醫護健康 今日: 0 | 主題: 7903

積分: 493

1^#

發表於 19-4-8 00:17 |只看該作者 |倒序瀏覽 |打印

家有長輩心跳一向慢，每分鐘45下左右，之前睇老人科醫生都建議安裝心臟起博器，見老人家唔想做手術，又見佢無唔舒服就無强逼她。只是買了"救心"比她食，心跳一路都咁上下，啱啱過年後有一日氣温比較低，佢見暈，後來更有輕微中風，心跳得30零下。住咗幾個星期醫院，穩定返，今次諗住同佢裝心臟起博器，但又擔佢老人家已經85歲，怕佢難以承受手術風險，屋企各人為此難以作出決定，請問樓主及各位，有無對於安裝心臟起博器認識，望能提供經驗，多謝!

0 0 0

私人傳訊

kubiwong2009

子爵府

積分: 10603

2^#

發表於 19-5-10 15:39 |只看該作者

回覆樓主:

up, 我都想知，有冇人家中有老人家裝左。

私人傳訊

積分: 493

3^#

發表於 19-5-10 15:45 |只看該作者

kubiwong2009 發表於 19-5-10 15:39
up, 我都想知，有冇人家中有老人家裝左。

到現在我都未收任何兄弟姐妹回覆，可能大家有啲避忌。

私人傳訊

kubiwong2009

子爵府

積分: 10603

4^#

發表於 19-5-10 16:03 |只看該作者

回覆樓主:

其實上個月我媽媽有幾天見頭暈，去醫院check過，心跳吾正常，又系慢，醫生都建議裝心臟起搏器，系做微創，佢都81歲，如果做就7月尾政府醫院做，亦都問過私家醫生，佢認為冇問題，裝入去都是當心跳慢同吾正常發揮作用，因為老人家好多都心跳慢，所以如果屋企有老人家裝過，我都想知對佢地有冇甚麼不好的影响，希望有人答都啦!

私人傳訊

Himawari88

積分: 389

5^#

發表於 19-5-12 13:51 |只看該作者

本帖最後由 Himawari88 於 19-5-12 13:52 編輯

回覆 syhongkong 的帖子

我爸爸上年做咗，當時80歲。佢心跳好慢得3十幾，見有時眼前一黑咁。
於是入咗院，醫生同佢做咗個24小時心電圖
發現佢一分鐘心跳停咗好多次
咁就叫佢藏個起搏器$67000 呢個可以照MRI
有d平既唔得，同埋呢個係D電用得比較耐d

私人傳訊

積分: 493

6^#

發表於 19-5-12 19:13 |只看該作者

Himawari88 發表於 19-5-12 13:51
回覆 syhongkong 的帖子

我爸爸上年做咗，當時80歲。佢心跳好慢得3十幾，見有時眼前一黑咁。

我個長輩86歲，始終係手術，做都要承受風險，大家擔心佢捱唔住，唔做又怕佢有事，所以難以決定，幸好現時心跳上返4十幾，可以出返嚟，早前覆診，醫生無話要裝起博器，唯有現時晚晚 check住佢嘅心跳。

私人傳訊

積分: 86

7^#

發表於 19-5-13 11:27 |只看該作者

syhongkong 發表於 19-4-8 00:17
家有長輩心跳一向慢，每分鐘45下左右，之前睇老人科醫生都建議安裝心臟起博器，見老人家唔想做手術，又見佢 ...

分享下我媽媽的經驗：我媽媽今年83歲，從他40多歲時已有心律不正，心跳常常太快超過120 ，心跳太快時會頭暈好辛苦所以要食一啲藥減低他的心跳，而且要經常換藥。

幾年前醫院建議他裝一個起搏器，說如果藥力太勁令到他心跳太慢的話起搏器可以救一命，媽媽拒絕因為同其他老人家諗法一樣就係覺得年紀大同埋擔心手術風險。至於我因為要工作，都好少去了解，亦都認為起搏器只是幫忙將心跳慢跳返起佢，但我媽媽是心跳快的應該幫助不大，所以也不了了之。

私人傳訊

積分: 86

8^#

發表於 19-5-13 11:28 |只看該作者

takeiteasy0809 發表於 19-5-13 11:27
分享下我媽媽的經驗：我媽媽今年83歲，從他40多歲時已有心律不正，心跳常常太快超過120 ，心跳太快時會頭 ...

直至去年媽媽因為其他原因入院，在醫院期間他的心跳一直維持在120以上，醫生說他心臟衰竭，有生命危險。當時我整個人崩潰了問為何有心臟衰竭，醫生說因為年紀也大心臟用了很多年，而且之前心跳太快心臟一路的負荷都很大。加上他們建議我們安起搏器我們也不接受，所以醫生用藥方面不能太進取，因為擔心心跳壓下去，便很難上返正常水平。好記得醫生說句一句心跳太快不會死的，但是心跳太慢是會死的，如果你們堅持不安起搏器的話，醫生已經沒有什麼藥可以令她的心跳壓下去而又保證不會跳太慢。

私人傳訊

積分: 86

9^#

發表於 19-5-13 11:29 |只看該作者

takeiteasy0809 發表於 19-5-13 11:28
直至去年媽媽因為其他原因入院，在醫院期間他的心跳一直維持在120以上，醫生說他心臟衰竭，有生命危險。當 ...

最後經過種種狀況，我媽媽慶都裝到一個起搏器，我們選擇的是他們最新的一個無線起搏器，體積好似一粒藥丸咁，但就唔會有傳統起搏器的麻煩，例如不能舉高手或者會突出左。但價錢就要九萬蚊。　撇除媽媽的其他病痛，裝了這個起搏器，媽媽的心跳維持在60 ，沒有之前成日暈，感覺非常好。我應該一早就勸他去裝了，那麼之前就不用受這麼多苦了。

私人傳訊

積分: 86

10^#

發表於 19-5-13 11:29 |只看該作者

takeiteasy0809 發表於 19-5-13 11:29
最後經過種種狀況，我媽媽慶都裝到一個起搏器，我們選擇的是他們最新的一個無線起搏器，體積好似一粒藥丸 ...

所以喺呢度我有幾個忠告俾各位子女：
1）起搏器一般都是給年長的老人家，所以不要因為年紀大而認為不用裝。
2）請一日假陪父母去複診的時候問清楚醫生當中的好壞處及風險，並且為他挑選一個好用的起搏器。大家分析完覺得父母應該要做的，就好好給父母作點思想教育。
3）起搏器現在也不是什麼高風險的手術了，但我建議老人家做完手術後的一兩小時，你們要留在醫院密切留意他的狀況。我媽媽就發生了一點事故，機會率只有1%，幸好當時我們在醫院察覺到他的血壓很不正常，醫生護士馬上幫她進行急救最後大步攬過。感恩。

私人傳訊

積分: 86

11^#

發表於 19-5-13 11:29 |只看該作者

takeiteasy0809 發表於 19-5-13 11:29
所以喺呢度我有幾個忠告俾各位子女：
1）起搏器一般都是給年長的老人家，所以不要因為年紀大而認為不用裝 ...

希望大家都抽多啲時間，關心下父母的健康狀況，因為如果我們現在不理，到後來他們出現問題辛苦的也是我們。父母健康其實是我們子女的福份。祝大家可以繼續享受父母的愛，亦都有機會孝順自己的父母。

私人傳訊