少年成長今日: 2|主題: 16070

收藏本版

發帖

返回列表

跳至頁

查看: 5680 | 回覆: 0

無辜的港孩 [複製鏈接]

csir3290

子爵府

積分: 12313

1^#

發表於 19-3-10 11:54 |只看該作者 |倒序瀏覽 |打印

本帖最後由 csir3290 於 19-3-9 21:23 編輯

近排喺網上差不多日日都睇到有關香港小朋友嘅報道，例如有個媽媽問佢小朋友發燒上唔上到飛機，又有講話個媽媽同個小朋友喺麥當勞溫習嫌人哋啲職員傾計嘈住佢個小朋友溫習，又有個阿媽投訴話點解餐廳可以播音樂阿仔唔可以喺度練小提琴，最新仲有單話係個小朋友當輪椅升降台係遊戲機想玩，但畀個職員婉拒咗，咁就畀個港媽當住仔女面前用粗口問候等等嘅呢啲報道，講到啲港孩好麻煩。但係講真如果睇返內文你就會知道其實最麻煩係佢哋啲阿爸阿媽。我見到有個留言講得好到肉，個留言係話港女煩唔及港孩討厭，港孩討厭但係最煩最討人厭係啲港爸港媽。
好多人以為呢啲咁嘅行徑其實係啲阿爸阿媽為咗自己啲仔女可以不顧一切，乜嘢都以自己仔女為中心，但係其實你睇番啲報到有啲根本就係啲阿爸阿媽自私，好似發緊燒都唔應該畀個細路上機啦！其實唔係考慮緊細路仔最大嘅利益而考慮緊畀咗嘅機票同埋費用。上地鐵要叫個細路仔霸位，乜嘢都要自己個仔女做先等等，其實好多時呢啲行為佢哋未必係為咗自己仔女嘅利益而係為咗自己嘅利益甚至乎係自私。

好多人覺得啲港孩好討厭，但係講真有邊一個小朋友想做港孩吖，港孩嘅背後其實只不過係因為佢哋有啲好自私好麻煩嘅父母，即係俗稱嘅港爸港媽。呢啲父母成日都以為自己為咗啲仔女好，乜嘢都係要自己仔女為主，要全世界圍住佢哋嘅仔女轉，在他們的眼中只注意到自己的子女，所以佢哋從冇留心過身邊其他人嘅目光。但係喺其他人眼中呢啲根本就係啲蠻不講理自私同目光短視又狹窄嘅父母。佢哋以為咁係對仔女好，但最終只會令到所有嘅人都唔鍾意佢哋嘅仔女，錯嘅係父母承受結果嘅係仔女。佢哋唔係教緊仔女去適應社會而係令到自己嘅仔女畀呢個社會孤立。當佢哋將來長大要離開父母身邊嘅時候，仲有冇人當佢哋係皇帝一樣咁佢照顧呢？

冇細路仔想做港孩，只不過係佢哋嘅父母將佢哋訓練成為一個港孩，港孩係無辜嘅但係佢哋父母係佢哋啲仔女身上所做嘅嘢難聽啲講係作嘅孽，所有嘅後果除咗佢哋父母要承受之外，將來佢哋嘅仔女要幫佢哋承擔番曬所有嘅後果。所以港孩真係無辜嘅但係點解到佢哋大個要還嘅係佢哋自己呢？有港爸港媽已經咁大件事，如果仲有埋港爺港嫲，港公港婆，一個小朋友集6個港字輩高手之大成，後果可以有幾嚴重的呢？