷氣囉.
加油呀, bb由你湊, 第日會好跟你, 成日媽媽媽媽咁叫你, 就心都甜晒啦~

私人傳訊

KoyeBaby

子爵府

積分: 12890

醒目開學勳章畀面勳章

10^#

發表於 09-4-13 08:59 |只看該作者

你啱啱生完,荷爾蒙改變之餘,對住個bb好多嘢需要摸索,心情唔好+煩躁梗有嘅~我當時對住個女咩都唔識,佢喊我又喊,我直情想掟佢落街算數(荷爾蒙影響)!不過湊耐咗,睇多d育嬰書,上網搵下資料,自己知識豐富咗就會放鬆好多!樓上位媽媽講得啱呀~3個月之後就好湊好多架啦!

加油呀~我諗你99係持住自己有經驗,所以多多意見!老人家係咁架,不過湊仔方法真係不斷更新中,事實上好多方法都已經out~你大可以同99講,係醫生教嘅,你只係跟醫生做法,好多99聽到都無聲出!適當時候係要表現出強硬架,有d事你明知唔做得就要企硬唔好容許99做!e.g.我6299喺bb4個月迫佢企,6個月迫佢行,我講到明唔可以,見一次我講一次,如果我唔出聲嘅,我個女對腳實出事呀!

其實你樂觀d諗,個bb係你一手一腳湊大,你可以見證住佢成長,將來可以大大聲同人講你湊bb嘅成就!同埋依家好彩係你自己湊,你99講乜唔啱嘅真係可以唔理,因為做嗰個係你!話事權喺你手,好過俾你99湊,明知佢湊得差都唔出得聲呀~

如果遇到唔開心/湊b問題上嚟講下呀,好多媽媽會支持你!發洩出嚟心情好d,湊bb都輕鬆d!!

私人傳訊

ross@hkbn

洋房

積分: 68

11^#

發表於 09-4-13 11:02 |只看該作者

想出去做野就唔好理佢地講咩喇
宜家唔去再過耐d
你想出去搵野做都難

私人傳訊

mapomama

洋房

積分: 110

12^#

發表於 09-4-13 13:02 |只看該作者

我情形同你差唔多,同佢屋企人一齊住仲有兩個姑拉..個個都想幫我話事,想幫我楂主意,如果駁佢地就難嘞,我一把口人地三四把口..我曾經想過離開,但為咗阿B我又屈住喺度過..同老公鬧親交都係關佢屋企人事,已經影响好多我地之間既感情....
有時一個星期會返一次阿媽度,同阿媽講.佢話想幫都幫唔到我..我都明白....
阿二姑拉仲要偷睇我個BLOG...我之前寫咗啲唔開心既事佢睇到哂仲講埋比99聽..唔知係咪想我死.

私人傳訊

vvnip

積分: 310

13^#

發表於 09-4-13 13:20 |只看該作者

原帖由 mapomama 於 09-4-13 13:02 發表
我情形同你差唔多,同佢屋企人一齊住仲有兩個姑拉..個個都想幫我話事,想幫我楂主意,如果駁佢地就難嘞,我一把口人地三四把口..

係呀, 我都有兩個姑9和99都成日幫我話事. 有次有個親戚問bb想學什麼樂器, 姑9竟然話 : 想乜都唔輪到bb話事, 係姑媽話事.
佢真係痴上腦

私人傳訊

Muimuipig

積分: 2361

好媽媽勳章醒目開學勳章

14^#

發表於 09-4-13 13:49 |只看該作者

啲99係咁啦，成日以為自己係最掂，只有佢先識湊BB，冇咗佢唔得咁。初初我99又係成日話我呢樣唔啱嗰樣錯，呢樣應該點點點，嗰樣咁咁咁...我一於唔理佢，我有我自己照顧BB。其實佢邊鬼識，淨係擺個99款，我睇書上網聽講座仲識得多過佢，佢見我冇理佢就收声啦!
紫水晶，我知道你好辛苦，但BB最需要嗰個係你，只有你最錫BB，冇人可以代替你，雖然係好辛苦，但只要你心機照顧BB，好快就見曙光。其它野你唔好理唔好諗，專注喺BB身上，多啲上黎BK分享，同屋企人朋友傾吓計，時間就過快，你睇住BB一日一日長大係好開心好滿足!加油呀!

私人傳訊

積分: 372

15^#

發表於 09-4-13 19:48 |只看該作者

多謝妳們~
其實我都是想傾訴一下,如果真係為左99就走..好似太衰~~
老公又不是對我不好,不過自己可能太辛苦鑽牛角尖啦...
我希望日子快D過,到時就輕鬆D

我都想同99和諧相處,不過99都是喜歡搵麻煩出來......唉

私人傳訊

溫柔

男爵府

積分: 6308

16^#

發表於 09-4-13 21:36 |只看該作者

有無可能搬開住呢?
我由5年前開始都變咗一個無娘家既人,不過我由始至終都未曾同佢C6既家人一齊住過,自己一家4口住係舒服好多,就算係幾辛苦都係值得

私人傳訊

積分: 372

17^#

發表於 09-4-15 14:01 |只看該作者

原帖由 hailey姐 於 09-4-13 07:12 發表
紫水晶：

唔好唔開心啦，婆媳之間問題成日都有，唔算大件事嚟

我家都有個老佛爺ｏ架（個名係佢女婿背住佢改嘅，你就知佢幾利害啦），我同佢一直都相處得好好. 你遇到嘅問題自然都時時發生啦, 不過, 我好少理佢, 做乜吓吓同佢計較啫 ...

做人新抱就算幾努力去做,好似都係99心中是不滿意的!!
我湊bb都已經很累又辛苦,我是新手媽媽...唔識湊都好正常,佢就成日唔放心俾我湊,我冇返工去湊bb,佢又驚我湊得唔好想我請人湊而我就出返去做野~~
唉..頂佢唔順,樣樣野佢都想話哂事......

[ 本帖最後由紫水晶於 09-4-15 14:10 編輯 ]

私人傳訊