吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 我的16個月奶媽之路（長）

母乳餵哺今日: 0|主題: 85707

收藏本版

回覆發帖

返回列表

跳至頁

查看: 6957 | 回覆: 13

我的16個月奶媽之路（長） [複製鏈接]

kamanbaby

複式洋房

積分: 118

1^#

發表於 16-3-3 13:23 |只看該作者 |倒序瀏覽 |打印

我一直响BK都係睇文多，好小好小會留言或出帖，不過今次真係好想記低佢，等我老左都可以睇返回味下

不知不覺做左奶媽16個月了，早2星期BB因為傷風鼻塞唔再要埋身要媽媽奶，之後好返開始越飲越小，甚至晚上唔飲奶都可以自己入睡，上網睇左好多資料都顯示BB開始想戒奶，雖然比同齡BB早戒奶（可能似我啦，我聽媽咪講我18個月已經唔再飲奶），但BB自己唔飲都唔能夠迫佢飲，即係話我的奶媽生涯就嚟可以功成身退啦。

諗返起呢16個月的人奶路真係有血有淚，陣痛28個月生左寶貝女出嚟，然後開始做新手奶媽，頭果2日根本未上奶，BB每啜一下都覺得痛，又好懷疑究竟BB飲唔飲到，會唔會2日其實都無食過一滴奶，之後BB因為黃要留院自己就先出院返屋企先，人奶有營養又有抗體，為左比最好的BB，返到去屋企死按爛按終於都有幾滴奶了，果下開心到好似中左六合彩咁，諗返起都覺得好好笑：）

接返BB返嚟就成日埋身飲奶，可能剛剛上奶唔係好夠奶，BB成日都要埋身，自己又成日無得訓，試過掛左BB响心口連續3個鐘佢都好似唔飽咁，餵到個人好炆，NIPPLE又比佢啜到損哂，流哂血，但又想埋多D身可以多D奶比佢，佢食唔夠我個心又痛，佢食得多我個身又痛，心情簡直係矛盾至極！最後去健康院覆診，母乳姑娘叫我停埋身幾日泵出嚟先，等NIPPLE好返再埋返身，要放鬆唔好迫自己。

頭果一個月簡直諗過無限次放棄，成個月都無訓過超過3個鐘覺，又話說我地同99一齊住，試過夜晚BB大喊，99話開奶比佢飲，我發哂顛話唔可以飲奶粉，但自己又唔夠奶，老公係咁叫我放鬆D。。又試過12朝媽咪一定要同BB去飲茶，話比佢見下大場面，席間傾開媽咪又當住99面前話我D奶食唔飽BB，叫我比佢食奶粉，我真係當場喊出嚟，仲不停話佢唔支持我，又問佢知唔知我餵得幾辛苦都係為左個女好。。。

終於BB滿月了，代表終於我堅持左一個月了，BB一日點都要飲一餐至兩餐奶粉，為左唔想BB飲奶粉，不停同自己講唔可以咁容易放棄要堅持，起碼要餵到半年先叫對得住自己！不停上網睇點可以多D奶，又飲好多湯食好多飯追奶，但剛剛叫做追到啦，BB又大左要食多D，又要再追，餵人奶真係好似唔識飽咁，去茶仔可以食到一碟半飯，頭半年為左D奶可以多脂肪，唔高熱量都唔揀嚟食，半年後。。。個磅數仲重過生完之後10幾磅，係直至而家為止人生中最重磅的時期。

努力左2個多月，因為要返工只可以早晚埋身，BB仲係有半餐食奶粉，我就索性晚上睡前果餐食奶粉好了，等佢飽D可以訓耐D訓好D，果陣會諗返坐月果時為乜要咁堅持唔比BB飲奶粉呢，又唔係毒藥，由此證明剛剛生完B坐月係好容易亂諗的。如是者過左5個月，BB可以開始食固體了，由果時起BB就係全人奶加固體，開始有返自己生活，用左3個月時間減返20磅，買返靚衫打扮返，係做左人阿媽但唔可以變肥師奶架！

而BB呢～由一日5餐到3餐到而家1餐，由媽咪好抗拒埋身到好享受同BB 2個人的私人親子時間，BB 3星期前因為傷風唔舒服突然就唔再肯埋身，直至而家都唔肯再埋身，望到奶奶都只係指住叫GG，當GG好似朋友咁只係會錫啖GG，唔肯再啜，我試過因為太唔捨得而周圍搵方法令佢再埋身，上網問啦，打去母乳熱線，睇醫生時問醫生啦等等。。後來慢慢睇佢表現知道佢大個了，要自然離乳，係好事嚟的，就慢慢接受，接受前一晚仲攬住阿女喊左出嚟，好唔捨得，同BB講就算之後佢要再埋身要返GG，要返媽媽奶，媽媽隨時都會提供架！唔知佢係咪識聽呢，由唔再埋身後BB好痴我，成日要我抱，又主動錫我，朋友話BB自己要補返D親蜜時間：）

其實自己原定PLAN左BB 2歲掛泵收奶，而家提早左，BB而家只係朝早飲4安就唔再飲了，可能唔駛2歲就成功自然戒奶，但我而家只需早晚2泵，其實都好輕鬆，所以我都PLAN左晚晚減泵直至BB 2歲，多左的就留比BB洗白白啦！我老公同好多朋友都好佩服我可以餵到咁耐，其實我都好佩服自己，由細到大個人都無乜耐性，好小一樣野會堅持到咁耐，但為左個女我第一次做到了！真係要比個LIKE自己呢～

我打呢篇野除左想記下我呢年多來一路走過的，同時都想支持下而家努力追緊奶，半夜起身迷糊泵奶的各位JM，只要努力唔好放棄，你地BB都可以得到最好的，仲有仲有～BB仲肯埋身飲奶的要好好珍惜呀，BB真係隨時唔要就唔要了～如果比我再揀我都會餵人奶，再辛苦都係值得的

0 0 0

私人傳訊回覆引用

啤梨b女

男爵府

積分: 6268

2^#

發表於 16-3-3 15:14 |只看該作者

回覆：我的16個月奶媽之路（長）

多謝分享，你真係好叻，我都要加油

私人傳訊回覆引用

ka@bb

大宅

積分: 4136

3^#

發表於 16-3-3 15:50 |只看該作者

回覆：我的16個月奶媽之路（長）

我餵大仔時都曾許下承諾，要餵到佢自已話唔要，點知到三歲兩個月時佢仲未ready，嗰時發現有咗細女，為有同佢戒，到而家細女出咗世，我仍覺得對大仔有D內疚。其實你已經好好，可以餵到自然離乳，代表你同bb一齊完成了一個階段

私人傳訊回覆引用

jennyp

大宅

積分: 2203

4^#

發表於 16-3-3 17:21 |只看該作者

回覆：我的16個月奶媽之路（長）

謝謝分享！餵咁耐真係唔容易，不過見到BB食得好咩都值得，羨慕您BB埋身食，我囡唔肯，有時泵奶反而令我少左親女時間，有點可惜！

私人傳訊回覆引用

kamanbaby

複式洋房

積分: 118

5^#

發表於 16-3-3 19:06 |只看該作者

回覆 jennyp 的帖子

從來都唔肯埋身嗎？

私人傳訊回覆引用

jennyp

大宅

積分: 2203

6^#

發表於 16-3-3 19:07 |只看該作者

引用：回覆+jennyp+的帖子從來都唔肯埋身嗎？

原帖由 kamanbaby 於 16-03-03 發表
回覆 jennyp 的帖子

從來都唔肯埋身嗎？

係呀！好羨慕您呀！

私人傳訊回覆引用

kamanbaby

複式洋房

積分: 118

7^#

發表於 16-3-3 21:59 |只看該作者

哎呀～試多D比佢埋身啦！感覺差好遠呢～BB而家幾大呀？

私人傳訊回覆引用

lemoncar

大宅

積分: 1993

8^#

發表於 16-3-4 17:57 |只看該作者

回覆：我的16個月奶媽之路（長）

我已經餵左20個月了。而家只係早上埋身，其他時間飲鮮奶。其實我覺得小B連早上都可以唔食，只不過7點幾食完可以瞓到9點先正式醒. 自己ftm, 所以無乜動力話戒. 順其自然吧！
大家加油呀

私人傳訊回覆引用

jennyp

大宅

積分: 2203

9^#

發表於 16-3-4 18:02 |只看該作者

引用：哎呀～試多D比佢埋身啦！感覺差好遠呢～BB

原帖由 kamanbaby 於 16-03-03 發表
哎呀～試多D比佢埋身啦！感覺差好遠呢～BB而家幾大呀？

53日呀

因為佢十二朝先出院，第十一日先可以試埋身，佢食得太忟，又因為消化吸收先住咁耐，所以我就泵了！

私人傳訊回覆引用

Kady1230

複式洋房

積分: 288

10^#

發表於 16-3-5 08:42 |只看該作者

回覆：我的16個月奶媽之路（長）

睇完好感動，眼濕濕⋯好有同感

人奶路係辛苦但見住bb一日一日長大，體重一路增加就覺得值得，我開刀第五日先上奶，頭幾日因為自己無奶眼淚不其然係咁流，覺得自己無用比唔到奶奶bb,憑住自己永不放棄嘅精神日擠夜擠，終於擠到第一滴黃金初乳簡直開心到飛起，慶幸地由第13日開始可以全人奶，bb剛剛3個月，會繼續努力，大家盡力呀，希望bb健健康康！！