少年成長今日: 1|主題: 16033

收藏本版

發帖

返回列表

跳至頁

查看: 4529 | 回覆: 0

識朋友 - 同學篇 [複製鏈接]

csir3290

子爵府

積分: 12136

1^#

發表於 19-3-16 15:52 |只看該作者 |倒序瀏覽 |打印

本帖最後由 csir3290 於 19-3-16 15:52 編輯

每一晚放工都會行過一條舊屋邨嘅球場，每一晚行過嘅時候都會見到有啲七八歲嘅小朋友自己喺度玩。嗰個球場都應該幾雜，因為我見到成日都有啲十幾歲嘅細路又喺度食煙講粗口咁喺度傾計聚集，但係我見到嗰班細路自己喺度玩嘅時候，望下四周圍又好似見唔到佢哋啲家長，咁即係啲家長畀佢哋自己喺樓下呢啲球場度玩。試過有一次我見到有幾個小朋友圍住另一個小朋友喺度蝦佢，有一個仲講曬粗口咁，全部都係十歲唔夠嘅小朋友，嗰次我都忍唔住要出聲話嗰班細路，佢哋著住曬校服我同佢哋講如果你咁樣蝦人，我就通知你哋學校㗎啦。咁嗰班細路仔最後先至行開咗，咁我就同畀人蝦嗰個小朋友講話你返去學校同老師講返屋企同家長講話你喺公園俾人蝦啦。
可能呢班細路仔嘅家長會覺得佢哋都差唔多十歲啦，應該可以自己去玩。呢個公園又喺樓下又唔使過馬路應該會冇危險，就算要扮都唔會拐啲咁大個嘅。所以就畀佢哋自己落去樓下玩。唔好淨係以為男仔先係咁，我都見到一堆堆嘅女仔都係十歲樓下都係喺度自己玩。可能係我過度保護自己對仔女又或者我太錫佢哋，所以我硬係覺得咁樣落去公園玩其實就算冇危險都唔係咁好，因為好容易群埋啲唔好嘅人。

見到咁其實我都會提醒自己，要幫自己仔女識朋友嘅重要性。我唔係話要介紹邊啲朋友比阿仔阿女識，但佢哋咁細個其實佢哋識朋友嘅地方不外乎學校，或者係佢哋玩嘅地方。所以我覺得我做家長嘅責任就係要帶佢哋去參與合適嘅活動，喺合適嘅地方盡量識到啲合適嘅朋友。

首先講學校，我對仔女讀小學可能影響都冇咁大，因為小學嘅同學仔好少會自己出街玩，多數嘅時間都係留喺學校。但係聽我教書朋友講當小朋友一上中學，最容易出事嘅就係中一同埋中二嗰個階段，尤其是當佢哋啲小學同學去到唔同嘅學校讀書，識咗唔同嘅朋友當佢哋一齊聚集嘅時候就會帶咗唔同嘅朋友出嚟。我朋友講佢見到啲中一仔通常學壞就係喺呢個情況之下識到啲唔好嘅人。家長就覺得佢哋由小學升中學已經開始大個，平時有接開放學嘅都唔再接，畀多咗自由佢哋。家長以前讀小學嘅時候可能識曬佢哋啲小學朋友，但係上咗中學因為家長放鬆咗，係初中嘅階段佢哋識到個朋友未必再係好似以前小學嗰啲咁單純，所以佢見到通常出事嘅都係中一中二。我朋友話佢見過啲啱啱升中一嘅同學開頭好乖好聽老師講好合作，但係因為群吓群吓出街玩得多，開始學到好多街頭嘅文化，甚至乎以前唔講粗口嘅都試過喺學校聽過呢啲學生講粗口。所以我朋友講佢通常都會建議啲家長係初中嘅時間，唔好咁快趣放手，要慢慢逐步逐步咁放，仲要識放識收，亦都要盡量認識佢哋仔女身邊嘅朋友。因為去到十二三歲嘅時間其實朋友對佢哋嘅影響係大好多嘅。

佢同我講如果我對仔女讀書成績好，搵到間好嘅學校就梗係要盡量幫佢搵一啲成績好嘅學校，但係如果成績麻麻地嘅話佢就反而建議我哋等阿仔阿女讀得冇咁辛苦，但係就要搵一啲校風比較好嘅學校，唔好淨係追求成績。我朋友成日都講讀書唔叻唔緊要，最緊要唔好行差踏錯唔好學壞，所以係初中嘅階段識啱朋友對佢將來嘅影響好大。我朋友同我講我將來阿仔阿女如果要升中學嘅時間，一定要用多啲時間去嗰間心儀嘅中學附近睇下佢啲學生，唔係喺學校門口睇而係喺學校附近嗰啲公園球場商場睇，觀察下呢間學校啲學生平時嘅言行舉止係點，多唔多呢間學校嘅學生喺附近啲地方流連同群啲乜嘢人。我朋友成日同我講，初中嘅小朋友如果因為群錯朋友而學壞，佢學壞嘅速度係可以快到我哋想像唔到，明明以前又純又乖嘅小朋友，可以眨下眼一兩個月之內變咗另外一個人。所以佢話搵學校成績未必係最緊要，嗰間學校嘅學生嘅品行先至係最緊要。如果間學校係緊張自己學生嘅品行比起嗰啲只係盲目追求成績嘅學校，對個學生嘅成長更加重要。

可能有家長會覺得咁樣講只係因為啲學生成績唔好，啲學校先至會緊張佢嘅品行，但係以我朋友咁多年教書嘅經驗同我講，佢話成績只係能令你容易啲進入呢個社會嘅入場券，但係佢將來嘅發展其實最重要嘅係佢嘅品行。冇錯成績好可能真係會令你容易啲得到機會，但係呢個只不過係初初進入社會嘅情況，之後當喺社會上面發展嘅時候能唔能夠得人賞識，人哋會唔會畀機會你，到最後係在於個人嘅人品係點，係咪有責任感，有冇禮貌，肯唔肯承擔，呢啲同成績就未必真係有直接嘅關係。我個朋友成日都講係人都想搵到一間成績又好品行又好嘅學校，但係當要喺二者入面擇其一嘅時候，我個朋友就話注意品行嘅學校重要好多，因為十一二歲嘅小朋友喺學校嘅時間隨時多過喺屋企，同學同埋朋友對佢嘅影響力將會越嚟越大所，以家長要小心幫佢選擇學校嘅朋友。