骨類/牛骨會比較多動物性油份，煲成湯水過濾油份後煲粥仔會比較健康架，每食新的食材份量要由少開始，連續試3日，睇下BB會唔會有過敏呀。BB食到兩餐固體未?
irisyin13 發表於 19-5-17 09:54
Thanks!! BB已經兩餐固，但因為食得麻麻，好多時要補奶，所以想用牛骨或豬骨湯煲粥仔，希望佢肯食多小小.
...
唔好客氣 
引進多D唔同食材， 改變進食方式都有幫助架， 例如粉、麵(ABC 粉、通心粉、烏冬)，手握食物 (生果片/條、蕃薯、薯仔、 手撕麵包、 BB芝士)， 新鮮感多左，都可以增加BB進食嘅興趣， 仲可以幫助BB發展抓握，手、眼嘅協調能力添。BB有試過嗎?
irisyin13 發表於 19-5-17 13:42
有試過，但只係玩到成地都係。而且佢對雞蛋同牛奶都過敏
BB大左會容易被四周事物吸引，未有餓意， 對進食環境/食物無興趣都會食得唔專心，移開令佢分心嘅玩具，把握剛進食10-15分鐘，飲奶多係比較常見引致BB食固體唔專心原因， 儘量唔好補奶。試下用D顏色鮮艷同味道突出蔬菜煮熟壓成蓉(蕃茄、甜椒、菠菜、青豆、蘑菇)，製作芡汁或西式濃湯配粉/麵/唔同穀類食物都OK。如果BB 試過對某d食物敏感，建議每次加新固體食物時由份量由少開始，連續試3-6 日，睇下BB會唔會有過敏反應。加油
發表於 
返回列表
