藝人黃宗澤（Bosco）離開無綫後，於內地及香港都發展相當不俗，自從簽約成為邵氏兄弟公司經理人合約藝人，更拍攝多部電影及劇集，認真賺到笑。除了擁有自己的娛樂公司及餐廳外，懂得投資的他多年前已於香港買樓，近年更轉戰馬來西亞等地。與陳嘉桓傳緋聞的他，之前被指雙雙到馬來西亞旅行，其實他除了到那兒開會，原來還睇新樓盤，繼續物色「新竇」。
撐住拐杖都要睇樓
Bosco已揼本過千萬在馬來西亞擁有四層樓，全部更是新樓盤，他受訪時說：「我成日都過去㗎！嗰度好多新樓盤，耐唔耐都會飛過去睇！我不嬲好鍾意買樓，喺嗰度都已經有幾層。（諗住Keep住買幾多層？）當然愈來愈好，哈哈！睇啱嘅唔怕再入。」問到在彼邦置業有何要求？他說：「地段好、發展商好同有信譽，佢啲樓好多包晒裝修、傢俬，好正㗎！買咗租畀人，等升值都開心啦！」早前拍戲傷腳要做手術的他，至今仍要撐着拐杖行路，笑言「跛」住都要去買樓：「撐拐杖都要睇樓，都要食飯㗎！」
今次心水單位，只看裝修已經很吸引，Bosco都讚口不絕：「依家馬來西亞啲樓個價唔係十分高，有升值空間，我都係向任達華哥哥學習，個個地方都買吓！」向來孝順的他，樓宇除了自住外，還會給黃媽媽旅遊時入住。其實他在港亦有買「磚頭」投資，問到開餐廳的他有否打算買舖時，他說：「香港啲舖太貴喇！我有買工廈，租畀人又有，自己做Office又有，我又有咁鬼多衫，用嚟擺衫都要。」
[p=28, null, left]樂易玲睇好小方「錢」途
另外，方力申自2016年跟太陽娛樂約滿後，近日終於決定做「有腳雀仔」，跟邵氏兄弟簽約，小方受訪時說：「去年底我接拍電影嗰陣，同樂小姐（邵氏高層樂易玲）傾得好投緣，所以一拍即合。」簽約當日，樂易玲特別選了一間以金蛋設計牆身的餐廳跟小方簽約，寓意他將會成為公司的「金蛋」，有黃金星途之餘，也為公司賺大錢，她說：「認識咗小方咁多年，一向覺得佢係潔身自愛、循規蹈矩嘅後生仔，好樂意為佢爭取更多工作機會，令事業更有聲有色。」
黃宗澤搵筍盤緊要，撐住拐杖都要去睇！
莫非仲一齊睇樓？
黃宗澤買咗樓會租畀人等升值，諗起都開心。
邵氏高層樂易玲喺一間以金蛋牆設計嘅餐廳同小方簽約。
黃宗澤早前被指與陳嘉桓到馬來西亞拍拖。
發表於 
返回列表
