Hi loveliness0131 ，已經1歲小朋友基本可以食大人食物，一般可以跟返大人一齊食早、午、晚 3餐正餐，媽媽大膽D引進唔同食材，新鮮、時令、多元化、高纖食材就最好，例如用顏色鮮艷同味道突出蔬菜煮熟壓成蓉(蕃茄、甜椒、菠菜、青豆、蘑菇)，製作芡汁或西式濃湯，交替進食唔同嘅穀類食物(爛飯/粉麵/薯蓉) 都OK。另外，已經1歲小朋友每日大約需要4-5杯(1杯=240ml)流質，包括清湯，好似黃豆南瓜/紅蘿白煲肉/魚(1斤以下)/雞(去皮)湯、蝦米/淡菜腰果仁節瓜煲廋肉湯、紫菜肉碎雞蛋花滾湯、菜心硬豆腐鯪魚肉滾湯都好簡單容易煮，大人和小朋友都可以一齊飲。自細建立飲水習慣係最好架，佢唔肯飲清水呀?
loveliness0131 發表於 19-1-14 17:53
你好呀，講得好詳細啊，但想問咁奶量每日應該飲幾多餐2餐? 你所講嘅湯大約要煲 幾耐架?小朋友飲水都係麻麻 ...
一歲小朋友主要營養來自固體食物嘅多元化營養，多咀嚼亦有助口腔發展，奶只係均衡飲食其中一部份，容易取得鈣質來源，飲奶過多有機會影響BB固體胃口，每日飲360-480ml已經足夠(2-3餐都OK)。唔少小朋友唔愛飲水，要俾時間佢建立飲水習慣，媽媽煲D粟米、雪梨、紅蘿白、竹蔗、做天然湯水，或者加片水果(檸檬/蘋果/梨)係水度增加香味都OK。 加油!
發表於 
返回列表
